यसैया 49:2 - Sunuwar Bible

² मेकोमी आं शोव़ हेश्‍शो तरवार खोदेंशो सेल्‍तु। आं कली आ गुइमी सुम्‍शा, ख्रुइक्‍ताक्‍यी। मेकोमी आं कली हेश्‍शो ब्रा खोदेंशो सेल्‍शा, आ ब्रा कुरतीकेम कुर पा ख्रुइश्‍शा वोइक्‍ती। हिब्रू ४:१२; प्रकाश १:१६; यसैया ५१:१६

यसैया 49:2 ပူးပေါင်းရင်းမြစ်များ

भजन संग्रह 91:1

सु नेल्‍ल क्‍येङा ठेयब आ फाप्‍तीकेम बाक्‍बा नु नेल्‍ल क्‍येङा सक्ति पाइश्‍शो आ नेक्‍था बाक्‍बा,

प्रस्‍थान 33:22

आं छेङछेङ मेकेर रे लमेनु, गो इ कली मेको सेरथे फुल्‍लु आ काक्‍पेमी ख्रुइश्‍शा वोइक्‍नन। गो मलाक्‍गु सम्‍म इ कली आं गुइमी सुम्‍शा वोइक्‍नन। प्रस्‍थान ३४:५-६; प्रस्‍थान २४:११;

यसैया 11:4

ठीक पतीकेमी प्रुङग आन कली निसाफ पाइब। रागी ङा आइक्‍च नु ठेयब मुर नेल्‍ल आन कली उइक्‍थ पा निसाफ पाइब। मिनु रागी ङा मुर आन कली आ लोव़मी तुप्‍ब। परमप्रभु यावे आ अरेशो लोव़ मटीब आन कली मुइश्‍शा साइक्‍ब। २थिस्‍सलोनिकी २:८

यसैया 42:1

परमप्रभुमी “आं गेय पाइब कली कोव़ङीन। गो मेको कली सक्ति गेनुङ। आं योव़शो गेय पाइब तशा, आं थुं ग्‍येरसीब। गो मेको कली आं सोक्‍तीम प्रिंताक्‍ङ। मेकोमी रागी रागी ङा मुर आन कली ठीक निसाफ पाइ‍ब। यसैया ४९:१-६; यसैया ५०:४-११; यसैया ५२:१३-यसैया ५३:१२; मत्ती १२:१८-२१; मत्ती ३:१७

यसैया 50:10

इन दातेमी परमप्रभु यावे कली मान पा हिंब सु बाक्‍नी? मिनु आं गेय पाइब आं देंशो टीब सु बाक्‍नी? मेको छिङछिङम गाक्‍शा, छेङछेङ काइ मताइब बाक्‍त हना यो, परमप्रभु यावेम “आं कली श्‍येत रे प्रोंइब” दे थमा सुइश्‍शा, आ परमप्रभु कली जिम्‍मा गेंसीशो बाक्‍ब।

यसैया 50:4

परमप्रभु, परमप्रभु यावेमी आं कली शेंब सेल्‍ती। गो मचाप्‍शो मुर आन कली लोव़ पा आन थुं बारपाइक्‍ब दुम्‍ती। मेकोम आं कली सुनी कुस कुस पोक्‍ब। आं कली शेंसीब खोदेंशो पा नोफा दाइश्‍शा नेंब सेल्‍ब।

यसैया 51:16

गो इ कली आं लोव़ पपाइक्‍ता। गो इ कली आं गुइ ङा वांकुमी सुम्‍शा वोइक्‍तन। सरीङ प्राक्‍ब नु रागी आ जग वोइक्‍ब गो नङ। मिनु सियोन कली ‘गे आं मुर बाक्‍नीनी’ देंशो बाक्‍नुङ” देंत।

येरमीया 1:18

मुलाक्‍ती गो इ कली गारो हिरशो बोल्‍यो सहर, फलाम के थाम नु कांसा के थरपु खोदेंशो सेल्‍तन। मोपा गे यहूदा ङा पिपी, हुकुम पाइबपुकी, चढ़ेबपुकी नु रागी ङा मुर नेल्‍ले आन मरिम्‍शो पशो आ पर्बम लोव़ पने चाप्‍नेवे। येरमीया १५:२०; इजीकीएल ३:८-९

होसे 6:5

मोपतीके गो इस कली आं लोव़ पाइब रे पा टुक्रा टुक्रा पाता। आं लोव़मी इस कली साइक्‍ता। आं निसाफ इस तारी चिला आप्‍शो खोदेंशो बाक्‍ब। येरमीया २३:२९

हबकुक 3:11

इन आप्‍शो ब्रा जिल पा ब्रशा बेरमेनु, इन तूतीक जिल्‍मील पवानु, नां मसोव़। मिनु तास्‍ला सरीङम नांइसाक्‍व। यहोसु १०:१३

लूका 23:46

मिनु येसुमी “आं आफ, आं सोक्‍त इन गुइमी गेतन्‍नी” दे वाइ ब्रेश्‍शा, आ सोक्‍त प्रोना बाक्‍त। भजन संग्रह ३१:६; प्रेरित ७:५८

एफिसी 6:17

मिनु येसु ख्रीस्‍तम इन कली पाप रे प्रोंइशो तुइक्‍तीक पीतल के ताक्‍की खोदेंशो पा गुम्‍सीने। मिनु परमप्रभु यावे आ लोव़ लतीन। मेको चहिं परमप्रभु यावे आ सोक्‍त ङा तरवार बाक्‍ब। १थिस्‍सलोनिकी ५:८; हिब्रू ४:१२

हिब्रू 4:12

मारदे हना परमप्रभु यावे आ लोव़ ब्रोंइतीक सक्ति पाइश्‍शो, गेय पाइब नु निम्‍फा पटटी हेश्‍‍शो तरवार क्‍येङा हेश्‍शो बाक्‍ब। मेकोमी श्‍ये नु रुश, सोक्‍त नु थुं तिल्‍ब। मिनु मिम्‍तीके नु थुं ङा लोव़ नेल्‍ल नाक्‍ने चाप्‍ब। प्रकाश २:१२; येरमीया २३:२९

प्रकाश 1:16

मिनु मेको आ ग्‍युरा गुइमी ७ ओटा सोरुल शेशो बाक्‍त। मिनु निम्‍फा गे क्‍योरतीक पाइश्‍शो हेश्‍शो तरवार का आ शोव़ रे ग्रूत। मिनु आ कुल नाक्‍त ङा नां खोदेंशो पा कोव़ने मचाप्‍चा ङा तांइसाक्‍व।

प्रकाश 19:15

मिनु मेको ङोंइती ङा बुश शारा ङोइक्‍ब आ शोव़ रे रागी रागी ङा मुर आन कली साइक्‍चा कली हेश्‍शो तरवार का ग्रूत। मिनु मेकोमी फलाम के कोक्‍केमी मेको आन कली सासन पाइब, नेल्‍ल सक्ति पाइश्‍शो परमप्रभु यावे आ गाइक्‍चा ङा कोल खोइलीमी दिम्‍ब। भजन संग्रह २:९; प्रकाश १४:१९-२०

प्रकाश 2:12

मिनु येसु ख्रीस्‍तमी आं कली पेरगामोम सहर ङा थमा सुइक्‍ब आन शेंब कली ब्रेक्‍पाइक्‍ती। आ शोव़ रे निम्‍फा गे क्‍योरतीक पाइश्‍शो हेश्‍शो तरवार पाइश्‍शोमी

प्रकाश 2:16

मोपतीके इन थुं गो आं गे लेत्‍तीन। मलेत्‍ताक्‍नी हना, गो इन ग्रुम्‍तीकेमी रीब पा जाक्‍नुङ। मिनु आं शोव़ ङा तरवारमी मेको नु लडाइ पाइनुङ।