यसैया 41:9 - Sunuwar Bible

⁹ इ कली रागी आ सुर रे ब्रेत्‍ताक्‍न। नेल्‍ल क्‍येङा ङोन रे चाक्‍शा, गो इ कली ‘गे आं गेय पाइब बाक्‍नेवे’ देंती। गो इ कली योव़ता। मिनु गो गे नु बाक्‍नुङ।

यसैया 41:9 ပူးပေါင်းရင်းမြစ်များ

भजन संग्रह 135:4

परमप्रभु यावेमी याकूब कली आ मुर दुम्‍पाइक्‍चा कली नु इस्राएल कली आंम के सेल्‍चा कली योव़शो बाक्‍ब। प्रस्‍थान १९:५-६

भजन संग्रह 94:14

मारदे हना परमप्रभु यावेमी आ मुर आन कली मप्रोंइब। मिनु आ योव़शो रागी यो मप्रोंइब। यसैया ३७:३३-३५

यसैया 11:11

मेना परमप्रभुमी आ लीशो मुर आन कली लेंशा प्रोंइशा चाक्‍ब। मिनु ते रे प्रोंइशा चाक्‍ब देंशा हना, अस्‍सुर, इजीप्‍त, पथ्रोस, एथीयोपीया, एलाम, शिनार, हमाथ नु समुन्‍द्र आ नेक्‍था रे प्रोंइशा चाक्‍ब। इजीकीएल ३७:२१-२२

यसैया 14:1

मिनु परमप्रभु यावेमी याकूब कली शिशी पा, इस्राएल कली योव़शा लेंशा मेको आन कली आन रागीमी वोइक्‍ब। मिनु अर्को रागी ङा मुरपुकी याकूब आ खिं ङा मुर नु गारशा बाक्‍नीम। जकरिया १:१७

यसैया 41:2

सुमी पूर्ब रे आ गेय पचा कली ग्राब का कली पोक्‍गा? मेकोमी रागी रागी ङा मुर आन कली आ गुइम गेब। मेकोमी पिप आन कली दिम्‍शा, आ तरवारम मेको आन कली फुरक खोदेंशो सेल्‍ब। आ लिब्रामी फशेम बेरशो भूस खोदेंशो सेल्‍ब। यसैया ४४:२८; यसैया ४५:१,१३; यसैया ४८:१४-१५

यसैया 41:8

मिनु परमप्रभु यावेमी “आं गेय पाइब इस्राएल, आं योव़शो याकूब, आं वारच अब्राहाम आ चच युइ बाक्‍ब। यसैया ४२:१९; यसैया ४३:१०; यसैया ४४:१,२१; यसैया ४५:४; भजन संग्रह १३५:४; याकूब २:२३

यसैया 42:1

परमप्रभुमी “आं गेय पाइब कली कोव़ङीन। गो मेको कली सक्ति गेनुङ। आं योव़शो गेय पाइब तशा, आं थुं ग्‍येरसीब। गो मेको कली आं सोक्‍तीम प्रिंताक्‍ङ। मेकोमी रागी रागी ङा मुर आन कली ठीक निसाफ पाइ‍ब। यसैया ४९:१-६; यसैया ५०:४-११; यसैया ५२:१३-यसैया ५३:१२; मत्ती १२:१८-२१; मत्ती ३:१७

यसैया 44:1

मिनु “याकूब, आं गेय पाइब, मुल नेनो। आं योव़शो इस्राएल, नेनो।

यसैया 45:4

आं गेय पाइब, याकूब, आ योव़शो इस्राएल कली गो इ नें थिशा, ब्रेत्‍नुङ। गो इ कली ठेयब नें गेशा ब्रेत्‍ताक्‍ङ हना यो, गे आं कली मतुइक्‍ती।

मलाकी 1:2

परमप्रभु यावेमी “गो इन कली दाक्‍ताक्‍ङ। गेपुकीमी चहिं ‘दोपा आंइ कली दाक्‍तीनी ङा? मार, एसाव याकूब आ लोक्‍ब ममाइ ङा?’ देंनीनी। मिनु परमप्रभु यावेमी गो याकूब कली शुश दाक्‍ताक्‍ङ। उत्‍पत्ती २५:२३; रोमी ९:१३

लूका 13:29

मुरपुकी पूर्ब पच्‍छिम उत्तर दक्‍खिन रे जाक्‍शा, परमप्रभु यावे आ राज्‍यम ओव़शा भोज जशा बाक्‍शो ताइनीनी। लूका १४:१५

ब्‍यवस्‍था 14:2

मारदे हना गेपुकी परमप्रभु यावे, इन परमप्रभु आ आंम मुर बाक्‍नीनी। मिनु परमप्रभु यावेमी जात जात ङा मुर नेल्‍ल आन दाते रे इन कली आ मुर सेल्‍चा कली योव़तु।

याकूब 2:5

आं लोक्‍बपुकी, नेनीन, परमप्रभु यावेमी रागी ङा प्रुङग आन कली शुश थमा सुदमेक्‍ल, दे मयोव़ङा ङा? मिनु परमप्रभु यावे कली दाक्‍ब नेल्‍ल आ राज्‍य ओव़चा ताइनीम मदेंम ङा? १कोरिन्‍थी १:२६; १कोरिन्‍थी ११:२२; लूका १२:२१

प्रकाश 5:9

मिनु मेकोपुकीमी पाठा कली नक कुम्‍सो का पाम्‍तेक्‍म। मार नक कुम्‍सो पाम्‍तेक्‍म देंशा हना “मेको कागज ताक्‍ने नु प्राक्‍ने चाप्‍ब, गे का ला ननी। मारदे हना गे मुर आन कली परमप्रभु यावे आ नेक्‍था बाक्‍पाइक्‍चा कली ग्‍याप्‍तीनी। दोपा ग्‍याप्‍तीनी देंशा हना, साइक्‍चा पुंइसीशा, इन हुश शाइश्‍शा ग्‍याप्‍तीनी। मिनु गे मार मुर ग्‍याप्‍तीनी देंशा हना, नेल्‍ल थर रे, नेल्‍ले लोव़ रे, नेल्‍ल जात रे नु नेल्‍ल रागी रे मुरपुकी ग्‍याप्‍तीनी। भजन संग्रह ३३:३

१ सामुएल 12:22

मारदे हना परमप्रभु यावेमी आ ठेयब नें आ पर्बम आ मुर आन कली कोव़शा मप्रोंइब। परमप्रभु यावेमी इन कली आंम आ मुर सेल्‍चा कली ग्‍येरसाक्‍व। प्रस्‍थान १९:६