यसैया 40:8 - Sunuwar Bible

⁸ घांस सोव़ब, आ फू हेम्‍ब। तन्‍न आंइ परमप्रभु आ लोव़ गेना हना यो लीब” देंत। भजन संग्रह ११९:८५; लूका २१:३३

यसैया 40:8 ပူးပေါင်းရင်းမြစ်များ

भजन संग्रह 111:8

मेको गेना हना यो लीब बाक्‍नीम। मुरपुकीमी मेको मप्रोंइथु, आन थुं नेल्‍लेमी टिचा माल्‍नीम।

यसैया 59:21

“गो नु पशो कबल मार बाक्‍त देंशा हना, आं सोक्‍त इन तार बाक्‍ब। गो आं लोव़ इन शोव़म कुर पाता। मेकेर गेना हना यो बाक्‍शा इन आलपुकीम मेको लोव़ पना पन बाक्‍नीमी। मेको लोव़ गेना हना यो इन चच युइम यो पना पन बाक्‍नीम” दे परमप्रभु यावेमी देंत। येरमीया १:९

येरमीया 44:29

मिनु परमप्रभु यावेम “आं देंशो थमा पा पाइनुङ। मेको आ चिन्‍ड मार बाक्‍ब देंशा हना, गो इन कली मेको रागीमी सजाइ गेनुङ। मेको नोले गो आ देंशो पाइनुङ, दे इन कली तुइक्‍तीके बाक्‍ब” देंत।

जकरिया 1:6

तन्‍न गो आं गेय पाइब, आं लोव़ पाइब आन कली पशो लोव़ नु आं फुल्‍लुम मुशा ब्रेक्‍शो लोव़ इन किकी पिपी आन पाला रे मुल सम्‍म मबाक्‍म ङा?’ मिनु मेकोपुकी परमप्रभु यावे गे लेत्‍चा माल्‍‍शा, मेकोपुकीमी ‘मुर नेल्‍ल आन परमप्रभु यावेमी आंइ मरिम्‍शो लां नु आंइ मरिम्‍शो पशो आ पर्बम आ देंशो खोदेंशो पा पाप्‍तु’ देंतेक्‍म” दे मुर नेल्‍ल आन परमप्रभु यावेमी देंत।

गन्‍ती 23:19

परमप्रभु मुर ममाइ। मेकोमी जोल मपाइब। मेको बेक्‍शा लाइब मुर खोदेंशो पा आ थुं मफाइक्‍ब। मेकोमी लोव़ थोक्‍शा देंम ङा मेरे पाइब। मेकोम पाइक्‍नुङ देंम ङा मेरे मेको मपाइक्‍बा ङा? १सामुएल १५:२९

मत्ती 24:35

सरीङ नु रागी नेल्‍ल जाम्‍शा लाइनीम, आं लोव़ चहिं गेना हना यो लीब। मत्ती ५:१८; यसैया ५१:६

मत्ती 5:18

नोफा दाइश्‍शा नेनीने, सरीङ नु रागी मग्‍याम्‍म सम्‍म परमप्रभु यावे आ लोव़ का यो मग्‍याम्‍ब। नेल्‍ल थमा दुम्‍ब। लूका १६:१७

मर्कूस 13:31

सरीङ नु रागी नेल्‍ल जाम्‍शा लाइनीम, आं लोव़ चहिं गेना हना यो मजाम्‍थु लीब।

यूहन्‍ना 10:35

परमप्रभु यावेमी आ लोव़ नेंब आन कली आ तमी तौ देंब। मिनु मेको किताब ङा लोव़ मक्‍याम्‍सीब। मत्ती ५:१७

यूहन्‍ना 12:34

मिनु मुरपुकीमी येसु कली “परमप्रभु यावे आ लोव़ ब्रेक्‍शो किताबमी ‘ख्रीस्‍त गेनायो मबेक्‍थु बाक्‍ब’ देंशो नेंतक। गे चहिं ‘रागीमी जरमेशो क्‍युक्‍शा साइक्‍चा पुंइसीब’ देंनीनी। मिनु मेको रागीमी जरमेशो चहिं सु बाक्‍म?” दे हिल्‍लो पाम्‍तेक्‍म। भजन संग्रह ११०:४; दानीएल ७:१४

१ पत्रुस 1:25

तन्‍न परमप्रभु यावे आ देंशो लोव़ गेना हना यो लीब। मेको आ ग्‍येरपाइक्‍ब लोव़ बाक्‍ब। मिनु शेंबपुकीमी मेको इन कली शेंताक्‍मे। यसैया ४०:६-८