यसैया 48:8 - Sunuwar Bible

⁸ गे मेको मनेंशो मतुइश्‍शो बाक्‍नीनी। साइ ङोंइती रे नोफा मनेंब बाक्‍तीनी। गे जोल पा गेय पाइब बाक्‍नीनी। मेको गो तुइक्‍ताक्‍ङ। आल रेन गे काइ मटीब बाक्‍तीनी, दे तुइक्‍ताक्‍ङ।

यसैया 48:8 ပူးပေါင်းရင်းမြစ်များ

भजन संग्रह 40:6

गे मार मार क्‍योरशा चढ़ेशो नु जचा चढ़ेशो तशा मग्‍येरसीनी। तन्‍न इन अरेशो लोव़ नेंचा कली नोफा दाइक्‍ब सेल्‍तीनी, चोशा चढ़ेशो नु पाप आ पर्बम चढ़ेशो मपुंइनी। भजन संग्रह ५०:८-१३; भजन संग्रह ५१:१८; १सामुएल १५:२२; हिब्रू १०:५-१०

भजन संग्रह 51:5

थमा पा, गो जरमेसी ङा रेन मरिम्‍शो पाइब बाक्‍ती। आं ममा आ कोव़जम जोल्‍ङा रेन मरिम्‍शो पाइब बाक्‍ती। रोमी ३:४; यूहन्‍ना ३:६

भजन संग्रह 58:3

परमप्रभु आ अरेशो मटीबपुकी जरमेसमा रेन मरिम्‍शो पाइनीम। कोव़ज रेन मरिम्‍शो पाइब दुम्‍शो बाक्‍नीम। मिनु जोल पाइनीम।

यसैया 21:2

गो हिंचा ङा लोव़ का नेंता। श्‍येत गेबपुकीम श्‍येत ला गेनीम। खतम पोक्‍‍बपुकीमी खतम ला पोक्‍नीमी। एलाम, गे कुवो। गे लशा, मादी रागी ङा मुर पुम्‍दीने। गो मेको आन हुक‍यी पचा तेक्‍नुङ” देंत।

यसैया 26:11

परमप्रभु यावे, इन गुइ मेको आन पर्बम क्‍युक्‍शो बाक्‍तीनी हना यो, मेकोपुकीमी मतुइक्‍नीम। गे इन मुर आन कली दाक्‍शो तशा, मेकोपुकी मुने दोक्‍मल। इन जोरी सत्रु आन कली नेक्‍ब मीमी मेको आन कली यो नेक्गल। यसैया ३७:३२

यसैया 33:1

आबी, गे खतम पोक्‍ब, मुल सम्‍म गे खतम पोक्‍चा मपुंइसीशो बाक्‍नेवे। गे रोइक्‍ब बाक्‍नेवे। तन्‍न सुइमी मारेइ मरोइक्‍थु, गे खतम पोक्‍चा पुंइसीनेवे। मिनु इ रोइक्‍चा नुप्‍‍त हना, इ मारेइ मारेइ रोइक्‍चा पुंइसीनेवे। मत्ती ७:२

यसैया 42:25

मोपतीके परमप्रभु यावे मेको आन पर्बम शुश गाइक्‍ताक्‍व। मेको आन कली लडाइ ङा श्‍येत दुम्‍पाइक्‍तु। मेको आन एर ओंथ नेल्‍ल मी जेत्‍ताक्‍व। मो हना यो मेकोपुकीमी काइ मरुबेम। मी जेश्‍‍शा यो आन थुं परमप्रभु यावे गे मलेत्‍तेम।

यसैया 46:8

मिनु “गे हेंथे गाक्‍बपुकी, आं देंशो मिम्‍तीन। साइ ङा लोव़ इन थुंम वोतीन।

यसैया 47:11

तन्‍न मुल गे शुश श्‍येत जाइनेवे। इ मन्‍तर तन्‍तरमी तिक्‍ने मचाप्‍नेवे। गे शुश हिंचा ङा श्‍येत जाइनेवे। गे मेको तेक्‍ने मचाप्‍नेवे। मुल सम्‍म मतुइश्‍शो जाम्‍तीक नु नुप्‍तीक इ तारी जाक्‍ब।

यसैया 48:4

गे मटीब बाक्‍नीनी। इन शुर फलाम खोदेंशो बाक्‍ब। इन कुप्‍फी कांसा खोदेंशो बाक्‍ब। गो मेको तुइश्‍शो बाक्‍नुङ।

यसैया 48:7

मेको ङोंइती ङा ममाइ, गो मेको मुल पाता। ङोंइती मनेंशो ननी। मिनु गेपुकीमी “गो ङोंइती रे तुइश्‍शो नकी” देंने मचाप्‍नीनी।

यसैया 50:5

परमप्रभु, परमप्रभु यावेमी आं कली आ लोव़ नेंपाइक्‍ती। मिनु गो आ लोव़ टिशा, नोले मशोंइसीङ। भजन संग्रह ४०:७

यसैया 57:4

गे सुका आ पर्बम शुक्‍शी लोव़ पनी। सुका आ पर्बम इन शोव़ रोक्‍नी? मारदे इन लें ग्रुंइनीनी? मार, गे हेंथे पाइब आन तमी तौ मननी ङा? गे जोल पा थिशो आल बाक्‍नीनी। २राजा १६:२-४; येरमीया २:२०,२३,२४

येरमीया 3:20

तन्‍न दोपा थमा सुइक्‍ने मचाप्‍ब मीश मुरुम आ वोंइश कली प्रोंइबा, मोपा गे थमा सुइक्‍ने मचाप्‍ब, इस्राएल, गे आं कली प्रोंइती” दे परमप्रभु यावेम देंत।

येरमीया 5:11

मारदे हना इस्राएल नु यहूदा ङा मुरपुकीम थमा पा प्रोंइतीमी” देंत।

येरमीया 5:21

गे मूर्ख नु मिम्‍तीक मपाइश्‍शो मुरपुकी, एको लोव़ नेनीन। इन मिक्‍ची बाक्‍ब, तन्‍न मताइनीनी। इन नोफा बाक्‍ब, तन्‍न मनेंनीनी।

येरमीया 6:10

गो सु कली लोव़ पा हिंच कोंइदु? आं लोव़ सुम नेंबा? मेकोपुकीम नेंने मचाप्‍नीम। मेको आन नोफा सुशो बाक्‍नीम। परमप्रभु यावे आ लोव़ आ पर्बम गाइक्‍नीम। मेको नेंचा मदाक्‍नीम” देंत। येरमीया ४:४; प्रेरित ७:५१

होसे 5:7

मेकोपुकी परमप्रभु यावे रे नोले शोंइसीशो बाक्‍नीम। मेकोपुकीमी हेंथे पा आल थिशो बाक्‍नीम। मेको आन औंसी ङा चाडमी आन बाली नाली नु मेको आन कली खतम सेल्‍ब। होसे २:१३

होसे 6:7

मेकोपुकीमी आदम सहर ङा मुर खोदेंशो पा गो नु पशो कबल प्रोंइतेक्‍म। मेकोपुकीमी आं कली थमा मसुइक्‍थु प्रोंइतेक्‍म। यहोसु ३:१६

होसे 7:9

अर्को रागी ङा मुरपुकीमी मेको आ बोल नुप्‍पाइक्‍नीम। तन्‍न मेकोमी मतुइक्‍ब। मेको आ चां का निक्‍शी बोइश्‍शो बाक्‍ब। तन्‍न मेकोमी मतुइक्‍ब।

मलाकी 2:11

यहूदामी आं कली प्रोंइती। मिनु इस्राएल नु यरूसलेममी ग्रांग्रा दित्‍चा ङा गेय दुम्‍शो बाक्‍ब। मारदे हना यहूदामी परमप्रभु यावे आ दाक्‍शो बाक्‍तीके ग्रांग्रा दिशो सेल्‍तु। दोपा मोदेंशो सेल्‍तु देंशा हना, आंम तौ आन कली देवी देवता आन कली ठेयब सेल्‍ब मुर आन तमी चाक्‍तु। एज्रा ९:२

एफिसी 2:3

मिनु ङोंइती गो नेल्‍ल मोदेंशो रागी ङा मुर बाक्‍तय। गोपुकी यो मार दाक्‍तय, मेकोन पाइतय। इं रां नु थुंमी मार दाक्‍ता, मेकोन पाइतय। मोपतीके गोपुकी यो अरु मुर खोदेंशो पा गाइक्‍ब आ आल दुम्‍‍तय। १पत्रुस ४:३; कलस्‍सी ३:६

ब्‍यवस्‍था 31:16

मिनु परमप्रभु यावेमी मोसा कली “गे इ किकी पिपी नु बाक्‍चा चिक्‍शो बाक्‍नेवे। गे बेक्‍ङे नोले मेको मुर आन लशो रागीम जाक्‍दीश्‍शा, मेको रागी ङा आन मतुइश्‍शो देवी देवता आन कली खोइक्‍नीम। आं कली प्रोंइशा, गो नु पशो कबल क्‍याम्‍नीम।

ब्‍यवस्‍था 31:18

मिनु मेकोपुकी शुश मरिम्‍शो पा, देवी देवता आन नोले खोइक्‍ब दुम्‍नीम। मोपतीके गो मेको आन कली वारच मपाइ‍नुङ।