यसैया 45:1 - Sunuwar Bible

¹ मिनु परमप्रभु यावेमी कोरेस कली तेल लुक्‍शा, आ ग्‍युरा गुइ ग्‍याइक्‍ता बाक्‍त। मारदे मो पवा बाक्‍त देंशा हना, रागी रागी ङा मुर आन कली फ्रुपाइक्‍चा, रागी रागी ङा पिप आन कली मुने तोक्‍चा नु आ ङोंइती लाप्‍चो रोक्‍शा, मचोक्‍चा कली बाक्‍त। यसैया ४१:२

यसैया 45:1 ပူးပေါင်းရင်းမြစ်များ

१ राजा 19:15

मिनु परमप्रभु यावेम मेको कली “गे तेको लां रे जाक्‍शो बाक्‍ङे, मेको लां रे पा लेश्‍शा दमस्‍कस ङा गोरशो रागीम लावो। मिनु गे मेको सहर जाक्‍दीश्‍शा, हजाएल कली अराम ङा पिप सेलो। २राजा ८:१३,१५

एज्रा 1:1

पारसी रागीमी पिप कोरेस आ ङोंइती ङा बर्समी परमप्रभु यावेमी येरमीया रे पा देंशो लोव़ खाप्‍चा कली पिप कोरेस आ थुं क्‍युक्‍गा बाक्‍त। मिनु मेको पिपमी आ राज्‍य नेल्‍लेमी मेको लोव़ नेंपाइक्‍चा कली ब्रेक्‍पदा बाक्‍त। यसैया ४५:१; यसैया ४४:२८

एज्रा 1:2

मिनु पारसी ङा पिप कोरेसमी मार लोव़ ब्रेक्‍पदा बाक्‍त देंशा हना “परमप्रभु यावे, स्‍वर्ग ङा परमप्रभुमी, रागी ङा राज्‍य नेल्‍ल आं कली गेशो बाक्‍ब। मिनु मेकोमी आं कली ‘यहूदा रागी ङा यरूसलेममी आं खिं सेलो’ दे माइक्‍ती।

अय्‍युब 12:21

हुकुम पाइब आन कली शुक्‍शी पचा पुंइसीब सेल्‍‍ब। सक्ति पाइश्‍शो आन कली मचाप्‍ब सेल्‍ब। १सामुएल १७:५; १सामुएल ३१:९; २राजा १९:३७; दानीएल ४:२९,३०

भजन संग्रह 73:23

मो हना यो गो गेना हना यो गे नु काथा बाक्‍नुङ। गे आं ग्‍युरा गुइ ग्‍याइश्‍शो बाक्‍नीनी। रोमी ८:३५-३९

यसैया 13:2

रवा मबाक्‍शो डांडामी छेदर का ख्रुक्‍कीन। मिनु ठेयब सेंदा पा गुइ हिक्‍शा, मेको आन कली ठेयब मुर आन लाप्‍चो रे ओव़पतीन।

यसैया 13:3

परमप्रभुमी “गो आं मुर आन कली पोक्‍शा, आं ग्‍येरसीशो, बोल्‍यो लडाइ पाइब मुर आन कली आं गाइश्‍शो कोंइचा कली ब्रेत्‍ताक्‍ङमी” देंत।

यसैया 41:13

मिनु गो परमप्रभु यावे, इ परमप्रभुमी इ ग्‍युरा गुइ ग्‍याइक्‍नुङ। मिनु गो इ कली ‘महिनो’ देंशा, वारच पाइनुङ।

यसैया 41:2

सुमी पूर्ब रे आ गेय पचा कली ग्राब का कली पोक्‍गा? मेकोमी रागी रागी ङा मुर आन कली आ गुइम गेब। मेकोमी पिप आन कली दिम्‍शा, आ तरवारम मेको आन कली फुरक खोदेंशो सेल्‍ब। आ लिब्रामी फशेम बेरशो भूस खोदेंशो सेल्‍ब। यसैया ४४:२८; यसैया ४५:१,१३; यसैया ४८:१४-१५

यसैया 41:25

गो उत्तर रे का कली ब्रेत्‍ताक्‍ङ। मिनु मेको जाक्‍त। नां दाप्‍तीके रे आं नेंमी लोव़ पाइब ब्रेत्‍ताक्‍ङ। मेकोम ठेयब मुर आन तारी खप दिम्‍शो खोदेंशो पा दिम्‍ब। खप के ग्‍योंब सेल्‍बम दोदेंशो पा खप नीबा, मोदेंशो पा मेको आन कली नीब।

यसैया 42:6

मेकोमी “गो, परमप्रभु यावे नङ। गो इ कली आं ठीक पतीकेमी ब्रेत्‍ताक्‍न। गो इ गुइ ग्‍याइश्‍शा, इ कली कोव़शा बाक्‍नुङ। गो मुर आन पा ङा इ कली आं कबल खाप्‍ब सेल्‍तन। रागी रागी ङा मुर आन कली छेङछेङ दुम्‍पाइक्‍चा कली सोइक्‍ताक्‍न। यसैया ४९:६,८

यसैया 44:28

कोरेस आं गोठला बाक्‍ब। मेकोमी आं मिम्‍शो गेय पाइब। मेकोमी ‘यरूसलेम लेंशा सेल्‍चा माल्‍ब’ देंब। आं खिं आ पर्बम ‘नक जग सेल्‍नुङ’ ” देंत। २इतिहास ३६:२३; एज्रा १:१-४

यसैया 45:5

गो परमप्रभु यावे नङ। गो आं ङा लाक्‍शा सुइ परमप्रभु मबाक्‍ब। गे आं कली मतुइक्‍ताक्‍यी हना यो, गो इ कली ठीक सेल्‍तन। प्रस्‍थान २०:३

यसैया 48:15

गो एको लोव़ पाता। गो मेको कली ब्रेश्‍शा, चाक्‍ता। मिनु मेकोमी आं मिम्‍शो गेय रिम्‍शो पा पाइब।

येरमीया 27:6

मुल गेपुकी नु इन रागी नेल्‍ल आं गेय पाइब बेबीलोन ङा पिप नेबुकदनेसर आ गुइम गेता। ब्‍वाकी ङा जन्‍तु आन कली यो सासन पाइब सेल्‍ता। येरमीया २५:९; यसैया ४५:१,८; इजीकीएल २६:७; दानीएल २:३८

येरमीया 43:10

मिनु मेको आन कली मुर नेल्‍ल आन परमप्रभु यावे, इस्राएली आन परमप्रभुमी ‘गो आं गेय पाइब बेबीलोन ङा पिप नेबुकदरेसर कली ब्रेत्‍नुङ। मिनु आं ख्रुइश्‍शा वोइश्‍शो एको फुल्‍लु तार गो मेको आ नित्‍तीके सेल्‍नुङ। मेकोमी मेको तार आ बाक्‍तीक ताम्‍बु कीब। येरमीया २५:९

येरमीया 50:3

उत्तर रे रागी का ङा मुरपुकीम मेको कली लडाइ तोइनीम। मिनु मेको आ रागी श्‍येत्‍थ सेल्‍नीम। मेकेर सुइ मबाक्‍नीम। मुर नु जन्‍तु नेल्‍ल प्रोक्‍नीम।

येरमीया 50:35

मिनु परमप्रभु यावेमी “कल्‍दी आन कली तरवार का जाक्‍त। बेबीलोनम बाक्‍ब नेल्‍ल आन कली, आन ठेयब मुर आन कली नु आन जोक्‍ब तुइक्‍ब मुर आन कली यो तरवार जाक्‍त।

येरमीया 51:11

इन ब्रा शेप्‍पीन। मिनु ब्रा कुरतीक प्रिंदीन। परमप्रभु यावेम मादी आन पिप कली लडाइ पपाइक्‍तु। मारदे हना मेकोमी बेबीलोन कली खतम सेल्‍चा कली मिम्‍ताक्‍व। मेको आ खिं आ पर्बम क्‍येक्‍क लेत्‍तीके बाक्‍ब। यसैया १३:१७; येरमीया ५०:२८

येरमीया 51:30

बेबीलोन ङा लडाइ पाइबपुकीम लडाइ पचा प्रोंइतेक्‍म। मेको आन बोल्‍यो दरवारम बाक्‍नीम। मेको आन सक्ति जाम्‍त। मेकोपुकी मीश मुर खोदेंशो दुम्‍तेक्‍म। मेको आन खिंम मी सुइक्‍ने थुम्‍तेक्‍म। मेको आन लाप्‍चो ङा आग्‍लो जिक्‍शो बाक्‍नीम। येरमीया ५०:३७

येरमीया 51:58

मुर नेल्‍ल आन परमप्रभु यावेम “बेबीलोन ङा ब्रेम्‍शो गारो दिंम दुम्‍ब। मिनु मेको आ लाइश्‍शो ठेयब लाप्‍चोपुकी मीम नेक्‍ब। मुरपुकी मोशा गेय पाइनीम। रागी रागी ङा मुर आन श्‍येत पा पशो गेय नेल्‍ल मी कली ला दुम्‍ब” दे परमप्रभु यावेमी देंत। हबकुक २:१३

इजीकीएल 29:20

गो मेको आ पशो गेय आ पर्बम इजीप्‍त रागी कली मेको आ गाल्‍च सेल्‍शा गेता। मारदे हना मेकोपुकीम आं पर्बम शुश गेय पाम्‍तेक्‍म। इजीकीएल ३०:२४

दानीएल 5:6

मिनु मेको तशा, पिप आ कुल लल गिग दुम्‍शा, शुश हिंत। आ खोइल ख्रिंख्रि पा आ पोक्‍च थोक्‍सीशा, खोइल ललाक लुलुक दुम्‍त।

दानीएल 7:5

मिनु मेको आ नोले अर्को जन्‍तु का ग्रूत। मेको वां खोदेंशो बाक्‍त। मेकोमी का पटटी रे बोक्‍शा, जेरी सां आ शोव़म काम्‍शो बाक्‍त। मिनु मेको कली “बोक्‍को, श्‍ये शुश ब्‍वावो” देंशो नेंता।

दानीएल 8:3

मिनु गो कोव़शा बाक्‍ङानु, ग्रोव़ निक्‍शी पाइश्‍शो सांड का ताता। मेको आ ग्रोव़ निम्‍फा दुइश्‍शो बाक्‍ताक्‍स। का चहिं अर्को क्‍येङा दुइश्‍शो बाक्‍त। मेको दुइश्‍शो ग्रोव़ नोले ग्रूशो बाक्‍त।

दानीएल 8:4

मिनु गो मेको सांडम पच्‍छिम, उत्तर नु दक्‍खिन गे ख्रुना ख्रुन पशो ताता। अरु जन्‍तु नेल्‍ल मेको आ ङोंइती राप्‍ने मचाप्‍बाक्‍तेक्‍म। मिनु सुइमी मेको आ सक्ति रे प्रोंइने मचाप्‍बाक्‍तेक्‍म। मेकोमी आ दाक्‍शो पशा, आ सक्ति बारत। दानीएल ८:४

नहुम 2:6

ब्‍वाक्‍कु बारशा यीब। मिनु दरवार ख्रिंख्रि पाइब।

नहुम 3:13

इ लडाइ पाइब आन कली कोव़ङो। मेको मीश मुर खोदेंशो बाक्‍नीम। इ रागी ङा ठेयब लाप्‍चो इ जोरी सत्रु आन कली रोक्‍सीशो बाक्‍नीम। लाप्‍चो आन आग्‍लो नेल्‍ल मीम नेक्‍शो बाक्‍नीम।