यसैया 41:2 - Sunuwar Bible

² सुमी पूर्ब रे आ गेय पचा कली ग्राब का कली पोक्‍गा? मेकोमी रागी रागी ङा मुर आन कली आ गुइम गेब। मेकोमी पिप आन कली दिम्‍शा, आ तरवारम मेको आन कली फुरक खोदेंशो सेल्‍ब। आ लिब्रामी फशेम बेरशो भूस खोदेंशो सेल्‍ब। यसैया ४४:२८; यसैया ४५:१,१३; यसैया ४८:१४-१५

यसैया 41:2 ပူးပေါင်းရင်းမြစ်များ

उत्पत्ती 11:31

मिनु तेराहमी आ तौ अब्राम, आ चच लोत, हारान आ तौ, नु आ चाइमी, अब्राम आ मीश साराइ आन कली लाइश्‍शा, कल्‍दी रागी ङा ऊर रे कनान रागी लचा गोव़मे बाक्‍त। मिनु हारान माइश्‍शो सहर जाक्‍दीश्‍शा बाक्‍मा बाक्‍त। यहोसु २४:२; नेहेम्‍याह ९:७

उत्पत्ती 17:1

मिनु अब्राम ९९ बर्स दुम्‍मेनु, परमप्रभु यावे अब्राम आ ङोंइती ग्रूशा, मेको कली “गो नेल्‍ल क्‍येङा सक्ति पाइश्‍शो परमप्रभु नङ। गे, गो नु बाक्‍शा, ठीक पाइब दुमो। उत्‍पत्ती ३५:११; प्रस्‍थान ६:३; ब्‍यवस्‍था १०:१२

२ सामुएल 22:43

गो मेको नेल्‍ल आन कली रागी ङा फुरक खोदेंशो पा फस पोक्‍तामी। गो मेको आन कली लां ङा हिलो खोदेंशो पा दिम्‍ताक्‍ङमी।

२ राजा 13:7

येहो-अहाज के ५० जना शारा ङोइक्‍ब, १० ओटा बग्‍गी नु १० हजार खोइलीम गाक्‍ब लडाइ पाइब ङा लाक्‍शा अर्को मारेइ मलीशो बाक्‍माक्‍त। मारदे हना अरु आन कली अराम ङा पिपम साइश्‍शा, खप ङा फुरक खोदेंशो सेल्‍शो बाक्‍माक्‍त।

२ इतिहास 36:23

फारसी ङा पिप कोरेसम मार उरदी पपदा बाक्‍त। देंशा हना “परमप्रभु यावे, स्‍वर्ग ङा परमप्रभुम रागी ङा राज्‍य नेल्‍ल आं कली गेशो बाक्‍ब। मिनु मेकोमी आं कली यहूदा ङा यरूसलेमम आ कली खिं का सेल्‍चा कली अरेशो बाक्‍ब। इन दातेम बाक्‍शो मेको आ मुर बाक्‍‍तेक्‍म हना ‘परमप्रभु यावे, आ परमप्रभु मेको नु बाक्‍ल। मिनु मेको यरूसलेम लमल’ देंनुङ” देंमाक्‍त।

एज्रा 1:2

मिनु पारसी ङा पिप कोरेसमी मार लोव़ ब्रेक्‍पदा बाक्‍त देंशा हना “परमप्रभु यावे, स्‍वर्ग ङा परमप्रभुमी, रागी ङा राज्‍य नेल्‍ल आं कली गेशो बाक्‍ब। मिनु मेकोमी आं कली ‘यहूदा रागी ङा यरूसलेममी आं खिं सेलो’ दे माइक्‍ती।

यसैया 40:24

मेकोपुकी का निक्‍शी ला शोक्‍सीशो बाक्‍नीम। का निक्‍शी ला ख्रुम्‍सीशो बाक्‍नीम। शाक्‍श थोक्‍ची ना दुम्‍मेनु, मेको आन तार मुइक्‍ब। मिनु मेको बेक्‍नीमी। मिनु फश गिवारमी पराल खोदेंशो पा योल्‍ब।

यसैया 41:25

गो उत्तर रे का कली ब्रेत्‍ताक्‍ङ। मिनु मेको जाक्‍त। नां दाप्‍तीके रे आं नेंमी लोव़ पाइब ब्रेत्‍ताक्‍ङ। मेकोम ठेयब मुर आन तारी खप दिम्‍शो खोदेंशो पा दिम्‍ब। खप के ग्‍योंब सेल्‍बम दोदेंशो पा खप नीबा, मोदेंशो पा मेको आन कली नीब।

यसैया 41:3

मेकोमी मेको आन कली खेदा पवानु, मारेइ मदुम्‍थु आ खोइलीम लां कली हेरा मथीनीम।

यसैया 42:6

मेकोमी “गो, परमप्रभु यावे नङ। गो इ कली आं ठीक पतीकेमी ब्रेत्‍ताक्‍न। गो इ गुइ ग्‍याइश्‍शा, इ कली कोव़शा बाक्‍नुङ। गो मुर आन पा ङा इ कली आं कबल खाप्‍ब सेल्‍तन। रागी रागी ङा मुर आन कली छेङछेङ दुम्‍पाइक्‍चा कली सोइक्‍ताक्‍न। यसैया ४९:६,८

यसैया 45:1

मिनु परमप्रभु यावेमी कोरेस कली तेल लुक्‍शा, आ ग्‍युरा गुइ ग्‍याइक्‍ता बाक्‍त। मारदे मो पवा बाक्‍त देंशा हना, रागी रागी ङा मुर आन कली फ्रुपाइक्‍चा, रागी रागी ङा पिप आन कली मुने तोक्‍चा नु आ ङोंइती लाप्‍चो रोक्‍शा, मचोक्‍चा कली बाक्‍त। यसैया ४१:२

यसैया 45:13

गो कोरेस कली ठीक पचा कली पोक्‍ता। गो मेको आ लां नेल्‍ल दिंम सेल्‍नुङ। मेकोमी आं सहर सेल्‍चा माल्‍ब। मिनु मेकोमी ग्‍याइश्‍शा लाइश्‍शो मुर आन कली प्रोंइब। मेकोम क्‍येट नु मारेइ कोसेली मताक्‍ब” दे मुर नेल्‍ल आन परमप्रभु यावेमी देंत। यसैया ४१:२

यसैया 46:11

गो पूर्ब रे सिखार ग्‍यारब चिक्‍ब का ब्रेत्‍नुङ। मिनु ङोन रागी रे आं मिम्‍शो नेल्‍ल पाइब मुर का कली ब्रेत्‍नुङ। गो आं देंशो लोव़ खाप्‍नुङ। आं मिम्‍शो पाइनुङ। यसैया ४१:२

यसैया 48:15

गो एको लोव़ पाता। गो मेको कली ब्रेश्‍शा, चाक्‍ता। मिनु मेकोमी आं मिम्‍शो गेय रिम्‍शो पा पाइब।

बिलाप 1:15

परमप्रभुमी आं दाते ङा लडाइ पाइब नेल्‍ल आन कली प्रोंइतु। मुल मेकोमी आं कली वारच मपथु, आ ठिटा वोंइश मुर नेल्‍ल आन कली साइक्‍तु। परमप्रभुम अङगुर ख्राक्‍शो खोदेंशो पा यहूदा ङा कन्‍ने मीश आल, यरूसलेम कली ख्राक्‍शो बाक्‍ब। यसैया ६३:३

हिब्रू 7:1

मेको मेल्‍कीसेदेक सालेम ङा पिप नु नेल्‍ल क्‍येङा ठेयब परमप्रभु यावे आ चढ़ेब बाक्‍माक्‍त। अब्राहाममी आ जोरी सत्रु दुम्‍शो पिप आन कली ग्राशा साइश्‍शा ङा मिन लेम्‍मेनु, मेको मेल्‍कीसेदेकमी अब्राहाम कली ग्रुम्‍थ लशा, आसीक गेवा बाक्‍त। उत्‍पत्ती १४:१८-२०

प्रकाश 16:12

मिनु लेंशा अर्को परमप्रभु यावे आ स्‍वर्ग ङा गेय पाइबमी आ कुरशो डप्‍का युफ्रेटीस माइश्‍शो ठेयब खोलामी मोइक्‍तु। मिनु मेकोमी मोदानु, खोला ङा ब्‍वाक्‍कु सोव़त। मारदे सोव़त देंशा हना, नां दाप्‍तीके रे पीब पिप आन लां ठीक पचा कली सोव़त। यसैया ११:१५-१६

प्रकाश 7:2

मिनु अर्को परमप्रभु यावे आ स्‍वर्ग ङा गेय पाइब का नां दाप्‍तीके रे कुशो ताता। मिनु गेना हना यो ब्रोंइब परमप्रभु यावे आ छाप मेको नु बाक्‍शो बाक्‍त। मेकोमी रागी नु समुन्‍द्र बिग्रेचा कली अधिकार तशो ४ जना परमप्रभु यावे आ स्‍वर्ग ङा गेय पाइब आन कली ठेयब सेंदामी