यसैया 41:26 - Sunuwar Bible

²⁶ सुमी ङोंइती रे आंइ कली तुइक्‍पदा? मेको गो तुइक्‍चा माल्‍नीकी। मिनु सुमी ङोंइती शेंदा? ‘मेको ठीक बाक्‍ब’ देंने चाप्‍नीकी। सुइमी मशेंदेम, सुइमी लोव़ मपामे। मिनु सुइमी इन पशो लोव़ मनेनेम।

यसैया 41:26 ပူးပေါင်းရင်းမြစ်များ

यसैया 41:22

मेको आन कली चाक्ग‍मेक्‍ल। मिनु मार मार दुम्‍मे, मेको देनीन। ङोंइती मार दुम्‍मे, मेको लोव़ पने। गे मेको आन कली मिम्‍शा, नोले मार दुम्‍बा, तुइक्‍चा कली शेंदीन। यसैया ४३:८,९; यसैया ४४:७

यसैया 41:4

मेको सुमी पपाइश्‍शा पवा? सुम साइ ङोंइती रे पाला पाला ङा मुर आन कली ब्रेत्‍‍ता? गो परमप्रभु यावे, नेल्‍ल क्‍येङा ङोंइती ङा नु नेल्‍ल क्‍येङा नोले ङा नङ। यसैया ४४:६; यसैया ४८:१२; प्रकाश १८:१७

यसैया 43:9

रागी रागी ङा मुर नेल्‍ल खुम्‍समल। जात जात ङा मुर नेल्‍ल बुक्‍‍मल। मेको आन दातेमी सुमी एको लोव़ पवा? मुल मार दुम्‍मे? सुम ङोंइती मेको नोले दुम्‍ब लोव़ पवा? आ सांकछी ब्रेश्‍शा, चाक्गल। मिनु मुरुमी मेको नेंशा ‘थमा बाक्‍ब’ देंमल” देंत। यसैया ४१:२२,२६

यसैया 44:7

सु आं खोदेंशो बाक्‍बा? मेकोमी ‘गो परमप्रभु खोदेंशो नङ’ दे उरदी पवल। मेकोमी आं ङोंइती देंल। सुम साइ ङोंइती नोले दुम्‍तीक लोव़ पवा? मुल मार दुम्‍बा? मेकोमी देंल। यसैया ४१:२२; ब्‍यवस्‍था १८:२२

यसैया 45:21

इ लोव़ शेंशा, लोव़ पावो। लोव़ पमुने। साइ ङोंइती एको लोव़ सुम देंमे? सुमी तुइक्‍पदा? मेको नोले दुम्‍ब लोव़ सुम पवा? गो, परमप्रभु यावे मनङा ङा? आं ङा लाक्‍शा, अरु सुइ परमप्रभु मबाक्‍ब। गो ठीक पाइब नु श्‍येत रे प्रोंइब परमप्रभु यावे नङ। आं ङा लाक्‍शा, अरु सुइ परमप्रभु मबाक्‍ब।

यसैया 46:9

साइ ङोंइती ङा माइत लोव़ मिम्‍तीन। मारदे हना गो परमप्रभु नङ, आं ङा लाक्‍शा, अरु सुइ परमप्रभु मबाक्‍नीम। गो परमप्रभु नङ, आं खोदेंशो सुइ मबाक्‍नीम। यसैया ४४:६