यसैया 45:14 - Sunuwar Bible

¹⁴ मिनु परमप्रभु यावेमी “इजीप्‍त ङा शोंप, एथीयोपीया ङा मारेइ मारेइ नु साबा रागी ङा लाइश्‍शो मुरपुकी इ के दुम्‍नीम। मेको इ नोले खोइक्‍नीम। मेकोपुकी फ्रेंशो दुम्‍शा, इ गे जाक्‍शा, इ ङोंइती बाप्‍शा ‘थमा पा परमप्रभु गे नु बाक्‍ब। मेको ङा लाक्‍शा अरु सुइ परमप्रभु मबाक्‍ब’ दे पुंइनीम” देंत।

यसैया 45:14 ပူးပေါင်းရင်းမြစ်များ

उत्पत्ती 27:29

मुरपुकीम इ कली गेय पामेक्‍ल। रागी रागी ङा मुरपुकी इ ङोंइती खुम्‍की पा बाम्‍मल। इ लोक्‍ब आन दातेमी गे ठेयब दुमो। इ ममा आ तौपुकी इ ङोंइती बाम्‍मल। सु सुम इ कली सराप पामे, मेको आंमान रमल। सु सुम इ कली आसीक गेमे, मेको आसीक रमल” दे आसीक गेवा बाक्‍त। उत्‍पत्ती २३:२५; उत्‍पत्ती १२:३

२ सामुएल 21:20

मिनु नोले लेंशा गाथ सहरम लडाइ दुम्‍माक्‍त। मेकेर यो ठेयब लाइश्‍शो मुर का बाक्‍माक्‍त। मेको आ गुइ नु खोइलीम ६, ६ ओटा अम्‍ला, नेल्‍ल पा २४ ओटा अम्‍ला पाइश्‍शो रेफाइ आन मुर बाक्‍माक्‍त।

एस्‍तर 8:17

मिनु पिप आ ब्रेक्‍स नु आ हुकुम जाक्‍दीशो नेल्‍ल रागी नु सहर नेल्‍लेमी यहूदी साप्‍पा ग्‍येरसाक्‍म। मिनु मेको नाक्‍त चाड सेल्‍शा, भोज जाम्‍तेक्‍म। मिनु मेको रागी ङा शुश मुर यहूदी दुम्‍तेक्‍म। मारदे हना मुर नेल्‍ल यहूदी आन कली तशा हिंतेक्‍म।

अय्‍युब 1:15

साबा रागी ङा मुरपुकी जाक्‍शा, गोठला आन कली लडाइ तोशा साइक्‍तेक्‍म। मिनु मेको मारेइ मारेइ योल्‍ताक्‍म। इन कली एको लोव़ शोव़चा कली गो का ला ब्रोंइती” देंमाक्‍त।

अय्‍युब 11:19

गे सुइ आन क्‍येङा महिंथु इप्‍‍नीनी। मिनु शुश मुरुम इन शिशी तचा कली आस पाइनीम।

भजन संग्रह 149:6

मेकोपुकीमी परमप्रभु कली ठेयब सेल्‍तीक कुम्‍सो पामेक्‍ल। मेको आन गुइमी निम्‍फा गे क्‍योरतीक पाइश्‍शो तरवार बाक्‍ल।

भजन संग्रह 149:8

मिनु मेको आन पिप आन कली साङलो नु मेको आन ठेयब मुर आन कली फलाम के फ्रेंतीकेम फ्रेंने चाप्‍नीम।

प्रस्‍थान 11:8

मिनु नोले इन गेय पाइब नेल्‍लेमी आं ङोंइती खुम्‍की पा बाप्‍शा, आं कली ‘गे नु इन नोले खोइक्‍ब मुरपुकी एक रे लने’ देंनीम। मिनु गो लाइनुङ” दे मोसामी फाराओ कली देंत। मिनु मोसा फाराओ आ बाक्‍तीके रे शुश गाइश्‍शा चुरशा गाक्‍त।

यसैया 10:33

मिनु परमप्रभु, मुर नेल्‍ल आन परमप्रभु यावेमी मेको आ राशी हिंचा ङा सक्तिम ख्रोइक्‍ब। नेल्‍ल क्‍येङा लाइश्‍शो रवा तिम्‍ब। ठेयब लेश्‍शो आन कली आइक्‍च सेल्‍ब।

यसैया 18:1

आबी, शुश बेरशो रेयके नेंसीशो एथीयोपीया खोला आ आइक्‍ची हांबुम बाक्‍शो रागी। सेफन्‍याह ३:१०

यसैया 18:7

मेना लाइश्‍शो नु दारशो मुरपुकीमी मुर नेल्‍ल आन परमप्रभु यावे कली मार मार चाक्‍नीम। मिनु मेको आन कली तशा ङोन नु नेक्‍था ङा मुरपुकी हिंनीम। मेकोपुकी सक्ति पाइश्‍शो नु ग्राब रागी ङा मुर बाक्‍नीम। मेको आन रागी खोलाम चेश्‍शो बाक्‍ब। मेको आन मार मार मुर नेल्‍ल आन परमप्रभु यावे आ बाक्‍तीके सियोन डांडाम चाक्‍नीम। भजन संग्रह ६८:३०-३२; प्रेरित ८:२७

यसैया 19:21

मिनु परमप्रभु यावेमी आंम कली इजीप्‍त ङा मुर आन ङोंइती तुइक्‍पांइसीब। मिनु मेको नाक्‍त इजीप्‍त ङा मुरपुकीमी परमप्रभु यावे कली थमा सुइक्‍नीम। मिनु मार मार चोशा चढ़ेतीक चढ़ेशा, कबल पा, आन पशो कबल खाप्‍नीम। यसैया ६६:१९

यसैया 19:22

परमप्रभु यावेमी इजीप्‍त ङा मुर आन कली तुप्‍ब। मिनु सापाइक्‍ब। मिनु मेकोपुकी परमप्रभु यावे आ नोले खोइक्‍नीम। मिनु मेको आन पुंइशो लोव़ नेंशा। मेको आन कली सापाइक्‍ब।

यसैया 23:18

मिनु आ तेल्‍लेम पा चेम्‍शो क्‍येट परमप्रभु यावे के दुम्‍ब। मेको क्‍येट महेंनीम। आ चेम्‍शो क्‍येट परमप्रभु यावे आ ङोंइती बाक्‍ब। मेको क्‍येट मुर आन कली जचा फेक्‍चा कली गेनीम।

यसैया 43:3

मारदे हना गो परमप्रभु यावे, इ परमप्रभु नङ। गो इस्राएली आन का ला बाक्‍शो परमप्रभु नङ। गो इ कली पाप रे प्रोंइब नङ। गो इजीप्‍त रागी इ पा ङा गेता। मिनु एथीयोपीया नु सेबा रागी इ कली प्रोंइचा कली गेता। यसैया ४१:१४

यसैया 44:8

गे ख्रिंख्रि पा महिनीन। गो साइ रे इन कली मदेंङा ङा? गेपुकी आं सांकछी बाक्‍नीनी। गो आं ङा लाक्‍शा अरु परमप्रभु बाक्‍नीमी? आं क्‍येङा लाक्‍शा अरु सेरथे फुल्‍लु मबाक्‍ब। गो मेको मतुइक्‍नुङ” देंत। १सामुएल २:२

यसैया 45:24

‘परमप्रभु यावे ला ठीक पतीके नु सक्ति गेब बाक्‍ब’ दे कसम जाइनीम। परमप्रभु यावे कली मटीब नेल्‍ल आं बाक्‍तीकेम जाक्‍शा मुने दोक्‍चा माल्‍नीम। येरमीया २३:६

यसैया 49:23

मिनु पिपपुकी इ कली कोव़ब आफ नु पिपीमपुकी इ कली दूध तुंइब ममा दुम्‍नीम। मेकोपुकी इ ङोंइती बाप्‍शा, इ फुरक लुम्‍सीशो खोइली तुक्‍नीम। मिनु गो परमप्रभु यावे नङ, दे तुइक्‍नेवे। आं लां रिम्‍शा बाक्‍बपुकी मुने मदोक्‍नीम” देंत। भजन संग्रह ७२:९; यसैया ६०:१६

यसैया 54:3

मारदे हना गे शुश दुम्‍शा, ग्‍युरा पेरा गे ब्राइनीनी। मिनु इ चच युइमी रागी रागी ङा मुर आन कली हुकुम पाइनीम। मिनु मुर मबाक्‍तीके मुर शुश दुम्‍शा ब्रीनीम।

यसैया 55:5

नेनीन, गे इन मतुइश्‍शो रागी रागी ङा मुर आन कली ब्रेत्‍नीनी। मिनु इन कली मतुइश्‍शो रागी रागी ङा मुरपुकी इन गे जाक्‍नीम। परमप्रभु यावे, इन परमप्रभु, इस्राएली आन का ला बाक्‍शो परमप्रभु आ पर्बम मेकोपुकी जाक्‍नीम। मारदे हना मेकोमी इन कली आ खोदेंशो रिम्‍शो पा सेल्‍शो बाक्‍त” देंत।

यसैया 60:3

रागी रागी ङा मुरपुकी इ छेङछेङम जाक्‍नीम। पिपपुकी इ सुनी ङा छेङछेङम जाक्‍नीम। यसैया २:२-३; प्रकाश २१:२४

यसैया 61:9

मिनु रागी रागी ङा मुरुम मेको आन चच युइ आन कली तुइक्‍नीम। मिनु जात जात ङा मुरुम मेको आन आल आन कली तुइक्‍नीम। मेको आन कली ताइब नेल्‍लेमी ‘मेरे परमप्रभु यावे रे पा आसीक तशो मुर बाक्‍नीम’ देंनीम।

येरमीया 16:19

मिनु मेकोपुकीमी “परमप्रभु यावे, गे आं सक्ति नु आं ख्रुइश्‍शा, ब्रोंइशा बाक्‍तीक बाक्‍नीनी। गे श्‍येत जची ना आं ख्रुइक्‍तीके बाक्‍नीनी। रागी रागी ङा मुर रागी ङा सुर रे इन ङोंइती जाक्‍नीम। मिनु मेकोपुकीमी ‘आंइ किकी पिपी आन देवी देवता जोल ला बाक्‍तेक्‍म। मेको शोर गाक्‍शो बाक्‍तेक्‍म। भजन संग्रह ३६:७

इजीकीएल 23:42

मिनु सहरम ठेयब ग्‍येरसीशो रेयके दुम्‍त। मिनु गोरशो रागी रे चाक्‍शो दुक्‍शो मुरपुकीमी मेकेर ङा मीश मुर आन कली चुरा लिक्‍ताक्‍म। मिनु आन पियाम दारशो सुन फू चुइक्‍‍ताक्‍म।

इजीकीएल 31:3

अस्‍सुर रागी कली मिम्‍तीन। मेको लेबानोन ङा लाइश्‍शो रवा खोदेंशो बाक्‍त। मेको आ दारशो राशीम ब्‍वाकी आन कली सुम्‍शो बाक्‍त। मेको आ ङर लाइश्‍शो दुम्‍शा गोस्‍स सम्‍म जाक्‍दीश्‍शो बाक्‍त।

योएल 3:8

मुल गो इन तमी तौ आन कली यहूदा ङा मुर आन कली लेयनुङमी। मिनु मेकोपुकीमी मेको आन कली ङोन साबा रागी ङा मुर आन कली लेयनीम” दे परमप्रभु यावेमी देंशो बाक्‍ब।

गन्‍ती 13:32

मोपा मेकोपुकीमी क्‍यारी पथ लतीक रागी आ पर्बम मरिम्‍शो लोव़ नेंपाइश्‍शा “गोपुकीमी क्‍यारी पथ लशो रागीमी आ मुर आन कली साइक्‍ब ताइतक। मिनु आंइ तशो मुरपुकी थम ठेयब बाक्‍नी‍म।

१ कोरिन्‍थी 14:25

आ थुं ङा ख्रुइश्‍शो नेल्‍ल तुइश्‍शा, बाप्‍शा “परमप्रभु यावे ठेयब बाक्‍ब” देंशा, परमप्रभु यावे थमा पा, इन दातेमी बाक्‍ब, दे तुइक्‍ब। यूहन्‍ना १६:८

१ थिस्‍सलोनिकी 1:9

मेकोपुकीमी इं पर्बम लोव़ पाम्‍तेक्‍म। मार लोव़ पाम्‍तेक्‍म देंशा हना, थिस्‍सलोनिकी सहर ङा मुरपुकीमी आंइ कली मिश रिम्‍शो ब्राम्‍तेक्‍म। मिनु गेपुकी इन मूर्ति कली प्रोंइशा, परमप्रभु यावे कली थमा सुइक्‍ब दुम्‍शा, ब्रोंइशा बाक्‍ब, थमा परमप्रभु यावे आ गेय पाइब दुम्‍तीनी। प्रेरित १४:१५; १कोरिन्‍थी १२:२

प्रकाश 3:9

मिनु इन ग्रुम्‍तीकेमी का निक्‍शीमी ‘यहूदी नकी’ दे जोल पाइनीम। मेकोपुकी चहिं सैतान आ शेंशो मुर बाक्‍नीम। नेनीन, गो मेको आन कली इन खोइलीमी बाप्‍शा सेउ पपाइक्‍नुङ। गोमी इन कली दाक्‍नुङ, दे मेको आन कली तुइक्‍पाइक्‍नुङ। प्रकाश २:९; यसैया ४९:२३; यसैया ६०:१४