यसैया 49:11 - Sunuwar Bible

¹¹ मिनु गो आं डांडा नेल्‍ले लां सेल्‍नुङ। आं ठेयब लां रिम्‍शो पा सेल्‍पाइक्‍नुङ। यसैया ४०:४

यसैया 49:11 ပူးပေါင်းရင်းမြစ်များ

भजन संग्रह 107:4

का निक्‍शी गोरशो रागी मेर हिर‍शा, मुर बाक्‍तीक सहर मथिदेम।

भजन संग्रह 107:7

मेकोमी मेको आन कली पित्‍थ लांम खुल्‍तीमी। मिनु मुर बाक्‍तीक सहरम चाक्‍दीत्‍ती‍मी।

यसैया 11:16

अस्‍सुर ङा लीशो आ मुर इस्राएली आन कली जाक्‍चा कली ठेयब लां का दुम्‍ब। मेको लां इस्राएली इजीप्‍त रे ग्रूशा गाक्‍शो लां खोदेंशो दुम्‍ब। प्रस्‍थान १४:२९

यसैया 19:23

मिनु मेको नाक्‍ती इजीप्‍त रे अस्‍सुर सम्‍म ठेयब लां का दुम्‍ब। मिनु अस्‍सुर रागी ङा मुरपुकी इजीप्‍त जाक्‍नीम। इजीप्‍त ङा मुरपुकी अस्‍सुर लाइ‍नीम। मिनु इजीप्‍त नु अस्‍सुर ङा मुर गारशा परमप्रभु यावे कली ठेयब सेल्‍नीम।

यसैया 43:19

गो नक गेय का पचा चिक्‍शो बाक्‍नुङ। मुल मेको दुम्‍चशो बाक्‍ब। गे मेको मतुइक्‍नीनी? गो मुर मबाक्‍तीकेम लां का सेल्‍‍नुङ। यसैया ४१:१८

यसैया 52:12

मारदे हना गे रीब पा लचा ममाल्‍नीनी। प्रोक्‍शा लचा यो ममाल्‍नीनी। मारदे हना परमप्रभु यावे इन ङोंइती गाक्‍ब। मिनु मेको इस्राएली आन परमप्रभुमी इन कली लां कोंइशा खुल्‍ब। प्रस्‍थान १२:११; ब्‍यवस्‍था १६:३; प्रस्‍थान १३:२१

यसैया 57:14

मिनु परमप्रभुमी “सेलीन, सेलीन। रिम्‍शो लां सेलीने। आं मुर आन गाक्‍तीक लां ङा दाइल पाइब फुल्‍लु याक्‍तीन” देंत। यसैया ४०:३; यसैया ६२:१०

यसैया 62:10

ओव़ङीन, ठेयब लाप्‍चो रे ओव़ङीन। मिनु मुर आन गाक्‍तीके लां थेल्‍शा, सेलीन। ठेयब लां रे फुल्‍लु याक्‍तीन। जात जात ङा मुर आन कली चिन्‍ड वोतीन। यसैया ५७:१४

यूहन्‍ना 14:6

मिनु येसुमी “गो थमा नु ब्रोंइचा गेब लां नङ। सुइ आन पतीक गेना हना यो आं आफ नु बाक्‍चा मताइनीम। तन्‍न आं पतीके रे ला गेना हना यो परमप्रभु यावे नु बाक्‍चा ताइनीम। यूहन्‍ना १०:९; मत्ती ११:२७; रोमी ५:१-२; हिब्रू १०:२०