यसैया 46:7 - Sunuwar Bible

⁷ मिनु मेको कली गुप्‍शा, बलाम कुरशा, लाइश्‍शा, आ बाक्‍तीकेम वोदमेनु, मेकेर मदुक्‍थु, मगाक्‍थु बाक्‍ब। सुइमी मेको आ ङोंइती जाक्‍शा ‘प्रोंइ‍यीनी’ देंत हना, मेकोमी लोव़ मलेप्‍ब। सुइ आन कली श्‍येत रे प्रोंइने मचाप्‍ब” देंत। १राजा १८:२६

यसैया 46:7 ပူးပေါင်းရင်းမြစ်များ

१ राजा 18:26

मोपतीके मेको आन योव़शो ब्‍यफ लांइसीशा, क्‍योरशा चढ़ेशा, बाल आ नें थिशा सुनी रे नाक्‍त सम्‍म “ए बाल! आंइ कली लोव़ लेत्‍तीकी” दे ग्रीमा बाक्‍त। तन्‍न मेकेर मारेइ मदुम्‍माक्‍त। मारेइ सेंदा यो मनेंसे बाक्‍त। मिनु मेकोपुकी मेको आन सेल्‍शो चढ़ेतीक आ एर ओंथ प्रेक्‍ना प्रेक्‍न सिल पामे बाक्‍त।

१ राजा 18:29

मोपा नाक्‍त रे नाक्‍दो चढ़ेची ना सम्‍म ग्रीना ग्रीन बाक्‍मा बाक्‍त। तन्‍न मेकेर मारेइ मदुम्‍माक्‍त। मारेइ सेंदा यो मनेंसे बाक्‍त। मी यो मयिमाक्‍त।

१ राजा 18:40

मिनु एलीयामी मेको आन कली “बाल आ लोव़ पाइब आन कली ग्‍याइक्‍तीन। का यो प्रोक्‍चा मतामेक्‍ल” दे माइक्‍मी बाक्‍त। मिनु मेकोपुकीम मेको आन कली ग्‍याइक्‍तमे बाक्‍त। मिनु एलीयाम मेको आन कली किशोन खोल्‍साम लाइश्‍शा साइक्‍मी बाक्‍त। प्रस्‍थान २२:१९; ब्‍यवस्‍था १३:६-९

यसैया 37:38

मिनु आ देवता निस्रोक आ खिंमी बाप्‍शा पूजा पना पन बाक्‍मेनु, आ तौ अद्राम्‍मेलेक नु शरेसेरमी मेको कली तरवारमी क्‍योरशा साइक्‍ताक्‍स। मिनु मेको निक्‍शी प्रोक्‍शा, आरारात रागी लाम्‍ताक्‍स। मिनु मेको आ पा ङा आ तौ एसर-हददोन पिप दुम्‍‍‍त।

यसैया 40:20

का निक्‍शीमी कोसेली गेचा कली बोल्‍यो, मराक्‍चा ङा शी योव़नीम। शी के गेय पाइब जोक्‍ब मुर का माल्‍ब। मिनु मेकोमी महिक्‍सीचा ङा पा मूर्ति सेल्‍पाइक्‍ब।

यसैया 41:28

तन्‍न गो कोव़ङुनु, सुइ मथिदु। अर्ती गेब सुइ मबाक्‍म। गो हिल्‍लो पाता, सुइम लोव़ मलेत्‍तीनी।

यसैया 41:29

मेको नेल्‍ल फश बाक्‍नीम। आन गेय नेल्‍ल फश बाक्‍ब। मिनु देवी देवता आन मूर्ति फश बाक्‍नीम” देंत।

यसैया 41:7

मिनु दारशो थोव़क सेल्‍स जोक्‍बमी चेम्‍ब आ थुं बारपाइक्‍ब। घन तुप्‍बमी चेम्‍ब आ थुं बारपाइश्‍शा ‘एको रिम्‍शो दुम्‍त’ देंशा, महिम्‍सेक्‍ल, दे कांटी थोक्‍ब” देंत।

यसैया 44:12

तुप्‍तीलमी मूर्ति चेम्‍ब। मेकोमी मीम गेय पाइब। बोल्‍यो गुइमी घनमी तुप्‍शा सेल्‍ब। मेको शोव़लु बेक्‍शा, आ बोल साम्‍ब। ब्‍वाक्‍कु मतूथु, गेय पने मचाप्‍ब। यसैया ४०:१८-२०

यसैया 45:20

मिनु परमप्रभु यावेमी “गे नेल्‍ल खुम्‍सीशा बुक्‍कीन। गे रागी रागी ङा लीशो मुर आं नेक्‍था जाक्‍कीन। शी के मूर्ति कुरबपुकी मारेइ मतुइक्‍ब बाक्‍नीमी। मेकोपुकीमी आन मूर्ति कली पुंइना पुंइन बाक्‍नीमी। तन्‍न मेकोपुकीमी श्येत रे प्रोंइने मचाप्‍नीम।

यसैया 46:1

बेल गुर ब्‍वेत। नेबो दिङ गोल्‍त। मेको आन मूर्तिपुकी बी ब्‍यफ आन कली कुरपाइक्‍नीम। इन कुरशो थोव़क गे दशो बी ब्‍यफ आन कली कुरपाइक्‍नीनी। येरमीया ५०:२

यसैया 47:15

गे नु गेय पाइब मुरपुकी मोदेंशो मुर बाक्‍नीमी। गे आल रेन मेकोपुकी नु ग्‍याप्‍तीक लेयती गेय पाप्‍तीवी। मेको का का पा आन आंम लां खोइक्‍नीम। मिनु इ कली प्रोंइब सुइ मबाक्‍नीम” देंत।

येरमीया 10:5

मेको आन मूर्ति वोबी‍स रूम वोइश्‍शो खेरच खोदेंशो बाक्‍नीम। मेको ब्‍वाक्‍ने मचाप्‍नीम। मेको आन कली कुरचा माल्‍नीम। मारदे हना मेकोपुकी गाक्‍ने मचाप्‍नीम। मेको तशा महिनीन। मारदे हना मेकोपुकीमी मारेइ मरिम्‍शो पने मचाप्‍नीम। मारेइ रिम्‍शो यो पने मचाप्‍नीम” देंत। भजन संग्रह ११५:७; यसैया ४६:७

येरमीया 11:12

मिनु नोले यहूदा सहर ङा मुरपुकी नु यरूसलेमम बाक्‍ब मुरपुकीमी लशा, मेको आन पूजा पशो देवी देवता आन कली पुंइनीम। तन्‍न मेकोपुकीमी मेको आन कली आन श्‍येत रे गेनायो मप्रोंइनीम। येरमीया २:२८; ब्‍यवस्‍था ३२:३७-३८

येरमीया 2:28

तन्‍न आंम इन सेल्‍शो देवी देवता ते लाक्‍गमे? मेकोपुकीमी इन कली प्रोंइने चाप्‍तेक्‍म हना, इन श्‍येत जची ना मेको आन कली जाक्‍प‍तीन। मारदे हना यहूदा, गे इ के गिश सहर बाक्‍मा, मिश देवी देवता बाक्‍नीम। ब्‍यवस्‍था ३२:३७-३८; न्‍यायाधीस १०:१४; येरमीया ११:१३

दानीएल 3:1

मिनु पिप नेबुकदनेसरमी सुन के मूर्ति का सेल्‍तु। मेको मूर्ति ६० कुबीत ग्‍येत्‍थ लाइश्‍शो नु ६ कुबीत पित्‍थ ब्रेम्‍शो बाक्‍त। मिनु मेको कली बेबीलोन ङा दुरा माइश्‍शो दिंममी राप्‍पाइश्‍शा वोइक्‍तु। कुबीत का आधा मिटर खोदेंशो बाक्‍ब।

योना 1:5

मिनु डोंगाम गेय पाइबपुकी हिंशा, आन देवी देवता आन नें थि‍शा, ब्रेम्‍मा बाक्‍त। मिनु डोंगा सोपी पचा कली मेको आन बाक्‍शो मारेइ मारेइ समुन्‍द्रमी ताइक्‍तमे बाक्‍त। योना चहिं डोंगा आ आइदी तला लशा, इप्‍शो बाक्‍माक्‍त।

१ कोरिन्‍थी 12:2

ख्रीस्‍त कली थमा सुइक्‍चा क्‍येङा ङोंइती गे मूर्ति पूजा पाइब बाक्‍तीनी। मिनु मेको मारेइ पने मचाप्‍ब मूर्ति गे इन थुं हिरशो बाक्‍तीनी। अय्‍युब २:१८-१९

१ सामुएल 5:3

मिनु आ दीसा अश्‍दोद ङा मुरपुकी सुनी कना बोक्‍शा कोव़ङमेनु, दागोन आ मूर्ति गोल्‍शा, परमप्रभु यावे आ कबल पशो सन्‍दोस आ ङोंइती बाप्‍शो तामे बाक्‍त। मिनु मेकोपुकीम दागोन कली पोक्‍शा, आ बाक्‍तीकेम वोदमे बाक्‍त।