यसैया 46:10 - Sunuwar Bible

¹⁰ गो साइ ङोंइती रे नोले सम्‍म मार दुम्‍मे, नेल्‍ल शेंनुङ। ङोंइती रे मुल सम्‍म मदुम्‍शो यो देंनुङ। मिनु गो आं मिम्‍शो मफाइक्‍थु, नेल्‍ल पाइनुङ। आ मिम्‍शो नेल्‍ल खाप्‍नुङ।

यसैया 46:10 ပူးပေါင်းရင်းမြစ်များ

उत्पत्ती 3:15

गे नु मेको मीश मुर जिशा, बाक्‍चा मलीसे। मेको आ युइ नु इ युइ जिशा बाक्‍नीमी। मीश मुर आ युइ कामी इ पिया दिम्‍शा प्रोल्‍ब। गे चहिं मेको आ गेंग्रेम कोक्‍नेवे” दे सराप पदा बाक्‍त। प्रकाश १२:४-५,१५-१७

उत्पत्ती 49:10

ठेयब श्‍येत रे प्रोंइब मजाक्‍म सम्‍म आ राज दन्‍ड आ सासन पतीके आ गुइमी लीब। जात जात ङा मुर मेको आ नोले खोइक्‍नीम। गन्‍ती २४:१७; १इतिहास ५:२; हिब्रू ७:१४; इजीकीएल २१:३२

अय्‍युब 23:13

तन्‍न मेको आ कान बाक्‍ब। मिनु सुमी मेको कली तेक्‍ने चाप्‍बा ङा? मेकोमी आ मिम्‍शो खोदेंशो पाइब।

भजन संग्रह 135:6

परमप्रभु यावेमी सरीङ, रागी, समुन्‍द्र नु समुन्‍द्र आ आगामी मार दाक्‍बा, मेको पाइब।

भजन संग्रह 33:11

परमप्रभु यावे आ मिम्‍शो गेना हना यो लीब। आ थुंम मिम्‍शो नेल्‍ल पाला सम्‍म लीब।

हितोपदेस 19:21

मुर आ थुंमी शुश मिम्‍तीक बाक्‍नीम। तन्‍न परमप्रभु यावे आ मिम्‍शो ला दुम्‍ब। हितोपदेस १६:९

हितोपदेस 21:30

मुर आन तुइक्‍तीक, रुप्‍तीके अर्ती गेतीके परमप्रभु यावे आ ङोंइती थम आइक्‍च बाक्‍ब। भजन संग्रह ३३:१०-११

यसैया 10:12

मिनु परमप्रभुमी सियोन डांडा नु यरूसलेमम पशो गेय थुमा नोले मेकोमी अस्‍सुर ङा ठेयब लेश्‍शो नु बोरशो पिप कली सजाइ गेब। यसैया ३७:३६

यसैया 14:24

मिनु मुर नेल्‍ल आन परमप्रभु यावेमी कसम जशा “थमा पा, आं ङोंइती मिम्‍शो खोदेंशो पा दुम्‍पाइक्‍नुङ। गो आं देंशो पाइनुङ।

यसैया 25:1

परमप्रभु यावे, आं परमप्रभु बाक्‍नीनी। गो इन कली मान पशा, इन नें ठेयब बाक्‍ब, दे कुम्‍सो पाइनुङ। मारदे हना गे छक लाक्‍चा ङा गेय पाइतीनी। इन ङोंइती मिम्‍शो मप्रोंइथु, थमा पा थुम्‍तीनी।

यसैया 40:8

घांस सोव़ब, आ फू हेम्‍ब। तन्‍न आंइ परमप्रभु आ लोव़ गेना हना यो लीब” देंत। भजन संग्रह ११९:८५; लूका २१:३३

यसैया 41:21

परमप्रभु यावेमी “इन लोव़ मार बाक्‍बा, देनीन। थमा बाक्‍ब, दे कोंइदीन, दे गो, याकूब आ पिपमी देंनुङ।

यसैया 41:4

मेको सुमी पपाइश्‍शा पवा? सुम साइ ङोंइती रे पाला पाला ङा मुर आन कली ब्रेत्‍‍ता? गो परमप्रभु यावे, नेल्‍ल क्‍येङा ङोंइती ङा नु नेल्‍ल क्‍येङा नोले ङा नङ। यसैया ४४:६; यसैया ४८:१२; प्रकाश १८:१७

यसैया 43:13

गो परमप्रभु नङ। नोले सम्‍म गो मेको नङ। सुइमी आं गुइ रे प्रोंइने मचाप्‍‍ब। गो गेय पङानु, सुइमी आं कली तेक्‍ने मचाप्‍ब” देंत।

यसैया 44:7

सु आं खोदेंशो बाक्‍बा? मेकोमी ‘गो परमप्रभु खोदेंशो नङ’ दे उरदी पवल। मेकोमी आं ङोंइती देंल। सुम साइ ङोंइती नोले दुम्‍तीक लोव़ पवा? मुल मार दुम्‍बा? मेकोमी देंल। यसैया ४१:२२; ब्‍यवस्‍था १८:२२

यसैया 45:21

इ लोव़ शेंशा, लोव़ पावो। लोव़ पमुने। साइ ङोंइती एको लोव़ सुम देंमे? सुमी तुइक्‍पदा? मेको नोले दुम्‍ब लोव़ सुम पवा? गो, परमप्रभु यावे मनङा ङा? आं ङा लाक्‍शा, अरु सुइ परमप्रभु मबाक्‍ब। गो ठीक पाइब नु श्‍येत रे प्रोंइब परमप्रभु यावे नङ। आं ङा लाक्‍शा, अरु सुइ परमप्रभु मबाक्‍ब।

यसैया 46:11

गो पूर्ब रे सिखार ग्‍यारब चिक्‍ब का ब्रेत्‍नुङ। मिनु ङोन रागी रे आं मिम्‍शो नेल्‍ल पाइब मुर का कली ब्रेत्‍नुङ। गो आं देंशो लोव़ खाप्‍नुङ। आं मिम्‍शो पाइनुङ। यसैया ४१:२

यसैया 48:14

गे नेल्‍ले खुम्‍सीशा, आं लोव़ नेनीन। मेको आन दातेमी सुम मोदेंशो शेंदा? परमप्रभु यावेम मेको आन कली दाक्‍ब। मिनु मेको बेबीलोन आ पर्बम बोक्‍ब। कल्‍दी ङा मुर आन कली लडाइ तोइ‍ब। यसैया ४१:२

यसैया 48:3

गो इन कली साइ ङोंइती ङा लोव़ ङोंइती रेन शेंताक्‍‍न्‍नी। गो लोव़ पा नेंपाइक्‍तन्‍नी। नोले गो मेको याम काम पाता। मिनु दुम्‍तेक्‍म।

यसैया 53:10

परमप्रभु यावेमी मेको कली मोदेंशो पा तुप्‍शा, श्‍येत गेचा दाक्‍ताक्‍व। मेकोमी आ रां पाप क्‍याम्‍चा कली चढ़ेप्‍तु। मो हना यो मेको कली आ आल खोदेंशो शुश थमा सुइक्‍ब आन कली ताइब। मिनु शुश नाक्‍त सम्‍म ब्रोंइब। मेको आ पतीके नेल्‍ल परमप्रभु यावे आ दाक्‍शो गेय दुम्‍ब। लेवी ५:१५; मत्ती २०:२८; भजन संग्रह २०:३१

यसैया 55:11

आ लोव़ यो मोदेंशो बाक्‍ब। मेको श्‍येत्‍थ मलेप्‍ब। गो मेको कली मार पथ सोइक्‍तु, मेको पाइब। आं दाक्‍शो थमा पा पाइब। आं मिम्‍शो पाइब। मत्ती १३:८

येरमीया 44:28

तरवार रे ब्रोंइशोपुकी इजीप्‍त रे यहूदा रागीमी का निक्‍शी ला लेत्‍चा ताइनीम। मिनु इजीप्‍तम बाक्‍ब यहूदा ङा मुर नेल्‍लेमी ‘आं देंशो थमा बाक्‍म देय मेको आन लोव़ थमा बाक्‍ब’ दे नोले तुइक्‍नीम” देंत।

इजीकीएल 39:8

मेको थमा पा दुम्‍ब। मेको थमा पा जाक्‍ब। आं देंशो नाक्‍ती मेकोन बाक्‍ब” दे परमप्रभु, परमप्रभु यावेमी देंत।

दानीएल 4:35

रागी ङा मुरपुकी नेल्‍ल मेको आ ङोंइती मारेइ मबाक्‍नीम। मेकोमी स्‍वर्ग ङा गेय पाइब नु रागी ङा मुर आन कली मार पचा दाक्‍बा, मेकोन पने चाप्‍ब। सुइमी मेको कली तेक्‍ने मचाप्‍नीम। मिनु सुइमी ‘गे मार पनी?’ देंने मचाप्‍नीम। यसैया ४०:१७; अय्‍युब ९:१२

होसे 5:9

सजाइ ङा नाक्‍ती एफ्राइम गोरशो रागी खोदेंशो दुम्‍ब। मुल मार मार दुम्‍बा, मेको इस्राएली आन कली देंने थुम्‍ता।

प्रेरित 15:18

साइ रे गो मोदेंशो लोव़ तुइक्‍पाइक्‍ना पाइक्‍न पिती’ दे ब्रेक्‍शो बाक्‍ब। आमोस ९:११-१२

प्रेरित 3:23

सु सुमी आ लोव़ मटीमे, मेकोपुकी जाम्‍शा लाइनीम’ दे देंशो बाक्‍त।

प्रेरित 5:39

परमप्रभु यावे आ पशो बाक्‍त हना चहिं, गेपुकीमी तेक्‍शा यो मतेक्‍सीब। मेको ला ममाइ। गेपुकी परमप्रभु यावे कली मरिम्‍शो पाइब दुम्‍नीनी” दे माइक्‍मी बाक्‍त।

हिब्रू 6:17

मोपतीके परमप्रभु यावेमी “आं गेशो लोव़ गेनायो मफाइक्‍नुङ” दे आ गेशो लोव़ ताइब आन कली रुप्‍पाइक्‍चा, दे कसम जशा, आ लोव़ थोक्‍ता बाक्‍त।