यसैया 49:6 - Sunuwar Bible

⁶ मिनु मेकोमी “याकूब आ थर ङा मुरपुकी नु इस्राएल ङा लीशो मुर आन कली ङोंइती ङा खोदेंशो सेल्‍चा कली इ कली आइक्‍च गेय का बाक्‍ब। गो इ कली रागी रागी ङा मुर आन कली छेङछेङ दुम्‍पाइक्‍नुङ। मिनु मेको आं पाप रे प्रोंइतीके रागी ङा सुर सम्‍म ब्रल” देंत। यसैया ४२:६; यसैया ६०:३; लूका २:१२; प्रेरित १३:४७

यसैया 49:6 ပူးပေါင်းရင်းမြစ်များ

उत्पत्ती 49:10

ठेयब श्‍येत रे प्रोंइब मजाक्‍म सम्‍म आ राज दन्‍ड आ सासन पतीके आ गुइमी लीब। जात जात ङा मुर मेको आ नोले खोइक्‍नीम। गन्‍ती २४:१७; १इतिहास ५:२; हिब्रू ७:१४; इजीकीएल २१:३२

२ राजा 20:10

मिनु हिज्‍कीयाहम “नां आ वांकु १० खेयप ङोंइती ग्रेचा दा आ गेयन बाक्‍ब। मेको १० खेयप नोले गे लेत्‍चा माल्‍ब” देंमाक्‍त।

२ राजा 3:18

एको परमप्रभु यावे आ ङोंइती आइक्‍च गेय का ला बाक्‍ब। मेकोमी मोआबी आन कली यो इन गुइम गेब।

भजन संग्रह 37:28

मारदे हना परमप्रभु यावेमी ठीक निसाफ दाक्‍ब। आ कली मप्रोंइब आन कली नेल्‍ल नाक्‍त गेना हना यो कोव़ब। ठीक पाइब गेना हना यो रिम्‍शो बाक्‍चा ताइनीम। तन्‍न आ अरेशो मटीब आन तमी तौ नु चच युइ तिल्‍चा पुंइसीनीम।

भजन संग्रह 67:3

परमप्रभु, जात जात ङा मुरपुकीमी इन कली ठेयब सेल्‍मेक्‍ल। मिनु मुर नेल्‍लेमी इन कली ठेयब सेल्‍मेक्‍ल।

भजन संग्रह 97:10

परमप्रभु यावेमी मरिम्‍शो पतीक कली काइ मदाक्‍ब मुर आन कली दाक्‍ब। आ कली थमा सुइक्‍ब आन कली कोव़ब। मेको आन कली आ अरेशो मटीब आन गुइ रे प्रोंइब।

यसैया 11:10

मिनु मेको नाक्‍ती येस्‍से आ शाक्‍श जात जात ङा मुर आन कली चिन्‍ड दुम्‍ब। मिनु रागी रागी ङा मुर नेल्‍लेमी मेको कली हिल्‍लो पाइ‍नीम। मेको आ बाक्‍तीके छेङछेङम बाक्‍ब। रोमी १५:१२

यसैया 42:10

परमप्रभु यावे कली नक कुम्‍सो का पने। रागी आ सुर ङा मुरपुकी परमप्रभु यावे कली कुम्‍सो पशा ठेयब सेलीन। समुन्‍द्र नु समुन्द्रम बाक्‍बपुकी परमप्रभु कली ठेयब सेलीन। समुन्‍द्र आ नेक्‍था बाक्‍ब नेल्‍लेमी मेको कली ठेयब सेलीन। भजन संग्रह ३३:३

यसैया 42:6

मेकोमी “गो, परमप्रभु यावे नङ। गो इ कली आं ठीक पतीकेमी ब्रेत्‍ताक्‍न। गो इ गुइ ग्‍याइश्‍शा, इ कली कोव़शा बाक्‍नुङ। गो मुर आन पा ङा इ कली आं कबल खाप्‍ब सेल्‍तन। रागी रागी ङा मुर आन कली छेङछेङ दुम्‍पाइक्‍चा कली सोइक्‍ताक्‍न। यसैया ४९:६,८

यसैया 45:22

आं गे ले‍तीन। मिनु पाप रे प्रोंइचा पुंइसीन। रागी ङा सुर सम्‍म मो पने। मारदे हना गो परमप्रभु नङ। आं ङा लाक्‍शा अरु सुइ परमप्रभु मबाक्‍ब।

यसैया 46:13

आं पाप रे प्रोंइतीक चाक्‍नुङ, मेको ङोन मबाक्‍ब। गो इन कली रीब पा पाप रे प्रोंइनुङ। गो आं पाप रे प्रोंइतीक सियोनम वोइक्‍नुङ। इस्राएल कली आं छेङछेङ गेनुङ” देंत।

यसैया 48:20

‘बेबीलोन रे ग्रूङीन। कल्‍दी आन रागी रे प्रोक्‍कीन’ दे ठेयब सेंदा पा नेल्‍ल आन कली नेंपतीन। रागी ङा सुर सम्‍म नेंपतीन। गेपुकीमी ‘परमप्रभु यावेमी आ गेय पाइब याकूब कली पाप रे प्रोंइतु’ दे नेंपतीन” देंत। येरमीया ५१:६; प्रकाश १८:४

यसैया 51:4

मिनु परमप्रभुमी “आं मुरपुकी, आं लोव़ नेनीन। आं रागी ङा मुरपुकी इन नोफा दाइक्‍तीन। मारदे हना गो आं लोव़ शेंनुङ। आं ठीक निसाफ जात जात ङा मुर आन कली तुइक्‍पाइक्‍नुङ। मेको आन कली छेङछेङ दुम्‍ब।

यसैया 52:10

परमप्रभु यावेमी रागी रागी ङा मुर आन ङोंइती आ सक्ति कोंइताक्‍व। मिनु रागी आ सुर सम्‍म ङा मुर नेल्‍लेमी आंइ परमप्रभुमी दोपा पाप रे प्रोंइबा, मेको ताइनीम।

यसैया 55:5

नेनीन, गे इन मतुइश्‍शो रागी रागी ङा मुर आन कली ब्रेत्‍नीनी। मिनु इन कली मतुइश्‍शो रागी रागी ङा मुरपुकी इन गे जाक्‍नीम। परमप्रभु यावे, इन परमप्रभु, इस्राएली आन का ला बाक्‍शो परमप्रभु आ पर्बम मेकोपुकी जाक्‍नीम। मारदे हना मेकोमी इन कली आ खोदेंशो रिम्‍शो पा सेल्‍शो बाक्‍त” देंत।

यसैया 56:8

मोदेंशो लोव़ पाइब परमप्रभु, परमप्रभु यावेमी खेरशो इस्राएली आन कली खुप्‍ब। मिनु “गो मेको आन कली अरु खुप्‍शो मुर नु देल्‍पाइक्‍नुङ। मेकोपुकी नु बाक्‍पाइक्‍चा कली तेम्‍नुङमी” देंत।

यसैया 60:3

रागी रागी ङा मुरपुकी इ छेङछेङम जाक्‍नीम। पिपपुकी इ सुनी ङा छेङछेङम जाक्‍नीम। यसैया २:२-३; प्रकाश २१:२४

यसैया 62:11

परमप्रभु यावेमी रागी आ सुर सम्‍म ङा मुर नेल्‍ल आन कली “सियोन आ तमी कली ‘इ कली पाप रे प्रोंइब जाक्‍ना जाक्‍न बाक्‍ब। इ कली गेतीक इनाम मेको नु बाक्‍ब। मेको इ ततीक इनाम आ ङोंइती गाक्‍ब’ देंशो बाक्‍ब। जकरिया ९:९; यसैया ४०:९-१०

येरमीया 12:16

मिनु मेकोपुकीमी मोपा बाल आ नेंम कसम जाम्‍तेक्‍म, मोपा आं मुर आन लां थमा पा शेंताक्‍म हना, मेकोपुकीम परमप्रभु यावे ब्रोंइशा बाक्‍शो खोदेंशो पा, आं नेंम कसम जाइनीम। आं मुर आन पतीके रिम्‍शो पा शेंसाक्‍म हना, मेकोपुकी आं मुर आन दातेमी बाक्‍चा ताइनीम। ब्‍यवस्‍था ६:१८; येरमीया ४:२

मीका 5:3

मिनु परमप्रभु यावेमी इस्राएली आन कली काइ मकोव़ब। मिनु मीश मुरुमी आल थिवा नोले ला कोव़ब। मेना लीशो मुरपुकी इस्राएल ङा मुर नु गारशा, लेत्‍चा पुंइसीनीम। इजीकीएल ३४:२३

जकरिया 6:13

मेकोमीन परमप्रभु यावे आ खिं सेल्‍चा माल्‍ब। मेको पिप आ मान तशा, शुश ग्‍योम्‍सीशो बाक्‍ब। मेको आ ठेयब नित्‍तीकेमी निश्‍शा सासन पाइब। मेको आ नित्‍तीकेमी आ ग्‍युरा गे चढ़ेब का बाक्‍ब। मेको निक्‍शी दुशा गारशा गेय पाइनीसी। भजन संग्रह ११०:४

जकरिया 8:22

शुश मुर नु बोल्‍यो रागी ङा मुरपुकी मुर नेल्‍ल आन परमप्रभु यावे कली माल्‍थ, यरूसलेम सहरम जाक्‍नीम। मेकोपुकीमी परमप्रभु यावे आ शिशी पुंइनीम” देंत।

लूका 2:32

अर्को जात ङा मुर आन कली छेङछेङ दुम्‍शा, मेको आन कली रुप्‍तीक थुं गेचा कली सोइक्‍ताक्‍नी। गो इस्राएली आंइ कली थम रिम्‍शो दुम्‍त” देंमाक्‍त। यसैया ४९:६

प्रेरित 13:47

आंमा शेंब दुम्‍शा, गाक्‍शो मनस्‍कु। परमप्रभु यावेमी आंस कली आ लोव़ शेंब सेल्‍तु। मिनु मेकोमी ‘गो इ कली नेल्‍ल रागी ङा, नेल्‍ल जात ङा मुर आन कली लां कोंइशा, छेङछेङ दुम्‍शा रुप्‍पाइक्‍चा कली सोइक्‍ताक्‍ङ’ दे ब्रेक्‍शो बाक्‍ब” देंसा बाक्‍त। यसैया ४९:६

प्रेरित 26:18

मारदे हना मेकोपुकी मिक्‍च ताइब दुम्‍मल। छिङछिङमी बाक्‍शोपुकी छेङछेङमी बाक्‍चा तामेक्‍ल। सैतान आ अधिकारमी बाक्‍शोपुकी परमप्रभु यावे आ अधिकारमी बाक्‍ब दुम्‍मल। मेको आन पाप क्‍याम्‍चा पुंइसीशा, आं कली थमा सुइश्‍शोमी आं मुरपुकी नु काथा दुम्‍शा, आं मुर दुम्‍मल’ देंशो नेंता। प्रेरित २०:३२

प्रेरित 26:23

मेकोपुकीमी ‘ख्रीस्‍तम श्‍येत जचा माल्‍ब’ दे ब्रेक्‍शो बाक्‍शो बाक्‍तेक्‍म। मिनु बेक्‍शो रे सेंसीशा ब्रोंइशा बाक्‍ब। बेक्‍शो रे सेंचा पुंइसीबपुकीमी नेल्‍ल आन क्‍येङा ङोंइती मेको येसु ख्रीस्‍त बेक्‍शो रे सेंसाक्‍व। मिनु मोपा यहूदी नु अर्को रागी ङा मुर नेल्‍ल आन कली छेङछेङ दुम्‍शो खोदेंशो पा आन लां कोंइब दुम्‍त” दे पावलमी सांकछी गेशा शेंदीमी बाक्‍त। १कोरिन्‍थी १५:२०