यसैया 46:3 - Sunuwar Bible

³ “याकूब आ खिं ङा मुर, आं लोव़ नेनीन। इस्राएल आ खिं ङा लीशो मुरपुकी आं लोव़ नेनीन। गे जरमेसीनी रे इन कली कुरता। गे कोव़जीम बाक्‍नी रेन इन कली कुरता।

यसैया 46:3 ပူးပေါင်းရင်းမြစ်များ

भजन संग्रह 28:9

इन मुर आन कली प्रोनीन। इन रागी कली आसीक गेने। मिनु मेको आन कली गेना हना यो गोठला खोदेंशो पा योव़शा, गुप्‍शा, कुरशा पने।

भजन संग्रह 71:6

गो जरमेसीङा रेन इन कली थमा सुइक्‍ता। गे आं ममा आ कोव़ज रेन आं कली कोव़ब बाक्‍तीनी। गो इन कली गेना हना यो ठेयब सेल्‍नुङ।

प्रस्‍थान 19:4

‘गो इजीप्‍त ङा मुर आन कली मार मार पङा, मेको ताइतीनी। ककाकुली आ फ्रां तार कुरशो खोदेंशो पा इन कली आं नेक्‍था वोइक्‍तन्‍नी। ब्‍यवस्‍था ३२:११

यसैया 1:9

मुर नेल्‍ल आन परमप्रभु यावेमी “का निक्‍शी मुर महें‍शो हना, गेपुकी सोदोम नु गोमोररा खोदेंशो दुम्‍नी वा” देंत। उत्‍पत्ती १९:२४-२५; रोमी ९:२९

यसैया 10:20

मिनु मेको नाक्‍ती इस्राएल ङा लीशो मुरपुकी नु याकूब आ खिं ङा प्रोक्‍शा ब्रोंइशो मुरपुकी लेंशा, आंम कली तुप्‍ब गे मलाइनीम। तन्‍न मेकोपुकी थमा पा परमप्रभु यावे, इस्राएली आन का ला बाक्‍शो परमप्रभु आ नोले खोइक्‍नीम। यसैया ६:१३; यसैया ७:३

यसैया 10:21

मिनु का निक्‍शी याकूब आ मुरपुकी सक्ति पाइश्‍शो परमप्रभु गे लेत्‍नीम।

यसैया 10:22

इन इस्राएल ङा मुर समुन्‍द्र ङा बाल्‍वा खोदेंशो पा शुश बाक्‍तेक्‍म हना यो, का निक्‍शी ला लेत्‍नीम। अरु चहिं नेल्‍ल साइक्‍चा पुंइसीनीम। मिनु ठीक प‍तीक ठेयब दुम्‍ब। रोमी ९:२७

यसैया 11:11

मेना परमप्रभुमी आ लीशो मुर आन कली लेंशा प्रोंइशा चाक्‍ब। मिनु ते रे प्रोंइशा चाक्‍ब देंशा हना, अस्‍सुर, इजीप्‍त, पथ्रोस, एथीयोपीया, एलाम, शिनार, हमाथ नु समुन्‍द्र आ नेक्‍था रे प्रोंइशा चाक्‍ब। इजीकीएल ३७:२१-२२

यसैया 37:4

इन परमप्रभु यावे, इन परमप्रभुमी राब्‍शाके आ लोव़ नेंना माइ। अस्‍सुर ङा पिपमी मेको कली गेना हना यो ब्रोंइशा बाक्‍ब परमप्रभु कली शुक्‍शी पथ सोइक्‍ताक्‍व। मेको आ लोव़ नेंशा, परमप्रभु यावे, इन परमप्रभुमी मेको कली सजाइ गेबा कों? मोपतीके लीशो मुर आन पर्बम पुनीन’ देंत” दे मेकोपुकीमी देंतेक्‍म।

यसैया 4:3

मिनु सु सु सियोन नु यरूसलेमम लीशो बाक्‍मा, मेकोपुकी “परमप्रभु के बाक्‍नीम” दे माइक्‍नीम। मेको आन नें यरूसलेमम ब्रोंइचा कली ब्रेक्‍सीशो बाक्‍नीम। यसैया ६:१३; प्रस्‍थान ३२:३२; भजन संग्रह ६९:२९; मलाकी ३:१६

यसैया 44:21

याकूब गे एको लोव़ मिम्‍तो। इस्राएल मिम्‍तो। मारदे हना गे आं गेय पाइब बाक्‍नेवे। गो इ कली सेल्‍तन, गे आं गेय पाइब बाक्‍नेवे। इस्राएल इ कली मप्रेंनन। यसैया ४१:८

यसैया 46:12

गे खकटा थुं पाइश्‍शोपुकी नेनीन। गे पाप रे प्रोंइतीके रे शुश ङोन बाक्‍नीनी।

यसैया 48:1

मिनु परमप्रभु यावेमी “याकूब आ खिं ङा मुर, नेनीन। इन कली इस्राएल नें वोइश्‍शो बाक्‍ब। गे यहूदा आ चच युइ बाक्‍नीनी। गे परमप्रभु यावे आ नें थिशा, कसम जाइनीनी। गे इस्राएली आन परमप्रभु कली ठेयब सेल्‍खु पाइनीनी। यसैया ५१:१

यसैया 51:1

परमप्रभु यावे कली माल्‍ब नु ठीक पचा दाक्‍ब आन कली “आं लोव़ नेनीन। तेको सेरथे फुल्‍लु रे मुचा पुंइसीशो बाक्‍नी नु तेको खप रे दो‍शा ग्रुंइचा पुंइसीनी, मेको कली कोव़ङीन। यसैया ४८:१; ब्‍यवस्‍था ३३:२८

यसैया 51:7

गे ठीक पतीके तुइक्‍बपुकी आं लोव़ नेनीन। आं शेंशो थुंमी वोइक्‍ब मुर आं लोव़ नेनीन। मुर आन शुक्‍शी पशो नेंशा महिनीन। मेको आन तोक्‍शा पशो लोव़ नेंशा सुर्ता मपने। यसैया मत्ती ५:११

यसैया 63:9

मेको आन श्‍येत तशा, आं सोइश्‍शो मुर ममाइ, परमप्रभु यावे आ स्‍वर्ग ङा गेय पाइब यो ममाइ, परमप्रभुमी मेको आन कली प्रोंइतु। आ दाक्‍तीके नु शिशी पतीकेमी मेको आन कली साइ ङोंइती रे पाप रे प्रोंइशा, मेको आन कली मुप्‍‍शा, कुरशो बाक्‍त। प्रस्‍थान ३३:१४-१५

ब्‍यवस्‍था 1:31

मिनु गोरशो रागीम गेपुकी गाक्‍नीनु, आफोम आ तौ कली कुरशो खोदेंशो पा, परमप्रभु यावे, इन परमप्रभुमी इन कली एक जाक्‍ची सम्‍म कुरशो बाक्‍त। गे आंमा तुइक्‍नीनी। ब्‍यवस्‍था ८:५; प्रस्‍थान १९:४