यसैया 44:18 - Sunuwar Bible

¹⁸ मेको मुरपुकीमी मारेइ मतुइक्‍थु, मरुप्‍नीम। मारदे हना मेको मिक्‍च मताइनीमी। आन थुं मरोक्‍सीशो बाक्‍ब। मेकोपुकी मारेइ मरुप्‍ब बाक्‍नीम।

यसैया 44:18 ပူးပေါင်းရင်းမြစ်များ

भजन संग्रह 81:12

मोपतीके गो ‘आन दाक्‍स पामेक्‍ल’ दे आन दला दाक्‍स पचा गेतामी।

भजन संग्रह 92:6

निप्‍स मपाइश्‍शो मुरपुकीमी मेको तुइक्‍ने मचाप्‍नीम। मूर्खपुकीमी मेको रुप्‍ने मचाप्‍नीम।

हितोपदेस 28:5

मरिम्‍शो मुरपुकीमी निसाफ प‍तीके मार बाक्‍बा, दे मरुप्‍‍नीम। तन्‍न परमप्रभु यावे आ देंशो पचा दाक्‍बपुकीमी नेल्‍ल रिम्‍शो पा रुप्‍‍नीम।

यसैया 1:3

ब्‍यफोमी आ होव़प कली तुइक्‍ब। गधामी आ होव़प आ शुंगु तुइक्‍ब। तन्‍न इस्राएल ङा मुर मतुइक्‍ब बाक्‍नीम। आं मुर मरुप्‍ब बाक्‍नीम।

यसैया 26:11

परमप्रभु यावे, इन गुइ मेको आन पर्बम क्‍युक्‍शो बाक्‍तीनी हना यो, मेकोपुकीमी मतुइक्‍नीम। गे इन मुर आन कली दाक्‍शो तशा, मेकोपुकी मुने दोक्‍मल। इन जोरी सत्रु आन कली नेक्‍ब मीमी मेको आन कली यो नेक्गल। यसैया ३७:३२

यसैया 27:11

मिनु मेको आ राशी सोव़शा, जिक्‍नीम। मिनु मीश मुरपुकी जाक्‍शा, चोचा कली शी खुप्‍‍नीम। मारदे हना मेकोपुकी रुप्‍तीक मपाइश्‍शो थर ङा मुर बाक्‍नीम। मोपतीके मेको आन कली सेल्‍बमी मेको आन कली शिशी मपाइब। येरमीया ४:२२; ब्‍यवस्‍था ३२:१८

यसैया 29:10

मारदे हना परमप्रभु यावेमी इन तार शुश निन्‍द्रा पपाइक्‍ब सोक्‍ती मोइश्‍शो बाक्‍ब। मेकोमी गे परमप्रभु यावे आ लोव़ पाइब इन कली मिक्‍च मताइब सेल्‍तु। मिनु इन पिया सुम्‍तु।

यसैया 44:19

सुइमी मारेइ ममिम्‍ब कामी “गो मेको शी आधा मीम चोता। मेको मी तारी शोब्‍ले चोशा, श्‍ये वाल्‍शा ब्‍वाता। मुल गो मेको आ लीशो ठुटा रे ग्रांग्रा दिशो मूर्ति सेल्चा दुम्‍बा ङा? गो मेको आ ङोंइती बाप्चा दुम्‍बा ङा?” देंब सुइ मबाक्‍ब।

यसैया 44:20

सु सुमी पुलु कली सेउ पाइनीमी, मेको आन दूली थुंमी दूली मिम्‍पाइश्‍शो बाक्‍नीम। मेकोमी आंम कली प्रोंइने मचाप्‍ब। मिनु “आंइ सेल्‍शो मूर्ति जोल बाक्‍ब” मदेंनीम।

यसैया 44:9

मिनु “मूर्ति सेल्‍ब नेल्‍ल फश खोदेंशो बाक्‍नीम। मेको आन सेल्‍चा दाक्‍शो मूर्ति शोर गाक्‍शो बाक्‍नीम। मेको आन पर्बम शेंबपुकी मिक्‍च मताइब खोदेंशो दुम्‍शा, मारेइ मतुइक्‍नीम। मोपतीके मेको मुने दोक्‍नीम। यसैया ४५:१६; भजन संग्रह ११५:४-८; येरमीया १०:३-१६

यसैया 45:20

मिनु परमप्रभु यावेमी “गे नेल्‍ल खुम्‍सीशा बुक्‍कीन। गे रागी रागी ङा लीशो मुर आं नेक्‍था जाक्‍कीन। शी के मूर्ति कुरबपुकी मारेइ मतुइक्‍ब बाक्‍नीमी। मेकोपुकीमी आन मूर्ति कली पुंइना पुंइन बाक्‍नीमी। तन्‍न मेकोपुकीमी श्येत रे प्रोंइने मचाप्‍नीम।

यसैया 56:11

कुचुमपुकी शुश जचा ब्‍वचा दाक्‍नीम। गेनायो मरूनीम। मेको गोठला यो मोदेंशो मरुप्‍ब बाक्‍नीम। मेको नेल्‍ल आंम आन लां खोइक्‍ब बाक्‍नीम। मारेइ मारेइ आंम के सेल्‍चा दाक्‍‍नीम। मेको नेल्‍ल खाल का ङा बाक्‍नीम। येरमीया ६:१३

येरमीया 10:14

मुर नेल्‍ल निप्‍स मपाइश्‍शो नु मारेइ मतुइक्‍ब बाक्‍नीम। सुन चेम्‍ब नेल्‍ल आन मूर्तिम पतीके मुने दोक्‍नीम। मेको आन मूर्तिपुकी जोल बाक्‍नीम। मेको आन के सोक्‍त मबाक्‍ब। यसैया ४५:१६

येरमीया 10:8

मूर्ति आन शेंतीक निप्‍स मपाइश्‍शो नु मूर्ख लोव़ बाक्‍ब। मेको शी क्‍येङा रिम्‍शो मबाक्‍ब।

येरमीया 5:21

गे मूर्ख नु मिम्‍तीक मपाइश्‍शो मुरपुकी, एको लोव़ नेनीन। इन मिक्‍ची बाक्‍ब, तन्‍न मताइनीनी। इन नोफा बाक्‍ब, तन्‍न मनेंनीनी।

येरमीया 51:17

मुर नेल्‍ल मूर्ख नु मजोक्‍ब मतुइक्‍ब बाक्‍नीम। सुन चेम्‍ब नेल्‍ल आन मूर्तिम पतीके मुने दोक्‍नीम। मारदे हना मेको आन सेल्‍शो मूर्ति सोक्‍त मपाइश्‍शो जोल बाक्‍नीम।

इजीकीएल 12:2

मार लोव़ पाप्‍तु देंशा हना “ए मुर, गे काइ मटीब खिं ङा मुर आन दातेम बाक्‍शो बाक्‍नेवे। मेको आन के मिक्‍च बाक्‍त हना यो, मताइनीम। मेको आन के नोफा बाक्‍त हना यो, मनेंनीम। येरमीया ५:२१

दानीएल 12:10

मिनु शुश मुर नाक्‍चा, रिम्‍शो सेल्‍चा नु सुन यपाइश्‍शो खोदेंशो पा रिम्‍शो सेल्‍‍चा पुंइसीनीम। तन्‍न परमप्रभु कली मटीब, मटिना टिन बाक्‍शा, मारेइ मरुप्‍नीम। तन्‍न जोक्‍ब तुइक्‍बपुकीमी एको लोव़ रुप्‍नीम।

होसे 14:9

सु जोक्‍ब तुइक्‍ब बाक्‍बा, मेकोमी एको लोव़ तुइक्‍तल। सु के रुप्‍ब थुं बाक्‍मे, मेकोमी एको लोव़ रुबल। परमप्रभु यावे आ लां ठीक बाक्‍नीम। मिनु ठीक पाइबपुकी मेको आ लांमी गाक्‍नीम। तन्‍न आ देंशो मटीबपुकी मेको आ लांमी दाइल पाइसीनीम” दे परमप्रभुम देंत।

मत्ती 12:34

ए बुस्‍स आ खलकपुकी, गे मरिम्‍शो थुं पाइश्‍शो ननी। मिनु इन शोव़ रे दोपा रिम्‍शो लोव़ ग्रूबा ङा? थुं मारम ब्रीशो बाक्‍मे, मेकोन लोव़ पा ग्रूब। मत्ती ३:७

यूहन्‍ना 5:44

मोपा गे ठेयब सेल्‍मुइनीनी। तन्‍न का ला परमप्रभु यावेमी इन कली ‘रिम्‍शो ननी’ देंचा मपुंइसीनीनी। आं कली दोपा थमा सुइक्‍ने चाप्‍नीनी ङा? यूहन्‍ना १२:४२-४३; १थिस्‍सलोनिकी २:६

यूहन्‍ना 8:43

आं देंशो लोव़ मारदे मरुप्‍नीनी? गे आं लोव़ नेंशा, फाल्‍ने मचाप्‍नीनी। १कोरिन्‍थी २:१४

प्रेरित 14:16

साइ ङोंइती रे मुल सम्‍म परमप्रभु यावेमी रागी नेल्‍ल आन कली आन दला दाक्‍स पचा गेशो बाक्‍त। प्रेरित १७:३०

रोमी 1:28

आन थुंमी “परमप्रभु यावे कली तुइक्‍चा ममाल्‍ब” दे मिम्‍ताक्‍म। मोपतीके परमप्रभु यावेमी मेको आन कली आन मरिम्‍शो मिम्‍शो पचा गेशा, प्रोंइतु।

२ पत्रुस 2:14

मेकोपुकीमी मुर आन मीश तशा वाल्‍नीम। पाप पचा गेनायो “मोक्‍ल” मदेंनीम। सक्ति मपाइश्‍शो थमा सुइक्‍ब आन कली लेम्‍शा, आंम दूली लां खोइक्‍पाइक्‍नीमी। मेकोपुकी शीम बाक्‍नीम। मिनु सराप रशो मुर बाक्‍नीम।