यसैया 45:5 - Sunuwar Bible

⁵ गो परमप्रभु यावे नङ। गो आं ङा लाक्‍शा सुइ परमप्रभु मबाक्‍ब। गे आं कली मतुइक्‍ताक्‍यी हना यो, गो इ कली ठीक सेल्‍तन। प्रस्‍थान २०:३

यसैया 45:5 ပူးပေါင်းရင်းမြစ်များ

१ राजा 8:60

मिनु रागी ङा मुर नेल्‍लेमी परमप्रभु यावे ला परमप्रभु बाक्‍ब, दे तुइक्‍नीम। मिनु मेको ङा लाक्‍शा अर्को सुइ परमप्रभु मबाक्‍ब, दे यो तुइक्‍नीम।

एज्रा 1:2

मिनु पारसी ङा पिप कोरेसमी मार लोव़ ब्रेक्‍पदा बाक्‍त देंशा हना “परमप्रभु यावे, स्‍वर्ग ङा परमप्रभुमी, रागी ङा राज्‍य नेल्‍ल आं कली गेशो बाक्‍ब। मिनु मेकोमी आं कली ‘यहूदा रागी ङा यरूसलेममी आं खिं सेलो’ दे माइक्‍ती।

अय्‍युब 12:18

पिप आन फेक्‍शो वा प्रुइक्‍ब। मिनु मेको आन कली किप्‍शुर क्‍यिप्‍पाइक्‍ब।

अय्‍युब 12:21

हुकुम पाइब आन कली शुक्‍शी पचा पुंइसीब सेल्‍‍ब। सक्ति पाइश्‍शो आन कली मचाप्‍ब सेल्‍ब। १सामुएल १७:५; १सामुएल ३१:९; २राजा १९:३७; दानीएल ४:२९,३०

भजन संग्रह 18:31

परमप्रभु यावे क्‍येङा अर्को सु परमप्रभु बाक्‍बा ङा? आंइ परमप्रभु क्‍येङा अर्को तेको सेरथे फुल्‍लु बाक्‍बा ङा?

भजन संग्रह 18:32

परमप्रभुमी आं कली शुश सक्ति पाइश्‍शो सेल्‍ती। मेकोमी आं लां ठीक सेल्‍ब।

भजन संग्रह 18:33

मेकोमी आं खोइली किश्‍श आ खोइली खोदेंशो सेल्‍शा, लाइश्‍शो इर ङा बाक्‍तीकेमी राप्‍पाइक्‍ती।

भजन संग्रह 18:39

मारदे हना गे आं कली लडाइ पचा कली शुश सक्ति गेतीनी। आं जोरी सत्रु आन कली आं खोइलीम बाप्‍पाइक्‍तीनी।

भजन संग्रह 86:10

मारदे हना गे ठेयब बाक्‍नीनी। मिनु छक लाक्‍चा ङा गेय पाइनीनी। गे ला परमप्रभु बाक्‍नीनी।

प्रस्‍थान 9:14

मारदे हना मुल रे गेचशो श्‍येतम इ कली, इ गेय पाइब आन कली नु इ मुर नेल्‍ल आन कली सोइक्‍नुङ। रागी रागीमी आं खोदेंशो सुइ मबाक्‍ब, दे इ कली तुइक्‍पाइक्‍नुङ। प्रस्‍थान ८:६

यसैया 22:21

मिनु गो मेको कली इ वा फेक्‍पाइक्‍नुङ। इ किप्‍शुर किप्‍पाइक्‍नुङ। मिनु इ अधिकार मेको कली गेनुङ। मिनु मेको यरूसलेम नु यहूदा ङा मुर आन आफ दुम्‍ब। उत्‍पत्ती ४५:८

यसैया 37:20

परमप्रभु यावे, आंइ परमप्रभु, मुल आंइ कली सन्‍हेरीब आ गुइ रे प्रोनीन। रागी नेल्‍ल ङा मुरपुकीम गे ला परमप्रभु यावे बाक्‍नीनी, दे तुइक्‍तमेक्‍ल” दे पुंइशा, लोव़ पाप्‍‍तु। यसैया ४०:५; दानीएल ६:२७

यसैया 43:10

परमप्रभु यावेमी “गेपुकी आं सांकछी बाक्‍नीनी। मिनु गे आं योव़शो गेय पाइब बाक्‍नीनी। गे आं कली तुइश्‍शा थमा सुइक्‍ब दुम्‍शो बाक्‍नीनी। मिनु गो परमप्रभु नङ, दे रुप्‍नीनी। आं ङोंइती सुइ परमप्रभु मबा, आं नोले यो सुइ परमप्रभु मदुम्‍नीम। यसैया ४४:३

यसैया 44:6

मिनु परमप्रभु यावे, इस्राएली आन पिप नु मेको आन कली पाप रे प्रोंइब, मुर नेल्‍ल आन परमप्रभु यावेमी “गो नेल्‍ल क्‍येङा ङोंइती नु नेल्‍ल क्‍येङा नोले ङा नङ। गो आं ङा लाक्‍शा, अरु परमप्रभु मबाक्‍नीम। यसैया ४१:४; यसैया ४३:११; प्रकाश १:१७

यसैया 44:8

गे ख्रिंख्रि पा महिनीन। गो साइ रे इन कली मदेंङा ङा? गेपुकी आं सांकछी बाक्‍नीनी। गो आं ङा लाक्‍शा अरु परमप्रभु बाक्‍नीमी? आं क्‍येङा लाक्‍शा अरु सेरथे फुल्‍लु मबाक्‍ब। गो मेको मतुइक्‍नुङ” देंत। १सामुएल २:२

यसैया 45:1

मिनु परमप्रभु यावेमी कोरेस कली तेल लुक्‍शा, आ ग्‍युरा गुइ ग्‍याइक्‍ता बाक्‍त। मारदे मो पवा बाक्‍त देंशा हना, रागी रागी ङा मुर आन कली फ्रुपाइक्‍चा, रागी रागी ङा पिप आन कली मुने तोक्‍चा नु आ ङोंइती लाप्‍चो रोक्‍शा, मचोक्‍चा कली बाक्‍त। यसैया ४१:२

यसैया 45:6

इ कली मार पचा कली ठीक सेल्‍तन देंशा हना, नां दाप्‍तीक रे नां पेरतीक सम्‍म गो आं ङा लाक्‍शा अरु सुइ परमप्रभु मबाक्‍ब, दे मुर नेल्‍ल आन कली तुइक्‍पाइक्‍चा कली ठीक सेल्‍तन। गो परमप्रभु यावे नङ, गो आं ङा लाक्‍शा अरु सुइ परमप्रभु मबाक्‍ब।

यसैया 46:9

साइ ङोंइती ङा माइत लोव़ मिम्‍तीन। मारदे हना गो परमप्रभु नङ, आं ङा लाक्‍शा, अरु सुइ परमप्रभु मबाक्‍नीम। गो परमप्रभु नङ, आं खोदेंशो सुइ मबाक्‍नीम। यसैया ४४:६

यसैया 47:8

मोपतीके गे दला दाक्‍स पाइब, नेनो। गे रिम्‍शो पा महिंथु बाक्‍ते। इ थुंमी ‘गो ठेयब नङ, आं क्‍येङा लाक्‍शो अरु सुइ मबाक्‍ब। गो वोंइश बेक्‍शो मीश मुर मदुम्‍नुङ। आं आल बेक्‍शो मताइनुङ’ देंते। सेफन्‍याह २:१५; प्रकाश १८:७

इजीकीएल 30:24

गो बेबीलोन ङा पिप आ गुइ सक्ति पाइश्‍शो सेल्‍नुङ। मिनु आं तरवार मेको कली गेनुङ। तन्‍न गो फाराओ आ गुइ जिक्‍नुङ। मिनु मेको, मेको आ ङोंइती बेक्‍चा ङा पा गार दुम्‍शो मुर खोदेंशो पा, नक्‍सुर पाइब। इजीकीएल २९:२०

योएल 2:27

गो इस्राएली आन दातेमी बाक्‍शो बाक्‍नुङ। गो परमप्रभु यावे, इन परमप्रभु नङ। आं क्‍येङा लाक्‍शा, अर्को परमप्रभु मबाक्‍ब, दे गे तुइक्चा माल्‍‍नीनी। मिनु आं मुरपुकी लेंशा गेनायो मुने मदोक्‍नीम।

यूहन्‍ना 1:1

नेल्‍ल क्‍येङा ङोंइती लोव़ माइश्‍शो का बाक्‍त। मेको लोव़ माइश्‍शो परमप्रभु यावे नु बाक्‍शा, मेको नु उइक्‍थी बाक्‍त। यूहन्‍ना १७:५; उत्‍पत्ती १:१; १यूहन्‍ना १:१२; प्रकाश १९:१३

ब्‍यवस्‍था 32:39

मुल कोव़ङीन, गो ला परमप्रभु नङ। आं क्‍येङा लाक्‍शा सुइ परमप्रभु मबाक्‍ब। गो साइक्‍ब नु ब्रोंइपाइक्‍ब नङ। गो गार सेल्‍ब नु सापाइक्‍ब नङ। आं गुइ रे ब्रोंइब सुइ मबाक्‍ब। ब्‍यवस्‍था ४:३५; यसैया ४५:५; १सामुएल २:६; प्रस्‍थान १५:२६; अय्‍युब ५:१८; होसे ६:१-२

ब्‍यवस्‍था 4:35

गे मारदे मेको ताइतीनी देंशा हना, परमप्रभु यावे, का ला परमप्रभु बाक्‍ब। मेको क्‍येङा लाक्‍शा अर्को परमप्रभु मबाक्‍ब, दे तुइक्‍पाइक्‍चा कली इन कली कोंइताक्‍व।

ब्‍यवस्‍था 4:39

मिनु गे मुलाक्‍ती परमप्रभु यावे, का ला सरीङ नु रागी ङा परमप्रभु बाक्‍ब। मेको ङा लाक्‍शा अर्को सुइ परमप्रभु मबाक्‍ब। एको लोव़ गे मुलाक्‍ती थमा पा तुइक्‍तीन। मिनु इन थुंम लील।