यसैया 44:13 - Sunuwar Bible

¹³ शी मुइबमी शी कली श्‍येलेम थाप्‍शा, ब्रेक्‍स पा बस्‍लाम क्‍योक्‍शा, लेंशा थाप्‍शा, कोव़शा ब्रेक्‍स पाइब। मिनु मुर खोदेंशो पा सेल्‍ब। दारशो मुर खोदेंशो पा सेल्‍ब। मिनु नोले मन्‍दीरम निप्‍पाइक्‍‍ब।

यसैया 44:13 ပူးပေါင်းရင်းမြစ်များ

उत्पत्ती 31:19

लाबान आ भेडा आन ऊन ख्रोइक्‍थ लशो बाक्‍माक्‍त। मेना राहेलमी आ आफ आ खिं ङा मूर्तिपुकी खुइ पा कुरा बाक्‍त। न्‍यायाधीस १७:५; न्‍यायाधीस १८:१७; १सामुएल १९:१३; २राजा २३:२४; जकरिया १०:२

उत्पत्ती 31:30

मिनु गे इ आफ ग्रुम्‍चा शुश दाक्‍ताक्‍वी हना यो, मारदे आं खिं ङा मूर्ति खुइ पा लदी?” दे हिल्‍लो पवा बाक्‍त।

उत्पत्ती 31:32

इन मूर्तिपुकी चहिं सुका आ ताम्‍बुम थित्‍नीनी, मेको मब्रोंइल। इन लोक्‍ब आन ङोंइती आं बाक्‍तीकेम इन के मार बाक्‍मे, कोव़शा लतीन” देंमाक्‍त। मारदे हना याकूबमी राहेलम मेको मूर्तिपुकी खुइ पशो, दे मतुइक्‍ता बाक्‍त।

उत्पत्ती 35:2

मिनु याकूब आ खिं ङा मुर नु आ बाक्‍शो मुर नेल्‍ल आन कली “इन गुइमी बाक्‍शो मूर्ति ताइक्‍तीन। इन फेक्‍शो वा प्रुइश्‍शा, चिक्‍शा, अर्को फेक्‍सीन। उत्‍पत्ती ३१:१९; ब्‍यवस्‍था २७:१५; यहोसु २४:२३

यसैया 41:7

मिनु दारशो थोव़क सेल्‍स जोक्‍बमी चेम्‍ब आ थुं बारपाइक्‍ब। घन तुप्‍बमी चेम्‍ब आ थुं बारपाइश्‍शा ‘एको रिम्‍शो दुम्‍त’ देंशा, महिम्‍सेक्‍ल, दे कांटी थोक्‍ब” देंत।

यसैया 44:14

मेकोमी लेबानोन ङा लाइश्‍शो रवा तिम्‍ब। ब्‍वाकी ङा बोल्‍यो शी के रवा का योव़शा ब्‍वाकी ङा अरु रवा नु कोल्‍पाइक्‍ब। लेबानोन ङा लाइश्‍शो रवा का ख्रुम्‍ब। मेको तारी रेउ यिशा, मेको ठेयब दुम्‍ब। मिनु मेकोमी सला रवा का ख्रुम्‍ब। रेउम मेको कली कोल्‍पाइक्‍ब।

इजीकीएल 8:10

मोपतीके गो आगा ओव़शा कोव़ता। मिनु एर ओंथ नेल्‍ल गारोमी नेल्‍ल खाल ङा ग्रेशा गाक्‍ब जन्‍तु, ग्रांग्रा दिशो जन्‍तु, इस्राएली आन खिं ङा मूर्ति नेल्‍ल मेकेर ब्रेक्‍स पा सेल्‍शो ताता। रोमी १:२३

इजीकीएल 8:11

मिनु मेको आन ङोंइती इस्राएल ङा ७० जना खाल्‍पा राप्‍शो बाक्‍तेक्‍म। मिनु शाफान आ तौ याजन्‍याह मेको आन दातेम राप्‍शो बाक्‍त। मेको नेल्‍ल आन गुइम आन आन थनौरो बाक्‍तेक्‍म। मिनु धूप चोशो आ ब्रोव़शो रिना इर गे बोक्‍शो बाक्‍त। प्रस्‍थान २४:१; गन्‍ती ११:१६; लूका १०:१७; यसैया ६६:१७

इजीकीएल 8:12

नोले मेकोमी आं कली “ए मुर, इस्राएल आ खिं ङा खाल्‍पा छिङछिङम मार पाइनीमी, मेको आन आन मूर्ति कोठाम मार पना पन बाक्‍मा, तवी? मेकोपुकीम ‘परमप्रभु यावेमी आंइ कली मताइब। परमप्रभु यावेमी एको रागी प्रोंइने थुम्‍शो बाक्‍ब’ देंशो बाक्‍नीम” देंत। इजीकीएल ९:९

प्रेरित 17:29

गोपुकी परमप्रभु यावे आ तमी तौ दुम्‍शा, मुर आन मिम्‍शो आन गुइमी सेल्‍शो सुन चांदी फुल्‍लु मार मार के मूर्ति तशा, परमप्रभु मोदेंशो बाक्‍ब, दे मिम्‍चा मदुम्‍ब। उत्‍पत्ती १:२७; यसैया ४०:१८

रोमी 1:23

मेकोपुकीम गेना हना यो बाक्‍ब परमप्रभु यावे आ छेङछेङ कली बेक्‍शा लाइब मुर, चिक्‍ब, जन्‍तु नु ग्रेशा गाक्‍ब जन्‍तु आन मूर्ति नु फाइक्‍तेक्‍म। प्रस्‍थान २०:४; ब्‍यवस्‍था ४:१५-१९; भजन संग्रह १०६; येरमीया २:११

ब्‍यवस्‍था 27:15

मिनु मेकोपुकीमी “सु मुरुमी मुशा, यपाइश्‍शा मूर्ति सेल्‍ब, मेको परमप्रभु यावे कली ग्रांग्रा दित्‍चा ङा बाक्‍ब। मिनु मेको जोक्‍ब मुरुमी आ सेल्‍शो मूर्ति कली ख्रुइश्‍शोमी वोइक्‍ब, मेको मुर सराप राइब” देंतेक्‍म। मिनु मुर नेल्‍लेमी “आमेन, मोदेंशो दुम्‍ल” देंचा माल्‍नीम। प्रस्‍थान २०:४,२३

ब्‍यवस्‍था 4:28

मिनु गेपुकीमी मेकेर ङा मुर आन सेल्‍शो शी के, फुल्‍लु के मताइब, मनेंब, मजाइब नु मनाम्‍ब मूर्ति आन कली पूजा पाइनीनी। ब्‍यवस्‍था २८:३६; भजन संग्रह ११५:४-७

न्‍यायाधीस 18:24

मिनु मीकाहमी “आं कली सेल्‍सीशो देवी देवता नु आं चढ़ेब मुर मारदे लाइक्‍नी? आं कली मारेइ महेंदीनी। मिनु आं कली ‘इ कली मार दुम्‍मे?’ दे हिल्‍लो पाइनीनी?” देंमाक्‍त।