यसैया 40:22 - Sunuwar Bible

²² एको रागी नेल्‍ल आन तार बाक्‍ब, मेकोन बाक्‍ब। रागीम बाक्‍बपुकी माले खोदेंशो बाक्‍नीम। मेकोमी सरीङ कली वा खोदेंशो पा प्राक्‍ब। मिनु मेको मुर आन कली ताम्‍बु खोदेंशो दुम्‍ब।

यसैया 40:22 ပူးပေါင်းရင်းမြစ်များ

उत्पत्ती 1:6

मिनु परमप्रभुमी “ब्‍वाक्‍कु आ दातेमी फ्रातीक दुमो। ब्‍वाक्‍कु ब्राशा बाक्‍मल” देंमाक्‍त।

अय्‍युब 22:14

गोस्‍स आ छिङछिङ मेको कली सुम्‍तीके, मेकोम आंइ कली तने मचाप्‍ब। मिनु मेको सरीङम एर ओंथ गाक्‍शा बाक्‍‍ब’ देंतीनी।

अय्‍युब 26:7

मेकोम श्‍येत्‍थ बाक्‍तीकेमी उत्तर ङा सरीङ प्राक्‍ब। मिनु रागी कली मारेइ मबाक्‍तीकेम क्‍युक्‍ब।

अय्‍युब 36:29

सुम गोस्‍स आ ब्रशो रुप्‍‍ने चाप्‍बा ङा? आ बाक्‍तीक रे बुंबु पशो सुम रुप्‍ने चाप्‍बा ङा?

अय्‍युब 37:18

मार, गे परमप्रभु खोदेंशो पा कांसा के ऐना खोदेंशो सारो सरीङ कली प्राक्‍ने चाप्‍नीनी ङा?

अय्‍युब 9:8

मेको आ कामीन सरीङ प्राक्‍शो बाक्‍ब। मेको समुन्‍द्र आ छाल तार गाक्‍ब।

भजन संग्रह 104:2

गे छेङछेङ कली वा फेक्‍शो खोदेंशो पा फेक्‍शो बाक्‍नीनी। मिनु सरीङ कली ताम्‍बु खोदेंशो पा प्राक्‍शा कीशो बाक्‍नीनी।

भजन संग्रह 18:11

छिङछिङमी ख्रुइश्‍शा, आ एर ओंथ नेल्‍ल ब्‍वाक्‍कु कुरशो क्‍येर गोस्‍स बाक्‍तेक्‍म।

भजन संग्रह 19:4

मो हना यो रागी नेल्‍लेम तुइक्‍नीम। मेकोमी सरीङम नां कली बाक्‍तीक सेल्‍तु। रोमी १०:१८

भजन संग्रह 2:4

मिनु स्‍वर्गम बाक्‍ब परमप्रभु चहिं मेको मुर आन कली तशा, रिप्‍ब। मेको आन पशो तशा शुक्‍शी पाइब। भजन संग्रह ५९:९

भजन संग्रह 29:10

परमप्रभु यावे आ ठेयब नित्‍तीके ब्‍वाक्‍कु तारी बाक्‍ब। मेको आ ठेयब नित्‍तीकेम निश्‍शा, गेना हना यो सासन पाइब।

भजन संग्रह 68:33

परमप्रभु ङोंइती रे स्‍वर्गम बाक्‍ब। मेको आ सेंदा बुंबु पशो खोदेंशो सक्ति पाइश्‍शो बाक्‍ब।

हितोपदेस 8:27

मेकोमी सरीङ प्राक्‍शा वोइक्‍ची ना गो नङ।

यसैया 19:1

मिनु परमप्रभु यावेम इजीप्‍त आ पर्बम यसैया कली “कोव़ङीन, परमप्रभु यावे रीब पा बेरब गोस्‍सुम इजीप्‍त रागी जाक्‍ब। मेकेर ङा मूर्तिपुकी हिंशा ख्रिंख्रि पाइनीम। इजीप्‍त ङा मुर आन थुं लुक्‍च लाइब।

यसैया 37:16

“मुर नेल्‍ल आन परमप्रभु यावे, इस्राएली आन परमप्रभु, गे करूब आस तार बाक्‍ब बाक्‍नीनी। गे ला रागी नेल्‍ल ङा राज्‍य ङा परमप्रभु बाक्‍नीनी। सरीङ नु रागी इन सेल्‍शो बाक्‍नीस।

यसैया 40:15

रागी रागी ङा मुर नेल्‍ले चिरशो गर ङा लीशो ब्‍वाक्‍कु खोदेंशो नु नाक्‍तीकेम लीशो फुरक खोदेंशो बाक्‍नीम। टापु आन कली फुरक खोदेंशो पा बेरपाइक्‍ब।

यसैया 40:17

रागी रागी ङा मुरपुकी मेको आ ङोंइती मारेइ मनम। मेको श्‍येत्‍थ नु मारेइ मबाक्‍शो बाक्‍नीम, दे मिम्‍ब।

यसैया 42:4

मेकोम रागी नेल्‍लेम मुर आन कली ठीक निसाफ पतीक लां मकोंइदा सम्‍म ग्‍युम्‍शा मगोल्‍ब। समुन्‍द्र आ नेक्‍थाम बाक्‍ब मुरपुकी आ शेंशो नेंचा दाक्‍शा, मेको कली रिम्‍नीम” देंत।

यसैया 42:5

मेको परमप्रभु, परमप्रभु यावे आ लोव़ बाक्‍ब। मेकोमी सरीङ कली सेल्‍शा प्राक्‍तु। मिनु रागी खप फ्राशा, मेकेर मार मार वापाइक्‍तु। मेकोमी मेकेर बाक्‍शो मुर आन कली आ ब्रोंइतीक गेब। मेकेर बाक्‍ब आन कली यो आ सोक्‍त गेब। उत्‍पत्ती १:-

यसैया 44:24

मिनु परमप्रभु यावे, इ कली श्‍येत रे प्रोंइब, इ कली कोव़जीम सेल्‍बमी “गो मारेइ मारेइ सेल्‍ब परमप्रभु यावे नङ। गो आं कामी सरीङ प्राक्‍ता। रागी वोइक्‍ता। यसैया ४५:१२

यसैया 51:13

गे इन कली सेल्‍ब परमप्रभु यावे कली प्रेंताक्‍नी। मेकोमी सरीङ प्राक्‍तु। रागी आ जग वोइक्‍तु। इन कली श्‍येत गेब मुर गाइक्‍तमेनु, गे नाक्‍त किंत किंत हिंनीनी। मेकोमी इन कली खतम सेल्‍चा चिक्‍शो बाक्‍त। तन्‍न मुल आ गाइश्‍शो ते लाक्‍गा? यसैया ४४:२४

यसैया 66:1

मिनु परमप्रभु यावेमी “स्‍वर्ग आं नित्‍तीके नु रागी आं खोइल वोइक्‍तीक बाक्‍ब। गे आं कली दोदेंशो खिं सेल्‍ने चाप्‍‍‍नीनी? तेकेर नाइक्‍नुङा? १राजा ८:२७; बिलाप २:१; प्रेरित ४:४९; प्रेरित १७:२४

येरमीया 10:12

तन्‍न मेकोमी आ सक्तिमी रागी सेल्‍तु। मेकोमी आ जोक्‍तीक तुइक्‍तीकेमी रागी रागी कली वोइक्‍तु। मिनु मेकोमी आ रुप्‍तीकेम सरीङ प्राक्‍तु। येरमीया ५१:१५-१९

जकरिया 12:1

परमप्रभु यावेमी इस्राएल आ पर्बम पशो लोव़ एको बाक्‍ब। सरीङ नु रागी सेल्‍ब नु मुर आन कली सोक्‍त गेब परमप्रभु यावेमी मार देंत देंशा हना

गन्‍ती 13:33

गोपुकीमी मेकेर नेफीलीमपुकी यो ताइतक। अनाक आ मुर नेफीलीम रे दुम्‍शो बाक्‍नीम। मिनु गो मेको आन कली तशा, गो आंमा माले खोदेंशो तांइसाक्‍क। मिनु गो मेको आन ङोंइती यो मोदेंशोन तांइसीनय” देंतेक्‍म। ब्‍यवस्‍था १:२८; ब्‍यवस्‍था ९:२