यसैया 41:29 - Sunuwar Bible

²⁹ मेको नेल्‍ल फश बाक्‍नीम। आन गेय नेल्‍ल फश बाक्‍ब। मिनु देवी देवता आन मूर्ति फश बाक्‍नीम” देंत।

यसैया 41:29 ပူးပေါင်းရင်းမြစ်များ

भजन संग्रह 96:5

मारदे हना जात जात ङा मुर आन देवी देवता शोर गाक्‍शो मूर्ति ला बाक्‍नीम। तन्‍न परमप्रभु यावेमी सरीङ सेल्‍तु।

यसैया 17:8

मेकोपुकीम आंम आन गुइमी सेल्‍शो देवी देवता आन कली चढ़ेचा ममिम्‍नीम। आंमा आन सेल्‍शो मूर्ति पाइश्‍शो थाम नु धूप चोतीके कली मकोव़नीम।

यसैया 2:8

मेको आन रागी मूर्तिम ब्रीशो बाक्‍ब। मेकोपुकी आंमा सेल्‍शो मूर्ति आ ङोंइती बाप्‍नीम। आंमा गुइमी सेल्‍शो मूर्ति आ ङोंइती पोक्‍च थेक्‍नीम।

यसैया 37:19

मेको आन देवी देवता मीम हुम्‍ताक्‍म। मारदे हना मेकोपुकी मुर आन गुइमी सेल्‍शो, शी नु फुल्‍लु के बाक्‍नीम। मेकोपुकी इन खोदेंशो मनम। मोपतीके खतम सेल्‍चा पुंइसाक्‍म।

यसैया 41:24

गे मारेइ मननी। इन पशो नेल्‍ल फश बाक्‍ब। सु सुमी इन कली योव़नीमी मेकोपुकी ग्रांग्रा दिशो बाक्‍नीम।

यसैया 46:7

मिनु मेको कली गुप्‍शा, बलाम कुरशा, लाइश्‍शा, आ बाक्‍तीकेम वोदमेनु, मेकेर मदुक्‍थु, मगाक्‍थु बाक्‍ब। सुइमी मेको आ ङोंइती जाक्‍शा ‘प्रोंइ‍यीनी’ देंत हना, मेकोमी लोव़ मलेप्‍ब। सुइ आन कली श्‍येत रे प्रोंइने मचाप्‍ब” देंत। १राजा १८:२६

येरमीया 14:22

रागी रागी ङा मुर आन देवी देवता आन दाते ङा तेकोइमी रेउ यिपाइक्‍ने चाप्‍नीमी ङा? मार, सरीङ आमा रेउ यिपाइक्‍ने चाप्‍बा ङा? मेको पाइब गे परमप्रभु यावे, आंइ परमप्रभु मननी ङा? मोपतीके गो इन कली आस पाइ‍नीकी। मारदे हना गे ला एको नेल्‍ल पने चाप्‍नीनी” देंती।

येरमीया 5:13

परमप्रभु यावे आ लोव़ पाइबपुकी फश बाक्‍नीम। मारदे हना परमप्रभु यावे आ लोव़ मेकोपुकी नु मबा। तन्‍न मेको लोव़ मेको मो देंब आन कली दुम्‍ब” देंतेक्‍म।

हबकुक 2:18

मिनु “मूर्तिम मार गेय पने चाप्‍बा ङा? मुर आ चेम्‍शो मूर्ति जोल ला बाक्‍ब। मारदे हना मेको चेम्‍बमी आंम चेम्‍शो मूर्ति कली थमा सुइक्‍ब। तन्‍न मेको मूर्ति ब्‍वाक्‍ने मचाप्‍ब। यसैया ४४:१०-२०

जकरिया 10:2

खिं ङा देवी देवतामी फश लोव़ पाइनीम। लिंक्‍यु कोव़बपुकीमी जोल तशा, ङोमु ङोशा, हेंथे लोव़ पाइनीम। मिनु मुर आन कली फश लोव़ पा लेम्‍नीम। मोपतीके मुरपुकी गोठला मबाक्‍शो भेडा खोदेंशो पा श्‍येत जशा प्रोक्‍नीम। मत्ती ९:३७

न्‍यायाधीस 18:17

मिनु ङोंइती क्‍यारी पथ जाक्‍शो ५ जना मुर खिं आगा ओव़मा बाक्‍त। मिनु मेकोपुकीमी मेको मुशा चांदीम गिल्‍शो मूर्ति, निसाफ पतीके ऊरीम नु थुम्‍मीम बाक्‍शो झोला नु खिं ङा देवता नेल्‍ल लदमे बाक्‍त। मेना चढ़ेब यो मेको ६ सहे मुर नु लाप्‍चोम राप्‍शा बाक्‍शो बाक्‍माक्‍त। न्‍यायाधीस १७:५

१ सामुएल 12:21

मो मपाइतीनी हना, गे शोर गाक्‍शो दुम्‍नीनी। मेकोम इन कली वारच मपाइब। श्‍येत रे यो मप्रोंइब। ब्‍यवस्‍था ३२:३७-३८; यसैया ४१:२९