यसैया 49:10 - Sunuwar Bible

¹⁰ शोव़लु मबेक्‍नीम, तूतू मदाक्‍नीम। नां नु होश फश नु नांमी मेको आन कली मनाप्‍ब। मारदे हना मेको आन कली शिशी पाइबमी मेको आन कली खुल्‍ब। प्रकाश ७:१६

यसैया 49:10 ပူးပေါင်းရင်းမြစ်များ

यसैया 14:1

मिनु परमप्रभु यावेमी याकूब कली शिशी पा, इस्राएल कली योव़शा लेंशा मेको आन कली आन रागीमी वोइक्‍ब। मिनु अर्को रागी ङा मुरपुकी याकूब आ खिं ङा मुर नु गारशा बाक्‍नीम। जकरिया १:१७

यसैया 25:4

मारदे हना गे प्रुङग नु मारेइ मथीब आन कली वारच पाइब बाक्‍तीनी। फश गिवार पवानु, फाम्‍सीतीके नु नां पवानु, सितल थेरतीके बाक्‍तीनी। मारदे हना मेको शिशी मपाइक्‍ब आन गाइक्‍चा, फश गिवार गारोम थोक्‍सीशो खोदेंशो बाक्‍ब। यसैया ४:६

यसैया 32:2

मिनु मेको मुर नेल्‍ल फश रे ख्रुंइसीतीके, रेउ यिमेनु फाम्‍सीतीके, सोव़शो रागीमी ब्‍वाक्‍कु यितीके नु थम होश रागीमी ठेयब सेरथे फुल्‍लु आ वांकु खोदेंशो बाक्‍नीम।

यसैया 33:16

मेको इर ङा मुर बाक्‍नीम। मेको आन ख्रुंइसीतीके सेरथे फुल्‍लु के सेल्‍शो दरवार बाक्‍ब। मेकोमी आन जचा थोव़क ताइनीम। मेको आन ब्‍वाक्‍कु बुक्‍तीके शुश दुम्‍ब।

यसैया 35:6

खोइल मदुक्‍ब मुर किश्‍श खोदेंशो पा प्रेक्‍नीम। मब्‍वाक्‍बपुकीम ग्‍येरसीशा कुम्‍सो पाइनीम। मारदे हना मुर मबाक्‍तीकेम ब्‍वाक्‍कु बुक्‍नीम। गोरशो रागीमी खोला यीनीम।

यसैया 35:7

मिनु थम होश बाल्‍वा दोम्‍ली दुम्‍ब। सोव़शो खप रे ब्‍वाक्‍कु बुक्‍ब। मिनु सिवार आन बाक्‍तीकेमी घांस नु बुदी मीलु वानीम। यसैया ४१:१८

यसैया 4:6

मेको सुम्‍तीकेम नाक्‍ती नांम मनाप्‍पाइक्‍तीके, फश गिवार पवानु नु रेउ यिमेनु, फाम्‍सीतीके दुम्‍ब।

यसैया 40:11

आ बगाल कली गोठलाम खोदेंशो पा योव़ब। मेकोमी आ पाठा पाठी आन कली मुप्‍शा कुरब। दूध तुंइब आन कली आन चाप्‍चा ङा पा गाक्‍पाइश्‍शा खुल्‍ब। यूहन्‍ना १०:११

यसैया 41:17

मेकोमी लेंशा “प्रुङग नु क्‍येट मथीबम ब्‍वाक्‍कु माल्‍नीम। तन्‍न मथित्‍नीम। मेकोपुकी तूतू दाक्‍शा, आन लाकचा सोव़ब। गो, परमप्रभु यावेमी, मेको आन लोव़ नेंनुङ। मिनु गो, इस्राएली आन परमप्रभुमी मेको आन कली मप्रोंइथु, मेको नु बाक्‍नुङ।

यसैया 43:19

गो नक गेय का पचा चिक्‍शो बाक्‍नुङ। मुल मेको दुम्‍चशो बाक्‍ब। गे मेको मतुइक्‍नीनी? गो मुर मबाक्‍तीकेम लां का सेल्‍‍नुङ। यसैया ४१:१८

यसैया 48:17

इन कली श्‍येत रे प्रोंइब इस्राएली आन का ला बाक्‍शो परमप्रभुमी “गो परमप्रभु यावे, इन परमप्रभु नङ। गो इन कली रिम्‍शो दुम्‍चा कली शेंनुङ। मिनु तेको लां लचा माल्‍नीनी, मेको कोंइनुङ।

यसैया 48:21

मेकोमी मेको आन कली गोरशो रागीम लदानु, मेकोपुकी ब्‍वाक्‍कु तूतू मदाक्‍म। मारदे हना मेकोमी सेरथे फुल्‍लु रे ब्‍वाक्‍कु बुक्‍पाइक्‍तु। सेरथे फुल्‍लु प्रोलानु, शुश ब्‍वाक्‍कु ग्रूत।

यसैया 51:14

मिनु चोक्‍सीशा गु बाप्‍शो मुर कली रीब पा प्रोंइनीम। मेकोपुकी मबेक्‍नीम। गेना हना यो जचा ताइनीम।

यसैया 52:12

मारदे हना गे रीब पा लचा ममाल्‍नीनी। प्रोक्‍शा लचा यो ममाल्‍नीनी। मारदे हना परमप्रभु यावे इन ङोंइती गाक्‍ब। मिनु मेको इस्राएली आन परमप्रभुमी इन कली लां कोंइशा खुल्‍ब। प्रस्‍थान १२:११; ब्‍यवस्‍था १६:३; प्रस्‍थान १३:२१

यसैया 54:10

डांडापुकी याक्‍सीनीम, पहाडपुकी हिम्‍सीनीम। तन्‍न आं गेना हना यो दाक्‍तीक इ क्‍येङा ङोन मलाइब। इ थुं नाइक्‍चा गेब कबल मक्‍याम्‍सीब” दे इ कली शिशी पाइब परमप्रभु यावेमी देंत। इजीकीएल ३७:२६

यसैया 54:8

गो शुश गाइश्‍शा, याम का आं कुल इ ङोंइती रे ख्रुइक्‍ताक्‍ङ। तन्‍न आं गेना हना यो दाक्‍तीकेमी इ कली शिशी पाइनन” दे इ कली पाप रे प्रोंइब परमप्रभु यावेमी देंत। यसैया ६०:१०; बिलाप ३:३१-३२

यसैया 58:11

मिनु परमप्रभु यावेमी इन कली गेना हना यो लां कोंइब। गे श्‍येत जनी ना इन माल्‍शो नेल्‍ल गेब। मिनु इन रुश बोल्‍यो सेल्‍ब। गे ब्‍वाक्‍कु लाब्‍वेशो फल फुल रू खोदेंशो बाक्‍नीनी। गे गेनायो मसोव़ब ब्‍वाक्‍कु बुक्‍तीके खोदेंशो दुम्‍नीनी। येरमीया ३१:१२

यसैया 65:13

मोपतीके परमप्रभु यावेमी “आं गेय पाइबपुकी जचा ताइनीम। गे चहिं शोव़लु बेक्‍नीनी। आं गेय पाइब तूचा ताइनीम। गे चहिं तूतू दाक्‍शा बाक्‍नीनी। आं गेय पाइबपुकी ग्‍येरनीमी, गे चहिं मुने दोक्‍नीनी। यसैया ५५:१

येरमीया 31:9

मेकोपुकी ङाक्‍ना ङाक्‍न जाक्‍नीम। गो मेको आन कली शिशी पा लेश्‍शा चाक्‍नुङमी। गो मेको आन कली खोला आ नेक्‍था गाक्‍पाइक्‍नुङमी। दाइल मपांइसीचा ङा पित्‍थ लांम खुल्‍नुङमी। मारदे हना गो इस्राएल आ आफ दुम्‍शो बाक्‍नुङ। मिनु एफ्राइम आं ङोंइती जरमेशो तौ बाक्‍ब।

इजीकीएल 34:23

गो मेको आन कली गोठला का वोइक्‍नुङ। आं गेय पाइब दाऊद कली वोइक्‍नुङ। मिनु मेकोम मेको आन कली कोव़ब। मेको आन कली योव़शा मेको आन गोठला दुम्‍ब। इजीकीएल ३७:२४; येरमीया ३०:९; होसे ३:५; यूहन्‍ना १०:१४-१६

योना 4:8

मिनु नां दाम्‍मेनु, परमप्रभुमी योना आ बाक्‍तीकेम पूर्ब रे होश फश सोइक्‍ता बाक्‍त। मिनु नांमी योना आ पिया नाप्‍शा, योना ओले पेते दुम्‍शा, गोल्‍माक्‍त। मिनु योनामी “ब्रोंइचा क्‍येङा बेक्‍चा दाक्‍नुङ” देंमाक्‍त।

मीका 7:14

गे इन मुर आन कली कोक्‍केम योव़ङीन। मेको ब्‍वाकीम बाक्‍शो बगाल इन के बाक्‍ब। मेको रिम्‍शो बाक्‍तीकेम बाक्‍नीम। मेको आन कली ङोंइती ङा खोदेंशो पा बाशान नु गिलादमी जोचा गेन। मीका ५:३; येरमीया ५०:१९

मत्ती 5:6

ठीक पशो तचा दाक्‍बपुकी आसीक राइनीम। मारदे हना आन दाक्‍शो ताइनीम। लूका १८:९-१४; यूहन्‍ना ६:३५

यूहन्‍ना 6:35

मिनु येसुमी “गेना हना यो परमप्रभु यावे नु ब्रोंइ‍चा गेब शोब्‍ले गो नङ। सु सु आं गे पीनीमी, मेको शोव़लु मबेक्‍नीम। मिनु आं कली थमा सुइक्‍बपुकी गेनायो तूतू मदाक्‍नीम। यूहन्‍ना ४:१४; यूहन्‍ना ७:३७