यसैया 44:23 - Sunuwar Bible

²³ गे सरीङ कुम्‍सो पावो। रागी नेल्‍ल रेयके पा, शुश कुम्‍सो पने। गे डांडा, ब्‍वाकी नु रवा नेल्‍लेमी कुम्‍सो पने। मारदे हना परमप्रभु यावेमी याकूब कली श्‍येत रे प्रोंइतु। इस्राएल रागीमी आं नें ठेयब सेल्‍शो बाक्‍ब। यसैया ४९:१३; यसैया ५५:१२; भजन संग्रह ९६:११-१३

यसैया 44:23 ပူးပေါင်းရင်းမြစ်များ

१ इतिहास 16:31

सरीङ ग्येरसेक्‍ल। रागी थाम्‍पा ग्‍येरसेक्‍ल। मिनु रागी रागी ङा मुर आन दातेमी ‘परमप्रभु यावे पिप बाक्‍ब’ देंमल।

१ इतिहास 16:32

समुन्‍द्र नु मेकेर बाक्‍ब मारेइ मारेइ नेल्‍ल ग्‍येरशा रेयके पामेक्‍ल। रू नु मेकेर बाक्‍ब मारेइ मारेइ ग्‍येरसीमल।

१ इतिहास 16:33

मेना ब्‍वाकी ङा रवा परमप्रभु यावे आ ङोंइती ग्‍येरशा कुम्‍सो पाइनीम। मारदे हना मेको रागी कली निसाफ पथ जाक्‍ब।

भजन संग्रह 148:7

रागी रे पा ब्‍वाक्‍कुम बाक्‍ब ठेयब जन्‍तु नु शुश लुक्‍च लशो ब्‍वाक्‍कु, परमप्रभु यावे कली ठेयब सेलीन।

भजन संग्रह 148:9

पहाड नु डांडा, फल फुल सिप्‍ब रवा नु लाइश्‍शो रवा नेल्‍ले,

भजन संग्रह 65:13

योव़तीके नेल्‍ल क्‍यारश भेडापुकीमी ब्रीशो बाक्‍नीम। दिंमपुकी अन्‍नमी सुम्‍सीशो बाक्‍नीम। मेकोपुकी शुश ग्‍येरसीशा कुम्‍सो पाइनीम।

भजन संग्रह 69:34

सरीङ नु रागीमी मेको कली ठेयब सेल्‍सेक्‍ल। समुन्‍द्र नु मेकेर बाक्‍शो नेल्‍लेमी मेको कली ठेयब सेल्‍मेक्‍ल।

भजन संग्रह 69:35

मारदे हना परमप्रभुमी सियोन कली प्रोंइब। मिनु यहूदा ङा सहरपुकी लेंशा सेल्‍ब। मिनु मुरपुकी मेकेर बाक्‍शा, मेको आन के दुम्‍ब।

भजन संग्रह 89:13

गे सक्ति पाइश्‍शो बाक्‍नीनी। गे बोल्‍यो नु ठेयब बाक्‍नीनी।

प्रस्‍थान 18:9

मिनु यित्रोमी परमप्रभु यावेमी इस्राएली आन कली गिश रिम्‍शो पवा नु इजीप्‍त ङा मुर आन गुइ रे दोपा प्रोना मेको नेल्‍ल नेंशा, शुश ग्‍येरसाक्‍व।

यसैया 12:5

परमप्रभु यावे कली ठेयब सेल्‍तीक कुम्‍सो पने। मारदे हना मेकोमी थम सक्ति पाइश्‍शो गेय पशो बाक्‍ब। एको लोव़ रागी नेल्‍लेमी ब्रपतीन।

यसैया 26:15

तन्‍न गे रागी ङा मुर आन कली सोपाइश्‍शा बोपाइश्‍शा शुश सेल्‍तीनी। गे मान ताइब बाक्‍नीनी। गे मेको रागी कली ठेयब सेल्‍तीनी।

यसैया 43:1

याकूब, इ कली नु इस्राएल कली सेल्‍ब परमप्रभु यावेमी “महिनीन। इन कली पाप रे प्रोंइता। गो इन नें थिशा ब्रेत्‍ती। गे आं मुर बाक्‍नीनी।

यसैया 43:7

आं नेंम ब्रेत्‍चा पुंइसीशो मुर नेल्‍ल चाक्‍कीन। गो मेको आन कली आं कली ठेयब सेल्‍चा कली वोइक्‍तामी। मेको आन कली सेल्‍ब गो नङ। येरमीया १४:९

यसैया 46:13

आं पाप रे प्रोंइतीक चाक्‍नुङ, मेको ङोन मबाक्‍ब। गो इन कली रीब पा पाप रे प्रोंइनुङ। गो आं पाप रे प्रोंइतीक सियोनम वोइक्‍नुङ। इस्राएल कली आं छेङछेङ गेनुङ” देंत।

यसैया 49:13

सरीङ, ग्‍येरसीशा कुम्‍सो पावो। रागी, ग्‍येरसो। डांडापुकी ग्‍येरशा, कुम्‍सो पने। मारदे हना परमप्रभु यावेमी आ मुर आन कली लेम्‍‍ताक्‍व। मेकोमी श्‍येत जाइब आन कली शिशी पाइब। यसैया ४४:२३

यसैया 49:3

मिनु आं कली “गे आं गेय पाइब बाक्‍नेवे। गे इस्राएल नवे। इ पतीकेमी आं सक्ति कोंइ‍नुङ” देंत।

यसैया 52:9

यरूसलेम ङा ब्रेश्‍शो खिं ग्‍येरशा कुम्‍सो पने। मारदे हना परमप्रभु यावेमी आ मुर आन थुं बारपाइक्‍तु। मिनु मेकोमी यरूसलेम कली श्‍येत रे प्रोंइतु।

यसैया 60:21

इ रागी ङा मुर नेल्‍ल ठीक पाइब दुम्‍नीम। मेको आन बाक्‍तीके रागी गेना हना यो आन के दुम्‍ब। मेकोपुकी आं ख्रुम्‍शो बाक्‍नीम। मेकोपुकी आं सेल्‍शो मुर दुम्‍शा, आं कली ठेयब सेल्‍नीम।

यसैया 61:3

मेकोमी आं कली सियोनम रोंका पाइब आन कली पुलु आ पा ङा दारशो पियाम ग्‍योम्‍तीके ग्‍योम्‍पाइक्‍चा कली, हिशेक आ पा ङा ब्रोव़शो रिना पाइब तेल ख्रेक्‍चा कली नु आइक्‍च थुं दुम्‍तीके आ पा ङा ठेयब सेल्‍तीक थुं फेक्‍तीक खोदेंशो पा फेक्‍पाइक्‍चा कली सोइक्‍ताक्‍यी। मेको मुर आन कली ‘ठीक पतीके रवा’ दे नें वोइक्‍तेक्‍म। मेको परमप्रभु यावे आ ख्रुम्‍शो आ दारस कोंइतीके बाक्‍नीम।

येरमीया 31:11

मारदे हना परमप्रभु यावेम याकूब आ मुर आन कली प्रोंइतु। मिनु मेकोम आन कली आन क्‍येङा बोल्‍यो मुर आन गुइ रे प्रोंइतु।

येरमीया 51:48

मिनु नोले सरीङ, रागी नु मेकेर बाक्‍ब नेल्‍लेमी बेबीलोन ब्रुशो आ पर्बम ग्‍येरशा वाइ ब्रेत्‍नीम। मारदे हना मेको आन कली क्‍येक्‍क लेप्‍ब उत्तर रे जाक्‍नीम” दे परमप्रभु यावेम देंत। प्रकाश १८:२०

इजीकीएल 35:14

रागी नेल्‍ल ग्‍येरसीशा बाक्‍मानु, गो इ कली चहिं मुर मबाक्‍तीक रागी सेल्‍नुङ।

इजीकीएल 36:1

परमप्रभु यावेमी “ए मुर, इस्राएल ङा पहाड आन कली आं लोव़ पावो। मेको आन कली ए इस्राएल ङा पहाड, परमप्रभु यावे आ लोव़ नेनीन। इजीकीएल ६:२

इजीकीएल 36:8

तन्‍न गे इस्राएल ङा डांडापुकी, गेपुकीम चहिं इन राशी ङोन सम्‍म हाम्‍शा, आं मुर इस्राएली आन कली फल सिप्‍पाइक्‍नीनी। मारदे हना मेकोपुकी रीब पा आन खिं लेत्‍नीम।

इजीकीएल 39:13

मिनु रागी ङा मुर नेल्‍लेमी मेको आन कली थिम्‍नीम। गो आं सक्ति कोंइदु नाक्‍ती मेको आन कली ठेयब मिम्‍तीक का दुम्‍ब।

एफिसी 3:21

मिनु थमा सुइक्‍ब आंइ दातेमी येसु ख्रीस्‍त आ नेंमी नेल्‍ल पाला ङा मुरपुकीमी इन कली गेना हना यो ठेयब सेल्‍नीकी, आमेन” दे इन पर्बम पुंइनुङ।

एफिसी 4:9

मिनु इर लचा देंशो, मार रुम्‍सीब देंशा हना, मेको ङोंइती रागी आगा तोंइसीशो बाक्‍ब, दे रुम्‍सीब। यूहन्‍ना ३:१३

१ पत्रुस 4:11

सुमी लोव़ पाइबा, मेकोमी परमप्रभु यावे आ ख्रुइश्‍शो लोव़ पवल। सुमी गेय पाइबा, मेकोमी परमप्रभु यावे आ गेशो सक्तिमी पवल। मोपा नेल्‍लेमी येसु ख्रीस्‍त आ नेंमी परमप्रभु यावे कली ठेयब सेल्‍मेक्‍ल। मेको छेङछेङमी बाक्‍शा, गेना हना यो सक्ति पाइश्‍शो बाक्‍ब। आमेन। रोमी १२:७

प्रकाश 12:12

मोपतीके स्‍वर्ग नु स्‍वर्गमी बाक्‍ब नेल्‍ल ग्‍येरसीन। तन्‍न रागी नु समुन्‍द्रम श्‍येत दुम्‍चाप्‍तु। मारदे हना सैतान थाम्‍पा गाइश्‍शा, रागी नु समुन्‍द्रम यित। मारदे गाइक्‍ताक्‍व देंशा हना, मुल आ गेय पचा शुश नाक्‍त मली, दे तुइक्‍ताक्‍व” देंशो नेंता।

प्रकाश 18:20

मिनु स्‍वर्गमी बाक्‍ब नेल्‍ले ग्‍येरसीने। परमप्रभु यावे आ योव़शोपुकी, ख्रीस्‍त आ सोइश्‍शोपुकी नु परमप्रभु यावे आ लोव़ पाइबपुकी ग्‍येरसीने। मारदे हना, परमप्रभु यावेमी इन कली गेशो श्‍येत आ पर्बम मेको कली सजाइ गेप्‍तु” देंशो नेंता। येरमीया ५१:४८