यसैया 47:12 - Sunuwar Bible

¹² गे इ टुना मुना नु मन्‍तर तन्‍तर शुश पावो। गे आल रेन मोदेंशो पाप्‍तीवी। मेको पवीनु, ठीक दुम्‍बा कों? मेको श्‍येत मजाक्‍बा कों? दानीएल २:२

यसैया 47:12 ပူးပေါင်းရင်းမြစ်များ

भजन संग्रह 129:1

इस्राएलमी “मेकोपुकीमी गो ठिटा बाक्‍ङा रेन आं कली थाम्‍पा श्‍येत गेतीमी” देंत।

प्रस्‍थान 7:11

मिनु फाराओमी इजीप्‍त रागी ङा जादू नु टुना मुना पाइब आन कली ब्रेत्‍ताक्‍मी। मेकोपुकीमी यो आन टुना मुनामी हारून खोदेंशो पा आन कोक्‍के ब्‍वारशा, बुस्‍सपुकी सेल्‍तेक्‍म। प्रस्‍थान ७:२२; प्रस्‍थान ८:३; उत्‍पत्ती ४१:८; २तिमोथी ३:८

प्रस्‍थान 8:7

इजीप्‍त रागी ङा जादू टुना मुना पाइबपुकीमी यो आन मन्‍तरमी हारून खोदेंशो पा क्रुक्‍क्रु ग्रूपाइक्‍तेक्‍म। प्रस्‍थान ७:११

प्रस्‍थान 9:11

मिनु इजीप्‍त रागी ङा जादू पाइबपुकी यो शुश गार मुशा, रोइ पशा, मोसा आ नेक्‍था बाक्‍ने मचबेम।

यसैया 19:3

मिनु इजीप्‍त ङा मुर आन थुं लुक्‍च लाइब। गो मेको आन मिम्‍शो खतम सेल्‍नुङ। मिनु मेकोपुकीमी आन मूर्ति नु बेक्‍शो मुर आन सल्‍ला नेंचा माल्‍नीम।

यसैया 44:25

गो जोल पाइब आन नोले दुम्‍ब लोव़ शोर गाक्‍शो सेल्‍नुङ। लिंक्‍यु कोव़ब आन निप्‍स क्‍यातामी। जोक्‍ब तुइक्‍ब आन कली दिप्‍शा, मेको आन जोक्‍तीके तुइक्‍तीके नेल्‍ल मूर्ख सेल्‍ता। यसैया २९:१४

यसैया 8:19

मिनु मुरपुकीमी इ कली “बेक्‍शो मुर आन कली हिल्‍लो पावो। लिंक्‍यु कोव़ब चाक्‍को। वोल आन कली लोव़ पपतो” दे लोव़ पाइनीम। मेको वोल आन रेयके नेंसीब। मिनु मार, सेस मुर आन पर्बम बेक्‍शो मुर आन कली हिल्‍लो पचा? मुरपुकीमी आन परमप्रभु कली हिल्‍लो पचा ममाल्‍नीमी ङा? २राजा १:३

येरमीया 2:28

तन्‍न आंम इन सेल्‍शो देवी देवता ते लाक्‍गमे? मेकोपुकीमी इन कली प्रोंइने चाप्‍तेक्‍म हना, इन श्‍येत जची ना मेको आन कली जाक्‍प‍तीन। मारदे हना यहूदा, गे इ के गिश सहर बाक्‍मा, मिश देवी देवता बाक्‍नीम। ब्‍यवस्‍था ३२:३७-३८; न्‍यायाधीस १०:१४; येरमीया ११:१३

इजीकीएल 21:26

मेको आ पिया रे गुप्‍तीक पुतीन। मेको आ सिरपेच पुतीन। मुल दुम्‍शो खोदेंशो पा, लेंशा मदुम्‍ब। आइक्‍च आन कली ठेयब सेलीन। मिनु ठेयब आन कली आइक्‍च सेलीन। प्रस्‍थान २८:४; लूका १८:१४

दानीएल 2:11

पिपमी हिल्‍लो पशो लोव़ सुइमी शोव़ने मचाप्‍चा ङा बाक्‍ब। देवी देवतामी ला तुइक्‍पाइक्‍ने चाप्‍नीम। तन्‍न मेको देवी देवता मुर आन दातेमी मबाक्‍नीम” देंतेक्‍म।

दानीएल 2:2

मिनु मेको पिपमी आ ङोमु मार बाक्‍मे, दे तुइक्‍चा कली “जादू, मन्‍तर तन्‍तर पाइब, टुना मुना पाइब नु सोरुल कोव़ब कल्‍दी आन कली चाक्‍चा माल्‍नीनी” दे हुकुम पाप्‍तु। मिनु मेकोपुकी पिप आ ङोंइती जाक्‍शा राप्‍तेक्‍म। यसैया ४७:१२-१३

दानीएल 5:15

गो एको ब्रेक्‍स पढेशा मार रुम्‍सीबा, आं कली देंमल, दे शुश जोक्‍ब तुइक्‍ब नु मन्‍तर तन्‍तर पाइब आन कली एक चाक्‍पाइक्‍ता, तन्‍न मेकोपुकीमी एको ब्रेक्‍स आ अर्थ शेंने मचबेम।

मीका 3:7

कोंइतीक ताइबपुकी शिशी मताइनीम। टुना मुना पाइबपुकी मुने दोक्‍नीम। मेको आन शोव़ सुम्‍सीचा माल्‍नीम। मारदे हना परमप्रभुमी मेको आन कली लोव़ मलेप्‍ब। आमोस ८:१२

नहुम 3:4

मेको तेल्‍लेम खोदेंशो सहरम हिक्‍ने मचाप्‍चा ङा पा मरिम्‍शो पतीकेमी रागी रागी ङा मुर आन कली आ खोदेंशो पपाइक्‍तीमी। रिम्‍शो मीश मुर नङ, देंखु पा, आ टुना मुना पतीकेमी जात जात ङा मुर आन कली दूली लां खोइक्‍पाइक्‍तीमी।

गन्‍ती 22:25

मिनु मेको गधामी परमप्रभु यावे आ स्‍वर्ग ङा गेय पाइब कली तशा, गारो गे ढेंसेसीशा गाक्‍त। मिनु बालाम आ खोइली मेको गारोम खोरताक्‍व। मिनु मेकोमी मेको कली लेंशा तुप्‍तु।

प्रकाश 9:21

मिनु मेकोपुकीमी मुर साइक्‍चा, टुना मुना पचा, चिन्‍ता बाक्‍चा, तेल्‍लेम पचा नु खुइ पचा मप्रोनेम। मिनु आन थुं यो परमप्रभु यावे गे मलेत्‍तेम।