यसैया 48:10 - Sunuwar Bible

¹⁰ कोव़ङीन, गो इन कली यपाइक्‍ता, तन्‍न चांदी खोदेंशो पा ममाइ। शुश श्‍येत जपाइश्‍शा, नाक्‍ताक्‍न्‍नी। ब्‍यवस्‍था ४:२०

यसैया 48:10 ပူးပေါင်းရင်းမြစ်များ

१ राजा 8:51

मारदे हना मेकोपुकी इन खिं ङा मुर बाक्‍नीम। गे मेको आन कली शुश श्‍येत गेतीके इजीप्‍त रागी रे ग्रुंइशा चाक्‍तीनी।

अय्‍युब 23:10

तन्‍न मेकोमी आं गाक्‍शो लां तुइक्‍ब। मेकोमी आं कली नाक्‍शा कोव़यीनु, गो सुन खोदेंशो दुम्‍नुङ। भजन संग्रह १७:३; भजन संग्रह १३९:२३-२४

अय्‍युब 28:1

मिनु अय्‍युबमी “चांदी आन खानी बाक्‍नीम। सुन यपाइश्‍शा रिम्‍शो सेल्‍तीक बाक्‍नीम।

भजन संग्रह 66:10

मारदे हना परमप्रभु, गे आंइ कली नाक्‍ताक्‍नी। गे आंइ कली चांदी यपाइश्‍शो खोदेंशो पा यपाइक्‍तीनी। हितोपदेस १७:३

हितोपदेस 17:3

सुन चांदी यपाइश्‍शा नाक्‍चा कली ग्‍योंब नु मी माल्‍ब। तन्‍न परमप्रभु यावेमी मुर आन थुं नाक्‍ब भजन संग्रह ६६:१०

यसैया 27:9

मोपतीके मेको रे पा याकूब आ मुर आन दोस क्‍याम्‍सीब। मेको आन पाप पशो आ पर्बम मो पचा पुंइसीशो बाक्‍तेक्‍म। मेकोमी चढ़ेतीके ङा फुल्‍लु खरी खोदेंशो पा फस सेल्‍ब। मिनु मूर्ति पाइश्‍शो थाम नु धूप चोशा चढ़ेतीक काइ मलीपाइक्‍ब। लेवी २६:३०

येरमीया 11:4

गो मेको कबल ङा पचा माल्‍शो गेय इन किकी पिपी आन कली श्‍येत जतीक इजीप्‍त रागी रे ग्रुंइची ना अरेशो नङमी। गो मेको आन कली आं अरेशो यो टिने। इन कली अरेशो लोव़ नेल्‍ल पा आं मुर दुम्‍नीनी। मिनु गो इन परमप्रभु दुम्‍नुङ। येरमीया ७:२३

येरमीया 9:7

मोपतीके मुर नेल्‍ल आन परमप्रभु यावेम “गो मेको आन कली यपाइश्‍शा नाक्‍नुङमी। पाप पाइब आं मुर आन कली गो अरु मार पने चाप्‍नुङा ङा?

इजीकीएल 20:38

इन दाते ङा आं कली मटीब नु मरिम्‍शो पाइब आन कली तिल्‍नुङमी। गो मेको आन कली अर्को रागी ङा मुर दुम्‍शा बाक्‍शो रागी रे ग्रुंइनुङमी। तन्‍न मेको इस्राएल रागी ओव़चा मताइनीम। मिनु गेपुकीम गो परमप्रभु यावे नङ, दे तुइक्‍नीनी।

ब्‍यवस्‍था 4:20

परमप्रभु यावेमी इन कली आंम मुर सेल्‍चा, दे फलम चोतीके खोदेंशो इजीप्‍त रागी रे ग्रुंइताक्‍व। मोदेंशो पा मुलाक्‍त बाक्‍ब, दे तुइक्‍नीनी। १राजा ८:५१; यसैया ४८:१०; येरमीया ११:४; प्रस्‍थान १९:५-६; यसैया १९:२५

१ पत्रुस 1:7

मारदे श्‍येत जाइनीनी देंशा हना, इन थमा सुइश्‍शो थमा कों, जोल कों, दे नाक्‍चा कली श्‍येत जाइनीनी। मोपा श्‍येत जाइतीनी हना, इन थमा सुइक्‍तीके मीम याप्‍पाइश्‍शो सुन क्‍येङा शुश क्‍येट लाइब दुम्‍ब। मिनु येसु ख्रीस्‍त आ यिची ना ठेयब सेल्‍तीक, छेङछेङ नु मान पतीक दुम्‍ब। हितोपदेस १७:३, यसैया ४८:१०

१ पत्रुस 4:12

मिनु आं दाक्‍शो लोक्‍बपुकी, इन कली थुं थाम्‍चा ङा श्‍येत शुश दुम्‍त हना, महिनीन। मेको मारेइ ममाइ। इन थमा सुइक्‍तीके नाक्‍चा कली बाक्‍ब। १पत्रुस १:६-७

प्रकाश 3:19

गो आं दाक्‍शो मुर आन कली आन मरिम्‍शो पतीके कोंइनुङ। नोले गो मेको आन कली श्‍येत गेशा, आल खोदेंशो पा शेंनुङ। इन थुं गो आं गे लेत्‍तीन। इन थमा सुइक्‍तीके बारपतीन। हितोपदेस ३:१२; १कोरिन्‍थी ११:३२; हिब्रू १२:६