यसैया 45:12 - Sunuwar Bible

¹² गो रागी नु रागीम बाक्‍ब मुर आन कली सेल्‍ता। गो आं गुइमी सरीङ प्राक्‍ता। मिनु मेकेर मार मार बाक्‍मा, मेको नेल्‍ल सेल्‍तामी। यसैया ४४:२४

यसैया 45:12 ပူးပေါင်းရင်းမြစ်များ

उत्पत्ती 2:1

मिनु मोपा परमप्रभुमी सरीङ, रागी नु मार मार बाक्‍मा, मेको नेल्‍ल सेल्‍ने थुमा बाक्‍त।

एज्रा 1:2

मिनु पारसी ङा पिप कोरेसमी मार लोव़ ब्रेक्‍पदा बाक्‍त देंशा हना “परमप्रभु यावे, स्‍वर्ग ङा परमप्रभुमी, रागी ङा राज्‍य नेल्‍ल आं कली गेशो बाक्‍ब। मिनु मेकोमी आं कली ‘यहूदा रागी ङा यरूसलेममी आं खिं सेलो’ दे माइक्‍ती।

नेहेम्‍याह 9:6

मिनु एज्रामी “गे का ला परमप्रभु यावे बाक्‍नीनी। गे सरीङ सेल्‍तीनी। स्‍वर्ग नु मेकेर बाक्‍ब नेल्‍ल सेल्‍तीनी। गे रागी नु मेकेर ङा मारेइ मारेइ, समुन्‍द्र नु मेकेर ङा मारेइ मारेइ आन कली सेल्‍तीनी। मिनु मेको नेल्‍ल कली ब्रोंइचा गेतीनी। मिनु स्‍वर्ग ङा गेय पाइबपुकीमी इन कली ठेयब सेल्‍नीम।

अय्‍युब 37:18

मार, गे परमप्रभु खोदेंशो पा कांसा के ऐना खोदेंशो सारो सरीङ कली प्राक्‍ने चाप्‍नीनी ङा?

भजन संग्रह 102:25

साइ ङोंइती गे रागी आ जग सेल्‍शो बाक्‍तीनी। मिनु सरीङ इन गुइ ङा गेय बाक्‍ब। हिब्रू १:१०-१२

भजन संग्रह 104:2

गे छेङछेङ कली वा फेक्‍शो खोदेंशो पा फेक्‍शो बाक्‍नीनी। मिनु सरीङ कली ताम्‍बु खोदेंशो पा प्राक्‍शा कीशो बाक्‍नीनी।

यसैया 37:16

“मुर नेल्‍ल आन परमप्रभु यावे, इस्राएली आन परमप्रभु, गे करूब आस तार बाक्‍ब बाक्‍नीनी। गे ला रागी नेल्‍ल ङा राज्‍य ङा परमप्रभु बाक्‍नीनी। सरीङ नु रागी इन सेल्‍शो बाक्‍नीस।

यसैया 40:12

सुमी ब्‍वाक्‍कु नेल्‍ल आ योलम पुक्‍गा? सुमी सरीङ बित्‍ताम थाप्‍ता? सुमी रागी ङा फुरक पुक्‍तीकेम पुक्‍गा? सुमी डांडा आन कली नाक्‍शा, पहाड आन कली नाक्‍तीक तारी वोदा?

यसैया 40:22

एको रागी नेल्‍ल आन तार बाक्‍ब, मेकोन बाक्‍ब। रागीम बाक्‍बपुकी माले खोदेंशो बाक्‍नीम। मेकोमी सरीङ कली वा खोदेंशो पा प्राक्‍ब। मिनु मेको मुर आन कली ताम्‍बु खोदेंशो दुम्‍ब।

यसैया 40:26

गेपुकी ग्‍येत्‍थ कोव़ङीन। मेको आन कली सुम सेला? मेकोमी शुश राप्‍पाइश्‍शा, मेको आन कली हिक्‍ब। मेको आन नें थिशा, ब्रेप्‍ब। मारदे हना मेको आ ठेयब सक्तिम पतीके का यो मजाम्‍नीम। भजन संग्रह १४७:४; उत्‍पत्ती १:१४-१८

यसैया 40:28

मिनु “मार, गे मतुइक्‍तीनी, मनेंनी? परमप्रभु यावे गेना हना यो बाक्‍ब परमप्रभु बाक्‍ब। मेको रागी रागी कली सेल्‍ब बाक्‍ब। मेको मथाइब नु मदाइब। आ तुइक्‍तीके नेल्‍ल क्‍येङा ठेयब बाक्‍ब।

यसैया 42:5

मेको परमप्रभु, परमप्रभु यावे आ लोव़ बाक्‍ब। मेकोमी सरीङ कली सेल्‍शा प्राक्‍तु। मिनु रागी खप फ्राशा, मेकेर मार मार वापाइक्‍तु। मेकोमी मेकेर बाक्‍शो मुर आन कली आ ब्रोंइतीक गेब। मेकेर बाक्‍ब आन कली यो आ सोक्‍त गेब। उत्‍पत्ती १:-

यसैया 44:24

मिनु परमप्रभु यावे, इ कली श्‍येत रे प्रोंइब, इ कली कोव़जीम सेल्‍बमी “गो मारेइ मारेइ सेल्‍ब परमप्रभु यावे नङ। गो आं कामी सरीङ प्राक्‍ता। रागी वोइक्‍ता। यसैया ४५:१२

यसैया 45:18

मिनु परमप्रभु यावे सरीङ नु रागी सेल्‍ब बाक्‍ब। मुर मबाक्‍तीके मसेल्‍थु, मुर आन कली बाक्‍तीक सेल्‍तु। मेकोमी “गो परमप्रभु यावे नङ। आं ङा लाक्‍शा अरु सुइ परमप्रभु मबाक्‍ब।

यसैया 48:13

गो रागी आ जग वोइक्‍ता। आं ग्‍युरा गुइमी सरीङ प्राक्‍ता। मेको आन कली ब्रेत्‍तुनु नेल्‍ल ग्रूशा राप्‍नीम।

यसैया 51:13

गे इन कली सेल्‍ब परमप्रभु यावे कली प्रेंताक्‍नी। मेकोमी सरीङ प्राक्‍तु। रागी आ जग वोइक्‍तु। इन कली श्‍येत गेब मुर गाइक्‍तमेनु, गे नाक्‍त किंत किंत हिंनीनी। मेकोमी इन कली खतम सेल्‍चा चिक्‍शो बाक्‍त। तन्‍न मुल आ गाइश्‍शो ते लाक्‍गा? यसैया ४४:२४

येरमीया 27:5

एको रागी, एको रागीम बाक्‍ब मुरपुकी, बस्‍तु भाव नु जन्‍तु नेल्‍ल आन कली आं ठेयब सक्ति नु आं बोलम सेल्‍शो नङ। मिनु गो सु कली गेचा दाक्‍नुङ, मेको कली गेनुङ। येरमीया १२:१७

येरमीया 32:17

“परमप्रभु, परमप्रभु यावे, इन ठेयब सक्ति नु दिंशो गुइम गे सरीङ नु रागी सेल्‍तीनी। इन कली मारेइ गेय मचाप्‍चा ङा मबाक्‍ब। येरमीया २७:५; उत्‍पत्ती १८:१४; लूका १:३७

जकरिया 12:1

परमप्रभु यावेमी इस्राएल आ पर्बम पशो लोव़ एको बाक्‍ब। सरीङ नु रागी सेल्‍ब नु मुर आन कली सोक्‍त गेब परमप्रभु यावेमी मार देंत देंशा हना

ब्‍यवस्‍था 4:32

मिनु गे इन क्‍येङा ङोंइती ङा नाक्‍त मिम्‍तीन। परमप्रभुमी मुर नु रागी सेल्‍शो रे मुल सम्‍म ओदेंशो ठेयब गेय पशो आ पर्बम लोव़ नेंनी? तनी?

हिब्रू 11:3

गोपुकीमी यो मोपा इं थमा सुइश्‍शोमी सरीङ रागी नेल्‍ल दुम्‍मेनु, मिक्‍चीम तशो थोव़की के सेल्‍शो मनम, तन्‍न परमप्रभु यावेमी “दुमीन” देंशो लोव़मी दुम्‍शो बाक्‍नीम, दे तुइक्‍नय। उत्‍पत्ती १:१-२,४