यसैया 45:19 - Sunuwar Bible

¹⁹ गो छिङछिङ ङा रागीमी ख्रुइश्‍शो लोव़ मपङ। गो याकूब आ आल आन कली ‘गे आं कली खल्बलम मालीने’ मदेंङ। गो, परमप्रभु यावेमी थमा नु ठीक लोव़ ला पाइनुङ” देंत। यसैया ४८:१६

यसैया 45:19 ပူးပေါင်းရင်းမြစ်များ

१ इतिहास 28:8

मोपतीके गे परमप्रभु यावे आ नेंम ग्रुम्‍शो इस्राएली नेल्‍ल आन ङोंइती नु इं परमप्रभु आ ङोंइती परमप्रभु यावे, इन परमप्रभु आ शेंतीके टिशा बिस्‍सीन। मिनु नोले मेको रिम्‍शो रागी इन के दुम्‍ब नु इन नोले इन आल आन कली गेना हना यो थेरशो रू दुम्‍ब।

२ इतिहास 15:2

मिनु मेको आसा कली ग्रुम्‍थ लशा, मेको कली “आसा, यहूदा ङा मुर नु बेन्‍यामीन ङा मुर नेल्‍ले, आं लोव़ नेनीन। परमप्रभु यावे गे नु बाक्‍ब। मेको गे नु बाक्‍ब। गेपुकीम मेको कली माल्‍तीनी हना, गे थित्‍नीनी। तन्‍न गेपुकीमी मेको कली प्रोंइतीनी हना, मेकोमी यो इन कली प्रोंइब।

२ इतिहास 7:14

मिनु आं मुरपुकी ब्रेम्‍शो दुम्‍शा, आं कली पुंइशा, आं कली माल्‍तेक्‍म हना, आन मरिम्‍शो लां रे लेत्‍‍तेक्‍म हना, गो स्‍वर्ग रे मेको आन पुंइशो नेंनुङ। मिनु मेको आन पाप क्‍याम्‍नुङ। मिनु गो मेको आन रागी कली ङोंइती ङा खोदेंशो पा रिम्‍शो सेल्‍नुङ।

एज्रा 8:22

गो आंइ कली लांम आंइ जोरी सत्रु रे प्रोंइचा कली लडाइ पाइब नु शारा ङोइक्‍बपुकी सोइक्‍तीकी, दे पिप कली पुंइचा मुने पाता। मारदे हना गोपुकीमी पिप कली “आंइ परमप्रभुमी आ नोले खोइक्‍ब नेल्‍ल आन कली कोव़ब। तन्‍न मेको कली प्रोंइब आन कली आ गाइश्‍शो कोंइब” देंशो नङ।

भजन संग्रह 12:6

परमप्रभु यावे आ लोव़ थमा बाक्‍ब। मेको ७ खेयप यपाइश्‍शो क्‍येख चांदी खोदेंशो बाक्‍ब।

भजन संग्रह 24:6

मोदेंशो मुरपुकी परमप्रभु कली माल्‍ब बाक्‍नीम। मिनु “याकूब आ परमप्रभु, इन कुल तचा दाक्‍‍नीक” देंनीम। ठेयब सेंदा पा।

भजन संग्रह 69:13

तन्‍न परमप्रभु यावे, गो इन कली इन शिशी पाइक्‍ची ना लोव़ पाइनुङ। इन गेना हना यो दाक्‍तीकेमी आं पुंइशो श्‍येत रे प्रोंइतीके गेयीनी। परमप्रभु आं कली लोव़ लेत्‍तीनी। यसैया ४९:८

भजन संग्रह 69:32

दिप्‍चा पुंइसीशो मुरपुकी मेको तशा ग्‍येरसीनीम। परमप्रभु यावे कली माल्‍बपुकी, इन थुं ग्‍येत्‍थ लुक्‍च मदुम्‍ल।

भजन संग्रह 78:34

परमप्रभुमी मेको आन दातेमी का निक्‍शी सदानु, मेको लीशोपुकी मेको गे लेश्‍शा, मेको कली थाम्‍पा माल्‍तेक्‍म।

भजन संग्रह 9:10

परमप्रभु यावे, इन नें तुइक्‍बपुकीमी इन कली थमा सुइक्‍नीम। मारदे हना गे इन कली माल्‍ब आन कली मप्रोंइनीनी।

हितोपदेस 1:21

मेको शुश मुर आन देल्‍‍तीके मेर ब्रेन्‍ना ब्रेन्‍न बाक्‍ब। सहर ओव़तीक ठेयब लाप्‍चोमी आ लोव़ पाइब।

हितोपदेस 15:8

परमप्रभु यावे आ अरेशो मटीब आन चढ़ेशो तशा, परमप्रभु यावे ग्रांग्रा दी‍ब। तन्‍न रिम्‍शो थुं पाइश्‍शो मुर आन पुंइशो नेंशा ग्‍येरसीब। हितोपदेस २१:२७; यसैया १:११,१५; हितोपदेस २८:९; लूका १८:९-१४

हितोपदेस 30:5

परमप्रभु आ लोव़ नेल्‍ल थमा बाक्‍ब। सु मेकेर लशा ख्रुंइसीबा, मेको कली श्‍येत रे तेक्‍ब। भजन संग्रह १२:७

हितोपदेस 8:6

नेनीन, गो रिम्‍शो लोव़ पाइनुङ। आं लोव़ ठीक बाक्‍ब।

यसैया 1:15

इन गुइ क्‍युक्‍शा, गो नु लोव़ पनीनु, आं कुल ख्रुइक्‍नुङ। गेपुकीम शुश पुंइतीनी हना यो, गो मनेंनुङ। मारदे हना इन गुइम हुश ख्राक्‍श पशो बाक्‍ब। हितोपदेस १:२८; हितोपदेस १५:२९; यूहन्‍ना ९:३१

यसैया 43:12

इन दातेमी देवी देवता मबाक्‍थु, गो इन कली शेंशा, पाप रे प्रोंइशा, लोव़ नेंपाइक्‍ता। गे आं सांकछी बाक्‍नीनी।

यसैया 44:8

गे ख्रिंख्रि पा महिनीन। गो साइ रे इन कली मदेंङा ङा? गेपुकी आं सांकछी बाक्‍नीनी। गो आं ङा लाक्‍शा अरु परमप्रभु बाक्‍नीमी? आं क्‍येङा लाक्‍शा अरु सेरथे फुल्‍लु मबाक्‍ब। गो मेको मतुइक्‍नुङ” देंत। १सामुएल २:२

यसैया 45:23

गो आं नेंमी कसम जाता। गो ठीक लोव़ पाता। एको लोव़ मक्‍याम्‍सीब। मुर नेल्‍ले आं ङोंइती पोक्‍च थेक्‍चा माल्‍नीम। आं नेंमी कसम जचा माल्‍नीम। रोमी १४:११; फिलिप्‍पी २:१०-११

यसैया 45:25

इस्राएल आ चच युइ नेल्‍लेम ‘परमप्रभु यावेमी इं कली ठीक सेल्‍ब। गोपुकी आ मुर दुम्‍तय’ दे ग्‍येरसीनीम” देंत। येरमीया ९:२२-२३

यसैया 48:16

आं नेक्‍था जाक्‍शा, एको लोव़ नेनीन। गो ङोंइती रे ख्रुइश्‍शो लोव़ काइ मपङ। एको गोशो रे गो बाक्‍शो नङ। मुल परमप्रभु, परमप्रभु यावेमी आ सोक्‍त गेशा, आं कली सोइक्‍ताक्‍यी” देंत। यसैया ४५:१९

यसैया 63:1

एदोम रे सु जाक्‍ना जाक्‍न बाक्‍बा? लल जिशो वा फेक्‍शा, बोज्रा रे जाक्‍ब सु बाक्‍मे? मेको दारशो वा फेक्‍‍शा, ठेयब सक्तिमी गाक्‍ब सु बाक्‍म। “गो ठीक पतीके लोव़ पाइनुङ। गो पाप रे प्रोंइतीक सक्ति पाइश्‍शो नङ” देंत। यसैया ३४:६

यसैया 65:9

मिनु गो याकूब आ चच युइ रे जाक्‍पाइक्‍नुङ। मिनु यहूदा आ थर ङा आं डांडा ताइब मुर ग्रुंइनुङ। मेको आं योव़शो मुर आन के दुम्‍शा, आं गेय पाइब आन बाक्‍तीके दुम्‍ब।

यसैया 8:19

मिनु मुरपुकीमी इ कली “बेक्‍शो मुर आन कली हिल्‍लो पावो। लिंक्‍यु कोव़ब चाक्‍को। वोल आन कली लोव़ पपतो” दे लोव़ पाइनीम। मेको वोल आन रेयके नेंसीब। मिनु मार, सेस मुर आन पर्बम बेक्‍शो मुर आन कली हिल्‍लो पचा? मुरपुकीमी आन परमप्रभु कली हिल्‍लो पचा ममाल्‍नीमी ङा? २राजा १:३

येरमीया 2:31

मिनु गे, मुल ङा पाला ङा मुरपुकी, परमप्रभु यावे आ लोव़ मिम्‍तीन। मार, गो इस्राएली आन कली मुर मबाक्‍शो रागी नु थम छिङछिङ ङा रागी दुम्‍ङा ङा? मारदे आं मुरपुकीम ‘गो आंइ कली हिरचा कली सुइम तेक्‍ने मचाप्‍ब। गो इन ङोंइती गेनायो लेंशा मजाक्‍नीकी’ देंमा?

आमोस 5:4

मिनु परमप्रभु यावेमी इस्राएल आ खिं ङा मुर आन कली “आं कली मालीन। मिनु ब्रोनीन।

यूहन्‍ना 18:20

मिनु येसुमी “गो मुर नेल्‍ल आन कली लोव़ पाता। ग्रुम्‍तीक खिंमी नु परमप्रभु यावे आ खिंमी शुश यहूदी ग्रुम्‍तीकेमी शेंताक्‍ङमी। ख्रुइश्‍शा मारेइ लोव़ मपङ। यूहन्‍ना ७:१४,२६

यूहन्‍ना 7:26

मिनु एकेर बाक्‍शा, मुर नेल्‍ल आन कली शेंब। मेको कली मारेइ मदेंनीमी। मिनु ठेयब मुरपुकीमी ‘एको ख्रीस्‍त बाक्‍त’ दे थमा पा तुइक्‍त‍ाक्‍मे?

यूहन्‍ना 7:28

मोपतीके येसुमी परमप्रभु यावे आ खिंमी मुर आन कली ठेयब सेंदा पा “गेपुकीमी आं कली तुइक्‍नीनी। मिनु गो ते ङा नङ, मेको यो तुइक्‍नीनी? आंमा मिम्‍शा मजाक्‍ङ। तन्‍न आं कली सोइक्‍ब थमा पा परमप्रभु यावे बाक्‍ब। मिनु गेपुकीमी मेको कली मतुइक्‍नीनी।

ब्‍यवस्‍था 29:29

मिनु मारेइ मारेइ ख्रुइश्‍‍शो परमप्रभु यावे, इं परमप्रभु के बाक्‍ब। तन्‍न मेको अरेशो लोव़ नेल्‍ल टिचा नु मेको तुइक्‍तीके आंइ के नु आंइ तमी तौ के बाक्‍ब” देंत। ब्‍यवस्‍था ३२:३४

ब्‍यवस्‍था 32:4

मेको सेरथे फुल्‍लु बाक्‍ब। मेको आ गेय नेल्‍ल क्‍येङा रिम्‍शो बाक्‍ब। आ लां नेल्‍ले ठीक बाक्‍नीम। मारदे हना मेको आ देंशो पाइब परमप्रभु बाक्‍ब। जोल मपाइब, कुल मकोव़ब नु ठीक पाइब बाक्‍ब।

याकूब 4:3

गेपुकीमी पुंइतीनी हना यो, मारेइ मताइनीनी। मारदे हना आंम दला दाक्‍स पचा कली ला पुंइनीनी। मोपतीके इन पुंइशो मताइनीनी।