यसैया 5:1 - Sunuwar Bible

¹ गो आं दाक्‍शो कली कुम्‍सो का पाइनुङ। आ अङगुर रू आ पर्बम कुम्‍सो का पाइनुङ। आ दाक्‍शो के अङगुर रू का बाक्‍ब। आ अङगुर रू शुश ग्रेल्‍ब डांडाम बाक्‍ब। यसैया ३:१४; येरमीया २:२१; मर्कूस १२:१-९

यसैया 5:1 ပူးပေါင်းရင်းမြစ်များ

भजन संग्रह 101:1

परमप्रभु यावे, गो इन दाक्‍शा मप्रोंइतीक नु इन ठीक निसाफ पतीक आ पर्बम इन कली कुम्‍सो पाइनुङ।

भजन संग्रह 45:1

आं थुं रिम्‍शो लोव़मी ब्रीतीके गो पिप कली कुम्‍सो पाइक्‍नुङ। आं लें थाम्‍पा ब्रेक्‍स जोक्‍ब मुर आन कलम खोदेंशो दुम्‍शो बाक्‍ब।

भजन संग्रह 60:5

इन सक्तिमी आंइ कली प्रोनीन। मिनु इन दाक्‍शो मुरपुकी ब्रोंइचा तामेक्‍ल। भजन संग्रह १०८:७-१४

भजन संग्रह 80:8

गे इजीप्‍त रे अङगुर बोट का चाक्‍तीनी। मिनु रागी रागी ङा मुर आन कली खेरशा, मेको ख्रुम्‍तीनी। यसैया ५:१-७; येरमीया २:२१

ठेयब कुम्सो 2:16

आं दाक्‍शो वोंइश आल आं केन बाक्‍ब। मिनु गो मेको के बाक्‍नुङ। मेकोमी आ क्‍यारश भेडा लिली फू आन दातेम योव़‍ब। ठेयब कुम्‍सो २:१६

ठेयब कुम्सो 5:16

ए यरूसलेम ङा मीश आलपुकी, मेको आ शोव़ ब्रोव़शो लोव़मी ब्रीशो बाक्‍ब। मेको थम दारशो बाक्‍ब। मेकोन आं दाक्‍शो वोंइश मुर नु आं वारच बाक्‍ब।

ठेयब कुम्सो 5:2

गो गोल्‍‍ती, तन्‍न मइम्‍ङ। नेनीन, आं दाक्‍शो मुरुमी लाप्‍चो ख्रोकोल पाप्‍तु। “आं समी, आं दाक्‍शो मीश आल, आ ढुकुर, मारेइ मारेइम रिम्‍शो बाक्‍‍शो मीश आल लाप्‍चो रोक्‍को। आं पिया सीतम जिश्‍शो बाक्‍ब। आं चां नाक्‍दो ङा सीतम जिश्‍शो बाक्‍ब” देंत।

ठेयब कुम्सो 6:3

आं दाक्‍शो वोंइश मुर आं केन बाक्‍ब। मिनु गो मेको के बाक्‍नुङ। मेकोमी आ क्‍यारश भेडा लिली फू आन दातेम योव़‍ब। ठेयब कुम्‍सो २:१६

येरमीया 12:10

शुश गोठलापुकीम आं अङगुर रू खतम सेल्‍तेक्‍म। मेकोपुकीमी आं भाग दिम्‍शा ताइश्‍शा पाम्‍तेक्‍म। मेकोपुकीमी आं दारशो भाग कली गोरशो रागी खोदेंशो पा मुर मबाक्‍तीक सेल्‍तेक्‍म। येरमीया ६:३

येरमीया 2:21

गो इ कली नेल्‍ल क्‍येङा रिम्‍शो अङगुर बोट ख्रुम्‍ता। गे दोपा मरिम्‍शो दुम्‍शा ब्‍वाकी ङा अङगुर बोट खोदेंशो दुमे? भजन संग्रह ८०:९; यसैया ५:१-४

इजीकीएल 15:2

मार लोव़ पाप्‍तु देंशा हना “ए मुर, मार, ब्‍वाकीम बाक्‍ब अङगुर बोट आ शी ब्‍वाकी ङा अरु तेकोइ रवा आन शी क्‍येङा रिम्‍शो बाक्‍बा ङा? येरमीया २:२१

इजीकीएल 19:10

इ ममा ब्‍वाक्‍कु आ नेक्‍था ख्रुम्‍शो अङगुर बोट खोदेंशो बाक्‍त। शुश ब्‍वाक्‍कु बाक्‍तीके, मेको शुश राशी पाइश्‍शा शुश गेडा सिश्‍शो बाक्‍त। इजीकीएल १७:६

होसे 10:1

ङोंइती इस्राएल ब्राक्‍शो नु शुश फल सिप्‍ब अङगुर बोट का बाक्‍‍त। मिनु इस्राएल ङा मुरपुकी शुश क्‍येट थीब दुम्‍तेक्‍म। मिनु मोपा मेकोपुकीमी फुल्‍लु के चढ़ेतीक यो शुश सेल्‍तेक्‍म। मिनु मेको रागीमी दोशो क्‍येट चेम्‍मे, मोशोन मे कोपुकीमी आन थाम ङा मूर्ति दारपाइक्‍तेक्‍म। येरमीया २:२१; लेवी २६:१

मत्ती 21:33

मिनु येसुमी “लो, अर्को कथा का नेनीने। मुर कामी अङगुर ख्रुम्‍शा, थारपु हिरशा, अङगुर ख्राक्‍तीक नु वोइक्‍तीक सेल्‍शा, बुम्‍था पाइब माल्‍शा, मेको आन कली गेशा वोइश्‍शा, अर्को रागी लमाक्‍त। यसैया ५:१-२

मर्कूस 12:1

मिनु येसुमी कथा सेल्‍शा, शेंचा गोवा बाक्‍त। मिनु “मुर कामी अङगुर ख्रुम्‍शा, थारपु हिरशा, अङगुर ख्राक्‍तीक खाल्‍टा दोशा, धन्‍सार सेल्‍शा, बुम्‍था पाइब माल्‍शा, मेको आन कली गेशा वोइश्‍शा, अर्को रागी लमाक्‍त। यसैया ५:१-२

लूका 20:9

मिनु मुर आन कली कथा सेल्‍शा “मुर कामी ठेयब रूमी अङगुर ख्रुमा बाक्‍त। मिनु नोले ‘गो रागी हिरथ लाइनुङ’ दे मिम्‍शा, आ रू बुम्‍था पाइब आन कली गेशा वोदा बाक्‍त। मिनु लशा, शुश नाक्‍त मलेम्‍माक्‍त।

यूहन्‍ना 15:1

मिनु येसुमी “गो थमा ङा अङगुर बोट नङ। आं आफ चहिं अङगुर कली कोव़ब बाक्‍ब। भजन संग्रह ८०:९-१२; यसैया ५:१-७; येरमीया २:२१

ब्‍यवस्‍था 8:10

मिनु गेपुकीमी मरूनी सम्‍म जशा तूशा, इन कली गेशो रिम्‍शो रागी आ पर्बम परमप्रभु यावे, इन परमप्रभु कली ठेयब सेल्‍चा माल्‍नीनी।

ब्‍यवस्‍था 8:7

परमप्रभु यावे, इन परमप्रभुमी इन कली रिम्‍शो रागी लाइक्‍ब। मेकेर खोला, दिंम नु पहाड रे बुक्‍शो ब्‍वाक्‍कु नु दोम्‍ली बाक्‍नीम।