1 इन परमप्रभुमी “आं मुर आन कली लेम्दीन, लेम्दीन।
मिनु मेकोपुकीमी मुर आन कली “मुल गे नेल्ल लने। ब्रोव़शो ब्रोव़शो जने ब्वने, तूङीन। मिनु मथीब आन कली यो मार मार सोइक्तीने। मारदे हना मुलाक्ती आंइ परमप्रभु आ ठेयब नाक्त बाक्ब। हिशेक मपने। मारदे हना परमप्रभु यावे आ गेशो ग्येरतीकेमी इन थुं बारपाइक्ब” देंतेक्म।
गे इन गाइक्चा नेल्ल साम्तीनी। मिनु चुरचा प्रोंइतीनी।
परमप्रभु, परमप्रभु यावेमी मार देंबा, आं कली नेंपतीन। मेकोमी आ मुर, आ लोव़ टीब नु आंम कली जिम्मा गेंसीशो मुरपुकी नु थुं नाइक्तीक लोव़ पाइब। मेको आन कली लेंशा दूली गाक्चा मगेने। येरमीया २९:११; मीका ५:४
ङाक्तीक ना बाक्ब। मिनु रित्तीक ना बाक्ब। रोंका पतीक ना बाक्ब। मिनु सिल पतीक ना बाक्ब।
मेको नाक्ती गेपुकीमी “परमप्रभु यावे, गे रिम्शो पाइब बाक्नीनी। गे आंइ पर्बम गाइक्ताक्नी हना यो, इन गाइक्चा नाइक्साक्व। मुल गे आंइ कली लेम्नीनी।
दोस मताइब मुर आन कली रिम्शो दुम्ब। मारदे हना मेकोमी आ गेय पशो रे जाइब।
मिनु गो ङोंइती सियोन कली शेंताक्ङ। गो यरूसलेम कली ग्येरपाइक्ब लोव़ पाइब का सोइक्ताक्ङ। यसैया ५२:७
इन दातेमी परमप्रभु यावे कली मान पा हिंब सु बाक्नी? मिनु आं गेय पाइब आं देंशो टीब सु बाक्नी? मेको छिङछिङम गाक्शा, छेङछेङ काइ मताइब बाक्त हना यो, परमप्रभु यावेम “आं कली श्येत रे प्रोंइब” दे थमा सुइश्शा, आ परमप्रभु कली जिम्मा गेंसीशो बाक्ब।
परमप्रभुमी “गो इन कली थुं बारपाइक्ब नङ। गे मुर तशा, मारदे हिंनीनी? मुरपुकी घांस खोदेंशो पा बेक्नीम। भजन संग्रह ५६:५; मत्ती १०:२८; यसैया ४०:१,६
परमप्रभु यावेमी सियोन आ थुं बारपाइक्ब। आ खतम सेल्शो बाक्तीके नेल्ल नक सेल्ब। आ मुर मबाक्तीके कली एदेन खोदेंशो सेल्ब। आ गोरशो रागी कली परमप्रभु यावे आ रू खोदेंशो सेल्ब। मेकेर शुश ग्येरनीम। “गे रिम्शो पाइब बाक्नीनी” दे कुम्सो पशो नेंसीब। उत्पत्ती २:८
यरूसलेम ङा ब्रेश्शो खिं ग्येरशा कुम्सो पने। मारदे हना परमप्रभु यावेमी आ मुर आन थुं बारपाइक्तु। मिनु मेकोमी यरूसलेम कली श्येत रे प्रोंइतु।
परमप्रभुम “बोक्को। मिनु ग्येरसो। मारदे हना इ छेङछेङ जाक्शो बाक्ब। परमप्रभु यावे आ छेङछेङ इ तार जाक्शो बाक्ब।
मिनु आं कली परमप्रभु यावे आ शिशी पाइब बर्स नु आंइ परमप्रभु आ क्येक्क लेत्तीक नाक्त नु रोंका पाइब आन थुं बारपाइक्तीक नाक्त बाक्ब, दे तुइक्पाइक्चा कली यो सोइक्ताक्यी। लेवी २५:१०,१३; यसैया ६३:४
मिनु आं गाइश्शो नु आं रुश पशो, इ रे ङोन नाइक्पाइक्नुङ। मिनु गो सिक्सी पा बाक्शा मगाइक्नुङ।
मिनु परमप्रभु यावेमी गो नु लोव़ पाइब, आ स्वर्ग ङा गेय पाइब कली रिम्शो नु थुं बारपाइक्तीक लोव़ पाप्तु।
मिनु मुर नेल्ल आन परमप्रभु यावेमी मार देंत, देंशा हना ‘आं सहरपुकी लेंशा शुश सोशो बोशो दुम्चा माल्नीम। परमप्रभु यावेमी सियोन कली लेम्शा शिशी पाइब। मिनु यरूसलेम कली योव़ब’ ” देंत। यसैया ४०:१-२; यसैया १४:१
सियोन आ तमी, साप्पा ग्येरसो। यरूसलेम आ तमी ग्येरशा ठेयब सेंदा पा ग्रीङो। मारदे हना इ पिप इ बाक्तीकेमी जाक्ना जाक्न बाक्ब। मेको ग्राशा ग्येरसीशा जाक्ब। मेको ब्रेम्शो बाक्ब। मेको गधा तार ङोइश्शा जाक्ब। गधा आ चाइक्ब तार ङोइश्शा जाक्ब। सेफन्याह ३:१४; मत्ती २१:५
गो शुश श्येत जकानु, परमप्रभु यावेमी आंइ थुं नाइक्पाइश्शा बारपाइक्ब। मिनु आंइ थुं नांइसीशा, गोपुकीमी यो श्येत जाइब आन कली आन थुं नाइक्पाइश्शा, बारपाइक्ने चाप्नीकी।
मोपतीके मेको लोव़ पा थुं बारपाइक्मुने।
