यसैया 44:20 - Sunuwar Bible

²⁰ सु सुमी पुलु कली सेउ पाइनीमी, मेको आन दूली थुंमी दूली मिम्‍पाइश्‍शो बाक्‍नीम। मेकोमी आंम कली प्रोंइने मचाप्‍ब। मिनु “आंइ सेल्‍शो मूर्ति जोल बाक्‍ब” मदेंनीम।

यसैया 44:20 ပူးပေါင်းရင်းမြစ်များ

अय्‍युब 15:2

“मार, जोक्‍ब तुइक्‍ब मुरुम ओदेंशो ङर ना पुं ङा लोव़ पा लोव़ लेत्‍चा दुम्‍बा? मेको आ कोव़जीम फश लोव़मी प्रिंचा दुम्‍बा?

अय्‍युब 15:31

मेकोपुकीम मबाक्‍शो लोव़ कली थमा मसुदमेक्‍ल। मोपा आंम आन कली मरिम्‍शो मसेल्‍मेक्‍ल। मारदे हना मेकोपुकीम मेको आ पा ङा मारेइ मताइनीम।

भजन संग्रह 102:9

मारदे हना गो शोब्‍ले खोदेंशो पा पुलु जाइनुङ। मिनु प्रेक्‍कु ब्‍वाइश्‍शो ब्‍वाक्‍कु तूनुङ।

भजन संग्रह 115:4

मेको आन मूर्तिपुकी मुर आन गुइम सेल्‍शो सुन नु चांदी के बाक्‍नीम। ब्‍यवस्‍था ४:२८; यसैया ४४:९-२०

भजन संग्रह 144:11

आं कली मुर साइक्‍ब तरवार रे प्रोंइयीनी। अर्को रागी ङा मुर आन गुइ रे प्रोंइयीनी। मेकोपुकीमी जोल नु मरिम्‍शो ला पाइनीम।

भजन संग्रह 144:8

मेकोपुकीमी जोल नु मरिम्‍शो ला पाइनीम।

हितोपदेस 15:14

रुप्‍ब थुं पाइश्‍शो मुरुमी जोक्‍तीके माल्‍ब। तन्‍न मूर्खमी मूर्खे पचा ला दाक्‍नीम।

यसैया 47:10

गे, परमप्रभु यावे आ अरेशो मटिथु ‘आं कली सुइम मताइब’ दे हेम्‍मा पा बाक्‍शा, मिम्‍ताक्‍वी। मिनु इ शुश तुइक्‍तीके नु जोक्‍तीकेम इ कली दूली लां खोइक्‍पाइक्‍तु। इ थुंमी ‘गो नङ। आं क्‍येङा लाक्‍शो अरु सुइ मबाक्‍नीम’ देंते। भजन संग्रह १०:११

यसैया 57:11

गे सु क्‍येङा शुश हिंशा, जोल पनी? मिनु आं कली मफ्रुक्‍थु ममिम्‍तीनी। गो सिक्‍सी पा बाक्‍शा, आं मिक्‍च क्रिप्‍ताक्‍ङ। मिनु गे आं कली तशा महिंनी? भजन संग्रह ५०:२१

यसैया 59:13

गोपुकी हेंथे गाक्‍शा, परमप्रभु यावे रे नोले शोंइसाक्‍क। आंइ परमप्रभु आ नोले खोइक्‍चा प्रोंइतक। आंइ लोव़ मुर आन कली दिप्‍चा नु परमप्रभु यावे कली मटिचा ङा बाक्‍ब। गोपुकी जोल कली थमा सुइश्‍शा, ब्रपाइश्‍शो बाक्‍तक।

येरमीया 16:19

मिनु मेकोपुकीमी “परमप्रभु यावे, गे आं सक्ति नु आं ख्रुइश्‍शा, ब्रोंइशा बाक्‍तीक बाक्‍नीनी। गे श्‍येत जची ना आं ख्रुइक्‍तीके बाक्‍नीनी। रागी रागी ङा मुर रागी ङा सुर रे इन ङोंइती जाक्‍नीम। मिनु मेकोपुकीमी ‘आंइ किकी पिपी आन देवी देवता जोल ला बाक्‍तेक्‍म। मेको शोर गाक्‍शो बाक्‍तेक्‍म। भजन संग्रह ३६:७

होसे 12:1

एफ्राइममी आं कली लोव़ पाइब। मेकोमी नेल्‍ल नाक्‍त पूर्ब ङा फश कली खेदा पाइब। मेकोमी जोल नु हुश ख्राक्‍श पोक्‍चा बारपाइक्‍ब। मेको अस्‍सुर नु गारब। मिनु इजीप्‍त रागी कली तेल सोइक्‍ब। होसे ५:१३

होसे 4:12

आं मुरपुकीमी शी के मूर्ति कली हिल्‍लो पाइनीम। मिनु मेकोपुकीमी कोक्‍केमी साहीत कोव़नीम। मारदे हना तेल्‍लेम पतीक थुंमी मेको आन कली हेंथे गाक्‍पाइश्‍शो बाक्‍ब। मेकोपुकीमी तेल्‍लेम पचा कली परमप्रभु कली प्रोंइतेक्‍म। येरमीया २:२७; होसे ५:४

हबकुक 2:18

मिनु “मूर्तिम मार गेय पने चाप्‍बा ङा? मुर आ चेम्‍शो मूर्ति जोल ला बाक्‍ब। मारदे हना मेको चेम्‍बमी आंम चेम्‍शो मूर्ति कली थमा सुइक्‍ब। तन्‍न मेको मूर्ति ब्‍वाक्‍ने मचाप्‍ब। यसैया ४४:१०-२०

लूका 15:16

मिनु जचा मतथु, शोव़लु बेक्‍शा, पोव़ कली जचा गेशो थोव़की यो जङ खोदेंशो दुम्‍माक्‍त। तन्‍न सुइमी मारेइ जचा मगेमे बाक्‍त। हितोपदेस २३:२१

रोमी 1:25

मेकोपुकीमी परमप्रभु यावे आ थमा लोव़ कली जोल सेल्‍तेक्‍म। नेल्‍ल सेल्‍ब परमप्रभु यावे क्‍येङा आ सेल्‍शो मुर आन कली ठेयब सेल्‍तेक्‍म। गोपुकीमी मारेइ मारेइ सेल्‍ब परमप्रभु यावे कली गेना हना यो ठेयब सेल्‍य, आमेन।

रोमी 1:28

आन थुंमी “परमप्रभु यावे कली तुइक्‍चा ममाल्‍ब” दे मिम्‍ताक्‍म। मोपतीके परमप्रभु यावेमी मेको आन कली आन मरिम्‍शो मिम्‍शो पचा गेशा, प्रोंइतु।

१ तिमोथी 4:2

मेको मुर आन थुं ङा मिम्‍तीके खतम दुम्‍ब। मिनु जोल शेंनीम।

२ तिमोथी 2:13

गोपुकीमी थमा सुइक्‍चा प्रोंइतय हना यो, मेकोमी मप्रोंइब। मारदे हना ‘गो परमप्रभु यावे आ तौ मनङ’ देंने मचाप्‍ब” देंत। गन्‍ती २३:१९; भजन संग्रह ८९:३१-३४; रोमी ३:३-४; तीतस १:२

२ तिमोथी 3:13

मरिम्‍शो नु ग्रांग्रा दिचा ङा मुरपुकीमी “मुर आन मिक्‍च सिल्‍नीक” दे मिम्‍तमेनु, ङोंइती ङा क्‍येङा मरिम्‍शो दुम्‍शा, आंमान आन मिक्‍च सिल्‍चा पुंइसीनीम। १तिमोथी ४:१

प्रकाश 12:9

मिनु मेको ठेयब बुस्‍स आ नें मार बाक्‍त देंशा हना, माइत बुस्‍स, दियाबलस, सैतान बाक्‍त। मिनु मेको रागी रागी नेल्‍ल ङा मुर आन कली पाप पपाइक्‍चा कली रागीमी तोक्‍चा पुंइसीशो बाक्‍त। मिनु मेको आ गेय पाइबपुकी यो रागीमी तोक्‍चा पुंइसीशो बाक्‍तेक्‍म। प्रकाश २०:२; उत्‍पत्ती ३:१; लूका १०:१८

प्रकाश 13:14

मेकोमी ङोंइती ङा जन्‍तु नु बाक्‍शा, आ पशो छक लाक्‍चा ङा गेयमी मुर आन कली “परमप्रभु आ सक्ति पाइश्‍शो नङ” दे जोल पा छक लाक्‍चा ङा गेय पशा, मुर आन कली पाप पपाइक्‍तु। मार पाप पपाइक्‍तु देंशा हना, मेकोमी रागी ङा मुर आन कली “गार पाइश्‍शो जन्‍तु आ मूर्ति सेल्‍चा” दे शेंताक्‍मी।

प्रकाश 18:23

मेकेर बत्ती दाशो हाम्‍सो का यो लेंशा मतांइसीब। मेकेर ग्‍युम्‍ले नु ग्‍युम्‍ली आस सेंदा लेंशा मनेंसीब। मारदे मोदेंशो दुम्‍ब देंशा हना, रागी ङा ठेयब मुर ग्‍याप्‍ब लेयबपुकी बाक्‍तेक्‍म। मेकोपुकीमी मेको आन टुना मुनामी रागी नेल्‍ल ङा मुर आन कली दूली लां खोइक्‍पाइक्‍तेक्‍म। येरमीया २५:१०; यसैया २३:८

प्रकाश 20:3

मिनु रागी रागी ङा मुर आन कली मरिम्‍शो लां मकोंइदल, दे मेको कली पुं मपाइश्‍शो ढोडोङगामी तोक्‍तु। मिनु परमप्रभु यावे आ स्‍वर्ग ङा गेय पाइबमी मेको एफिसस ढोडोङगा चोक्‍शा, सांचो पाइश्‍शा, छाप थोक्‍ताक्‍व। मोपा मेको ठेयब बुस्‍स कली हजार का बर्स सम्‍म चोक्‍तु। मिनु हजार का बर्स नोले मेको छिन का कली प्रोंइचा पुंइसीब।