यसैया 43:25 - Sunuwar Bible

²⁵ गो नङ, इ हेंथे पशो क्‍याम्‍नुङ। गो मेको आं पर्बम पाइनुङ। गो इ पाप लेंशा ममिम्‍नुङ। यसैया ४४:२२; येरमीया ३१:३४

यसैया 43:25 ပူးပေါင်းရင်းမြစ်များ

२ इतिहास 6:21

मिनु इन गेय पाइब नु इस्राएली, इन मुरुम एको खिं गे कोव़शा पुन्‍मेनु, इन स्‍वर्ग ङा बाक्‍तीक रे नेनीन। मिनु नेंशा मेको आन पाप क्‍याम्‍दीन।

भजन संग्रह 103:12

नां दाप्‍तीक रे नां पेरतीक दोशो ङोन बाक्‍बा, मोशोन आंइ मरिम्‍शो पशो नेल्‍ल ङोन तिल्‍शो बाक्‍ब।

भजन संग्रह 103:3

मेकोमी इ मरिम्‍शो पशो नेल्‍ल क्‍याम्‍शा गेशो बाक्‍ब। मिनु इ रोइ नेल्‍ल सापाइक्‍ब। भजन संग्रह ३२:१

भजन संग्रह 25:11

परमप्रभु यावे, आं पाप ठेयब बाक्‍त हना यो, इन नें आ पर्बम आं ठीक मपशो माफ गेयीनी। प्रस्‍थान ३४:६-७

भजन संग्रह 25:7

गो ठिटा बाक्‍ङा ना आं पशो पाप नु आं मरिम्‍शो पशो प्रेंदीन। परमप्रभु यावे, इन गेना हना यो दाक्‍तीके नु रिम्‍शो पतीकेम आं कली मिम्‍तीन।

भजन संग्रह 51:3

मारदे हना गो आं मरिम्‍शो पशो तुइक्‍नुङ। मिनु आं पाप गेना हना यो मिम्‍नुङ।

भजन संग्रह 51:4

गो इन ङोंइती ला पाप पाता। इन ङोंइती इन मदाक्‍शो पाता। गे आं कली निसाफ पा, ठीक पाइब बाक्‍नीनी। आं कली निसाफ पा सजाइ गेतीनी, गे मेको आ पर्बम दोस मताइब बाक्‍नीनी।

भजन संग्रह 51:9

इन कुल आं पाप रे ख्रुइक्‍तीन। मिनु आं मरिम्‍शो पशो नेल्‍ल क्‍याम्‍दीन।

यसैया 1:18

मिनु परमप्रभु यावेमी “जाक्‍कीन, गोपुकी बुक्‍शा, लोव़सी पय। इन पाप हुश खोदेंशो लल बाक्‍त हना यो, फुं खोदेंशो बुश दुम्‍ब। शुश लल बाक्‍त हना यो, मेको ऊन खोदेंशो बुश दुम्‍ब। यसैया ४४:२२; भजन संग्रह ५१:९

यसैया 37:35

गो मेको सहर कली आं पर्बम नु आं गेय पाइब दाऊद आ पर्बम आन गुइ रे प्रोंइशा, वोइक्‍नुङ” देंत।

यसैया 38:17

एको श्‍येत थमा पा आं कली ब्रोंइचा कली बाक्‍त। गे आं कली दाक्‍शा, श्‍येत रे ग्रुंइताक्‍यीनी। मारदे हना गे आं पाप नेल्‍ल क्‍याम्‍ताक्‍नी। भजन संग्रह ३२:५; मीका ७:१८-१९

यसैया 43:11

गो परमप्रभु यावे नङ। आं क्‍येङा लाक्‍शा पाप रे प्रोंइब मबाक्‍ब। यसैया ४५:२१; ब्‍यवस्‍था ३२:३९

यसैया 44:22

गो इ पाप गोस्‍स खोदेंशो पा जाम्‍पाइक्‍ता। इ हेंथे पशो यो क्‍याम्‍ताक्‍ङ। गे आं गे लेतो। मारदे हना गो इ कली पाप रे प्रोंइतन। यसैया ४३:२५

यसैया 48:11

गो आं पर्बम पाइनुङ। मारदे आं नें ग्रांग्रा दिशो सेल्‍चा गेनुङा? आं छेङछेङ नु सक्ति अरु आन कली मगेनुङमी। यसैया ४२:८

यसैया 55:7

परमप्रभु यावे आ अरेशो मटीबमी आन लां प्रोन्‍मेक्‍ल। मिनु ठीक मपाइबमी आन मरिम्‍शो मिम्‍शो प्रोन्‍मेक्‍ल। परमप्रभु यावे गे लेम्‍मल। मिनु मेकोमी मेको आन कली शिशी पाइब। मेकोपुकी आंइ परमप्रभु गे लेम्‍मल। मारदे हना मेकोमी शुश माफ गेब। इजीकीएल १८:२७; इजीकीएल ३३:१; भजन संग्रह १३०:४

यसैया 64:8

मो हना यो परमप्रभु यावे, गे आंइ आफ बाक्‍नीनी। गो खप नकी, गे खप के ग्‍योंब सेल्‍ब बाक्‍नीनी। गो नेल्‍ले इन सेल्‍शो नकी।

यसैया 64:9

परमप्रभु यावे, शुश मगाइक्‍तीने। आंइ मरिम्‍शो पशो गेना हना यो ममिम्‍तीन। आंइ कली कोव़ङीन, गो नेल्‍ल इन मुर बाक्‍नीकी।

येरमीया 31:34

मेना रे परमप्रभु यावे कली तुइक्‍तीन, दे मुर कामी अर्को कली मशेंनीम। मारदे हना आइक्‍च रे ठेयब नेल्‍लेम आं कली तुइक्‍नीम। गो मेको आन मरिम्‍शो पशो माफ गेनुङमी। मिनु लेंशा गेनायो मेको आन पाप ममिम्‍नुङ” दे परमप्रभु यावेमी देंत। येरमीया ३३:८; यसैया ४३:२५; रोमी ११:२६-२७

येरमीया 50:20

मेको नाक्‍ती इस्राएल आ मरिम्‍शो पशो माल्‍शा कोव़शा हना यो, मथिंसीब। यहूदा आ पाप माल्‍शा हना यो, मथिंसीब। मारदे हना गो आं प्रोंइशा वोइश्‍शो लीशो आन कली आन पाप माफ गेतामी। येरमीया ३३:७-८

इजीकीएल 18:22

मेको आ हेंथे पशो आ पर्बम लेंशा ममिम्‍सीब। मेको आ ठीक पतीकेम ब्रोंइब। यसैया ४३:२५

इजीकीएल 20:14

मिनु गो रागी ङा मुर आन ङोंइती मेको आन कली इजीप्‍त रागी रे ग्रुंइताक्‍ङ। गो आं नें मेको रागी रागी ङा मुर आन ङोंइती मरिम्‍शो मदुम्‍ल, दे मोदेंशो पाता।

इजीकीएल 20:22

तन्‍न गो आं गुइ तेक्‍ता। मिनु गो रागी ङा मुर आन ङोंइती मेको आन कली इजीप्‍त रागी रे ग्रुंइताक्‍ङ। गो आं नें मेको रागी रागी ङा मुर आन ङोंइती मरिम्‍शो मदुम्‍ल, दे मोदेंशो पाता।

इजीकीएल 20:9

तन्‍न गो आं नें रागी रागी ङा मुर आन ङोंइती मरिम्‍शो मदुम्‍ल, दे गो इन कली इजीप्‍त रागी रे ग्रुंइताक्‍ङ। इन बाक्‍शो रागी ङा मुर आन कली यो आं नें तुइक्‍पाइक्‍ताक्‍मी। इजीकीएल २०:१४; इजीकीएल ३६:२१-२२; प्रस्‍थान ३२:१२

इजीकीएल 33:16

मेको आ पशो तेकोइ पाप ममिम्‍सीब। मेकोमी आं अरेशो लोव़ नु ठीक गेय पाप्‍तु। मेको थमा पा ब्रोंइब।

इजीकीएल 36:22

परमप्रभु, परमप्रभु यावेमी “मोपतीके इस्राएल आ खिं ङा मुर आन कली ‘ए इस्राएल आ खिं ङा मुर, गो इन पर्बम एको गेय मपाइनुङ। तन्‍न गो आं नें आ पर्बम गेय पाइनुङ। गे इन लतीक रागी रागी ङा मुर आन दातेम आं नें मरिम्‍शो सेल्‍तीनी। यसैया ४८:११; येरमीया १४:७

इजीकीएल 36:32

गो इन पर्बम एको गेय पशो मनङ। मेको तुइक्‍चा माल्‍नीनी। ए इस्राएल आ खिं ङा मुर इन पशो गेयम पतीके मुने दोक्‍शा सुर्ता पन’ ” देंत।

मर्कूस 2:7

मेकोपुकीमी येसु आ लोव़ नेंशा, आन थुंमी “दोदेंशो लोव़ पवा? परमप्रभु यावे कली शुक्‍शी पाइबाक्‍त। सुमी पाप क्‍याम्‍ने चाप्‍बा ङा?” दे मिम्‍तमे बाक्‍त। भजन संग्रह १३०:४; यसैया ४:३,२५

लूका 5:21

मिनु फरिसी नु सास्‍त्रीपुकीमी “ओदेंशो शुक्‍शी लोव़ पाइब सु बाक्‍म? परमप्रभु यावेमी ला पाप क्‍याम्‍ने चाप्‍ब” दे मिम्‍तमे बाक्‍त। फरिसी रिती थिती सेल्‍शा, रिम्‍शो पचा कली कोव़ब यो बाक्‍शो बाक्‍तेक्‍म। सास्‍त्री यहूदी आन कली परमप्रभु यावे आ अरेशो लोव़ शेंब बाक्‍शो बाक्‍तेक्‍म। लूका ७:४९; भजन संग्रह १३०:४; यसैया ४३:२५

प्रेरित 3:19

मुल चहिं इन थुं परमप्रभु यावे गे लेश्‍शा, ख्रीस्‍त कली थमा सुतीन। मिनु मेकोमी इन पाप क्‍याम्‍ब। प्रेरित २:३८

रोमी 5:20

परमप्रभु यावेमी आ अरेशो लोव़ ब्रेक्‍पदा रे पाप तुइक्‍ना तुइक्‍न लाम्‍तेक्‍म। मिनु पाप ठेयब दुम्‍मेनु, परमप्रभु यावे आ शिशी मेको क्‍येङा ठेयब दुम्‍त। रोमी ७:८,१३; गलाती ३:१९

एफिसी 1:6

मिनु मेकोमी इं कली आ दाक्‍शो तौ आ पतीक रे मुरुमी मिम्‍ने मचाप्‍चा ङा शिशीम ठेयब सेल्‍चा कली आ तमी तौ सेल्‍तु। मत्ती ३:१७

एफिसी 1:8

मिनु मेको आ जोक्‍तीक तुइक्‍तीक नेल्‍लेमी आ शिशी इं तारी मोइश्‍शो बाक्‍त। एफिसी ३:३-६,९; रोमी १६:२५; कलस्‍सी १:२६-२७

हिब्रू 10:17

गो मेको आन पशो पाप प्रेंशा गेनायो ममिम्‍नुङ” देंशो बाक्‍ब। येरमीया ३१:३३-३४

हिब्रू 8:12

मेको आन कली शिशी पा, आन पशो पाप नेल्‍ल क्‍याम्‍शा गेनुङमी। मेको आन मरिम्‍शो पशो गेनायो ममिम्‍नुङ” देंमाक्‍त। येरमीया ३१:३१-३४