यसैया 43:3 - Sunuwar Bible

³ मारदे हना गो परमप्रभु यावे, इ परमप्रभु नङ। गो इस्राएली आन का ला बाक्‍शो परमप्रभु नङ। गो इ कली पाप रे प्रोंइब नङ। गो इजीप्‍त रागी इ पा ङा गेता। मिनु एथीयोपीया नु सेबा रागी इ कली प्रोंइचा कली गेता। यसैया ४१:१४

यसैया 43:3 ပူးပေါင်းရင်းမြစ်များ

उत्पत्ती 10:7

कूश आ तौपुकी शेबा, हवीलाह, साब्‍ताह, रामाह नु साब्‍तेका बाक्‍मा बाक्‍त। रामाह आ तौ निक्‍शी शेबा नु देदान बाक्‍सा बाक्‍त।

भजन संग्रह 72:10

टारशीश नु ङोन ङा टापु ङा पिपपुकीमी मेको कली तिरो थाप्‍तमेक्‍ल। शेबा नु सेबा ङा पिपपुकीमी मेको कली कोसेली चाक्‍गमेक्‍ल। यसैया ६०:९; भजन संग्रह ६८:३०; १राजा १०:१-२

प्रस्‍थान 10:7

मिनु फाराओ आ दरवार ङा गेय पाइबपुकीमी फाराओ कली “मेको मुरुम आंइ कली गेना सम्‍म श्‍येत गेबा? मेको मुर आन कली परमप्रभु यावे, आन परमप्रभु कली चढ़ेचा गेने। इजीप्‍त रागी मुल थुम्‍साक्‍व, दे मतुइक्‍नीनी?” देंमा बाक्‍त।

प्रस्‍थान 20:2

“गो परमप्रभु यावे, इन परमप्रभु नङ। गो इन कली वाइलीम वाइल दुम्‍शो इजीप्‍त रागी रे ग्रुंइताक्‍न्‍नी। न्‍यायाधीस ६:८; येरमीया ३४:१३

हितोपदेस 11:8

ठीक पाइब मुर हिंचा ङा श्‍येत रे प्रोंइचा पुंइसीनीम। तन्‍न परमप्रभु यावे आ अरेशो मटीबपुकी मेको श्‍येतमी हुम्‍सीनीम।

हितोपदेस 21:18

ठीक पाइब आन पा ङा परमप्रभु यावे आ अरेशो मटीबपुकीम सजाइ ताइनीम। मिनु गेना हना यो रिम्‍शो पाइब आन पा ङा थमा सुइक्‍चा मपुंइसीब मुर सजाइ ताइनीम।

यसैया 19:20

मेको थाम इजीप्‍त रागीमी मुर नेल्‍ल आन परमप्रभु यावे कली मिम्‍तीक चिन्‍ड का दुम्‍ब। मारदे हना मेकोपुकीमी श्‍येत गेचा पुंइसीतीके परमप्रभु यावे कली “वारच पाइक्‍की” दे लोव़ पाइनीम। मिनु परमप्रभु यावेमी मेको आन कली आन श्‍येत रे प्रोंइब का सोइक्‍ब। मेकोमी लडाइ पा मेको आन कली श्‍येत रे प्रोंइब।

यसैया 20:3

मिनु परमप्रभु यावेमी “आं गेय पाइब यसैया दोपा शिश्रा नु जुत्ता मलिक्‍थु बर्स सां सम्‍म इजीप्‍त नु एथीयोपीयाम चिन्‍ड कोंइचा कली गाक्‍मे,

यसैया 30:11

परमप्रभु यावे आ लां प्रोनीन। एर ओंथ लने। इस्राएली आन का ला बाक्‍शो परमप्रभु आ पर्बम मशेंदीन’ देंनीम” देंत।

यसैया 41:14

गे महिक्‍सीशो याकूब महिनो। इच्‍कका ला लीशो इस्राएलीपुकी महिनीन। गो इ कली वारच पाइ‍नुङ, दे परमप्रभु यावेमी देंत। इ कली पाप रे प्रोंइब इस्राएली आन का ला बाक्‍शो परमप्रभु, गो नङ। यसैया ४३:३

यसैया 42:8

गो, परमप्रभु यावे नङ। आं नें मेकोन बाक्‍ब। आं मान ततीक अरु आन कली मगेनुङमी। आं ठेयब दुम्‍तीके मूर्ति आन कली मगेनुङमी। प्रस्‍थान ३:१५; यसैया ४८:११

यसैया 43:11

गो परमप्रभु यावे नङ। आं क्‍येङा लाक्‍शा पाप रे प्रोंइब मबाक्‍ब। यसैया ४५:२१; ब्‍यवस्‍था ३२:३९

यसैया 45:14

मिनु परमप्रभु यावेमी “इजीप्‍त ङा शोंप, एथीयोपीया ङा मारेइ मारेइ नु साबा रागी ङा लाइश्‍शो मुरपुकी इ के दुम्‍नीम। मेको इ नोले खोइक्‍नीम। मेकोपुकी फ्रेंशो दुम्‍शा, इ गे जाक्‍शा, इ ङोंइती बाप्‍शा ‘थमा पा परमप्रभु गे नु बाक्‍ब। मेको ङा लाक्‍शा अरु सुइ परमप्रभु मबाक्‍ब’ दे पुंइनीम” देंत।

यसैया 45:15

थमा पा, गे परमप्रभु बाक्‍नीनी। गे ख्रुंइसीशो बाक्‍नीनी। गे इस्राएली आन परमप्रभु, श्‍येत रे प्रोंइब बाक्‍नीनी। रोमी ११:३३; यसैया ४३:११

यसैया 45:21

इ लोव़ शेंशा, लोव़ पावो। लोव़ पमुने। साइ ङोंइती एको लोव़ सुम देंमे? सुमी तुइक्‍पदा? मेको नोले दुम्‍ब लोव़ सुम पवा? गो, परमप्रभु यावे मनङा ङा? आं ङा लाक्‍शा, अरु सुइ परमप्रभु मबाक्‍ब। गो ठीक पाइब नु श्‍येत रे प्रोंइब परमप्रभु यावे नङ। आं ङा लाक्‍शा, अरु सुइ परमप्रभु मबाक्‍ब।

यसैया 49:26

इ कली श्‍येत गेब आन कली आंम आन श्‍ये ब्‍वपाइक्‍नुङ। मेकोपुकी अङगुर शांबुम दुक्‍शो खोदेंशो पा आंम आन हुशेम दुक्‍नीम। मिनु मुर नेल्‍लेमी ‘गो इ कली श्‍येत रे प्रोंइब, इ परमप्रभु यावे नङ। गो इ कली पाप रे प्रोंइब, याकूब आ सक्ति पाइश्‍शो परमप्रभु नङ’ दे तुइक्‍नीम” देंत।

यसैया 60:16

गे रागी रागी ङा दूध तूनेवे। मिनु गे पिप आन दूध तूनेवे। मिनु गो इ कली श्‍येत रे प्रोंइब बाक्‍नुङ। याकूब आ सक्ति पाइश्‍शो परमप्रभु इ कली पाप रे प्रोंइब बाक्‍नुङ, दे तुइक्‍नेवे। यसैया ४९:२०

यसैया 63:8

मेकोमी “मेकोपुकी थमा पा आं मुर बाक्‍नीम जोल मपाइब आल बाक्‍नीम” देंत। मोपतीके परमप्रभु यावे मेको आन कली श्‍येत रे प्रोंइब दुम्‍त। ब्‍यवस्‍था ३२:५,२०

येरमीया 14:8

ए इस्राएल आ आस पतीके, श्‍येत जवानु मेको कली प्रोंइब, गे एको रागीम मारदे अर्को रागी ङा मुर खोदेंशो दुम्‍नीनी? गे मारदे नाक्‍दो का ला बाक्‍ब, लां गाक्‍ब मुर खोदेंशो दुम्‍नीनी?

येरमीया 16:21

मोपतीके गो मेको आन कली थमा पा रुप्‍पाइक्‍नुङमी। गो मेको आन कली आं सक्ति नु आं ठेयब दुम्‍तीके आ पर्बम शेंनुङमी। मिनु मेकोपुकीमी आं नें यावे बाक्‍ब, दे तुइक्‍नीम” दे परमप्रभु यावेमी देंत। प्रस्‍थान ३:१२

इजीकीएल 39:7

गो आं नें आं मुर इस्राएली आन दातेम तुइक्‍पाइक्‍नुङमी। मिनु आं नें कली मरिम्‍शो सेल्‍चा मगेनुङ। मिनु रागी रागी ङा मुरपुकीम गोन परमप्रभु यावे, इस्राएली आन बाक्‍शो परमप्रभु नङ, दे तुइक्‍नीम।

होसे 13:4

मिनु “गो परमप्रभु यावे, इन परमप्रभु नङ। गो इन कली इजीप्‍त रागी रे ग्रुंइताक्‍ङ। गे गो आं ङा लाक्‍शा अरु परमप्रभु मतुइक्‍नीनी। मिनु गो आं ङा लाक्‍शा अरुमी पाप रे प्रोंइने मचाप्‍नीम।

लेवी 11:44

मिनु गो परमप्रभु यावे, इन परमप्रभु नङ। मोपतीके गेपुकी ग्रांग्रा दिशो मदुम्‍थु मेको रे ङोन बाक्‍कीन। मारदे हना गो ग्रांग्रा दिशो रे ङोन बाक्‍नुङ। गेपुकी खपीम ग्रे‍शा गाक्‍ब जन्‍तु रे ग्रांग्रा दिशो मदुमीन। लेवी १९:२

आमोस 9:7

मिनु परमप्रभु यावेमी इस्राएल ङा मुर आन कली “गे आं कली एथीयोपीया ङा मुर खोदेंशो बाक्‍नीनी। गो इस्राएली आन कली इजीप्‍त रागी रे, पलिस्‍ती आन कली काफ्‍तोर रागी रे नु अरामी आन कली कीर रागी रे ग्रुंइशा चाक्‍शो मनङमी ङा?” देंशो बाक्‍ब। ब्‍यवस्‍था ७:७; येरमीया ४७:४

जकरिया 9:9

सियोन आ तमी, साप्‍पा ग्‍येरसो। यरूसलेम आ तमी ग्‍येरशा ठेयब सेंदा पा ग्रीङो। मारदे हना इ पिप इ बाक्‍तीकेमी जाक्‍ना जाक्‍न बाक्‍ब। मेको ग्राशा ग्‍येरसीशा जाक्‍ब। मेको ब्रेम्‍शो बाक्‍ब। मेको गधा तार ङोइश्‍शा जाक्‍ब। गधा आ चाइक्‍ब तार ङोइश्‍शा जाक्‍ब। सेफन्‍याह ३:१४; मत्ती २१:५

यहूदा 1:25

परमप्रभु यावे का ला बाक्‍ब। मेकोमी इं प्रभु येसु ख्रीस्‍त आ पतीकेमी इं कली पाप रे प्रोंइतु। नेल्‍ल छेङछेङ पाइश्‍शो, नेल्‍ल क्‍येङा ठेयब दुम्‍तीके, नेल्‍ल सक्ति नु नेल्‍ल अधिकार मेको केन बाक्‍ब। मेको ङोंइती बाक्‍त। मुल यो बाक्‍ब। मिनु गेना हना यो बाक्‍ब। आमेन।