यसैया 41:20 - Sunuwar Bible

²⁰ मुर नेल्‍लेमी परमप्रभु यावे आ पशो बाक्‍ब, दे तशा, तुइश्‍‍शा, मिम्‍शा रुप्‍चा माल्‍नीम। इस्राएली आन का ला बाक्‍शो परमप्रभुमी मोदेंशो सेल्‍तु” देंत।

यसैया 41:20 ပူးပေါင်းရင်းမြစ်များ

अय्‍युब 12:9

परमप्रभु यावेम मेको नेल्‍ल पशो बाक्‍ब, दे सुम मतुइक्‍नीमी ङा?

भजन संग्रह 109:27

मेकोपुकीमी ‘परमप्रभु यावेम आं कली वारच पाइब’ दे तुइक्‍तमेक्‍ल।

प्रस्‍थान 6:7

मिनु गो इन कली आं मुर सेल्‍नुङ। गो इन परमप्रभु दुम्‍नुङ। मिनु गो इन कली इजीप्‍त ङा मुर आन गेशो श्‍येत रे ग्रुंइब, परमप्रभु यावे, इन परमप्रभु नङ, दे तुइक्‍चा माल्‍नीनी।

प्रस्‍थान 9:16

तन्‍न गो आं सक्ति रागी नेल्‍लेम तुइक्‍पाइक्‍चा कली इ कली मुल सम्‍म ब्रोंइचा गेता। आ नें रागी नेल्‍ल ङा मुर आन कली तुइक्‍पाइक्‍चा, दे इ कली ब्रोंइचा गेता। प्रस्‍थान १४:४; रोमी ९:१७

यसैया 28:29

मेको मोदेंशो नेल्‍ल मुर नेल्‍ल आन परमप्रभु यावेमी शेंशो बाक्‍ब। मेको अर्ती गेतीकेम छक लाक्‍चा ङा नु तुइक्‍तीकेम नेल्‍ल क्‍येङा ठेयब बाक्‍ब।

यसैया 29:24

मिनु काइ मरुप्‍ब मुरपुकी रुप्‍ब दुम्‍नीम। मिनु गन गन पाइबपुकी परमप्रभु आ शेंतीके लोव़ नेंनीम” देंत।

यसैया 40:5

मेना परमप्रभु यावे आ छेङछेङ ग्रूब। मेको मुर नेल्‍लेम ताइनीम। मारदे हना परमप्रभु यावेमी एको लोव़ देंशो बाक्‍ब” दे लोव़ पाप्‍तु।

यसैया 41:4

मेको सुमी पपाइश्‍शा पवा? सुम साइ ङोंइती रे पाला पाला ङा मुर आन कली ब्रेत्‍‍ता? गो परमप्रभु यावे, नेल्‍ल क्‍येङा ङोंइती ङा नु नेल्‍ल क्‍येङा नोले ङा नङ। यसैया ४४:६; यसैया ४८:१२; प्रकाश १८:१७

यसैया 43:15

गो, इन परमप्रभु यावे, इन का ला बाक्‍शो परमप्रभु नङ। गो इस्राएल कली सेल्‍ब, इन पिप नङ” देंत।

यसैया 43:21

आं कली ठेयब सेल्‍चा कली मेको मुर आन कली सेल्‍तामी। १पत्रुस २:९

यसैया 44:23

गे सरीङ कुम्‍सो पावो। रागी नेल्‍ल रेयके पा, शुश कुम्‍सो पने। गे डांडा, ब्‍वाकी नु रवा नेल्‍लेमी कुम्‍सो पने। मारदे हना परमप्रभु यावेमी याकूब कली श्‍येत रे प्रोंइतु। इस्राएल रागीमी आं नें ठेयब सेल्‍शो बाक्‍ब। यसैया ४९:१३; यसैया ५५:१२; भजन संग्रह ९६:११-१३

यसैया 49:23

मिनु पिपपुकी इ कली कोव़ब आफ नु पिपीमपुकी इ कली दूध तुंइब ममा दुम्‍नीम। मेकोपुकी इ ङोंइती बाप्‍शा, इ फुरक लुम्‍सीशो खोइली तुक्‍नीम। मिनु गो परमप्रभु यावे नङ, दे तुइक्‍नेवे। आं लां रिम्‍शा बाक्‍बपुकी मुने मदोक्‍नीम” देंत। भजन संग्रह ७२:९; यसैया ६०:१६

यसैया 66:14

गेपुकी मेको कली तशा, शुश ग्‍येरशा, इन थुं बारपाइक्‍नीनी। गे घांस बारशो खोदेंशो पा बारनीनी” देंत। परमप्रभु यावेमी आ गेय पाइब आन कली वारच पाइब, दे मुर नेल्‍लेमी तुइक्‍नीम। मेको आ जोरी सत्रु आन पर्बम गाइक्‍ब।

यसैया 66:18

परमप्रभु यावेमी “गो मेको आन पतीके नु आन मिम्‍तीके तुइक्‍नुङ। मिनु रागी रागी ङा मुर नेल्‍ल नु नेल्‍ल खाल ङा लोव़ पाइब मुर आन कली खुप्‍नुङ। मिनु मेको मुर जाक्‍शा, आं छेङछेङ ताइनीम।

यसैया 66:2

मारेइ मारेइ आं सेल्‍शो मनमी ङा? मोपतीके मेको नेल्‍ल आं के नम” दे परमप्रभु यावेम देंत। मिनु लेंशा “मो हना यो गो आं लोव़ नेंशा, हिंशा, ख्रिंख्रि पा श्‍येत जाइब नु आ थुं जिक्‍‍शो मुर आन कली कोव़नुङ।

गन्‍ती 23:23

थमा पा, याकूब कली राइब मारेइ मन्‍तर तन्‍तर मबाक्‍ब। इस्राएली आन कली राइब मारेइ लिंक्‍यु कोव़तीके मबाक्‍नीम। मुल याकूब नु इस्राएल आ पर्बम परमप्रभु आ पशो कोव़ङीन।

२ थिस्‍सलोनिकी 1:10

थमा सुइक्‍बपुकी चहिं आ जाक्‍ची नाक्‍त आ नें ठेयब सेल्‍शा, थमा सुइक्‍ब नेल्‍लेमी आ छेङछेङ तशा छक लाक्‍नीम। मारदे हना गेपुकी आंइ शेंशो लोव़ थमा सुइक्‍तीनी।