यसैया 4:1 - Sunuwar Bible

¹ मेना ७ जना मीश मुरपुकीमी वोंइश मुर का कली ग्‍याइश्‍शा “गो आंइ जचा थोव़क जाइनीकी। आंइ वा फेक्‍नीकी। आंइ कली इन नें गेशा, आंइ मुने साम्‍शा, आल थिपाइक्‍की” देंनीम।

यसैया 4:1 ပူးပေါင်းရင်းမြစ်များ

उत्पत्ती 30:23

मिनु कोव़ज कुरशा, तौ का थि‍माक्‍त। मिनु “परमप्रभुमी श्‍येत रे प्रोंइती” देंमाक्‍त। यसैया ४:१; लूका १:२५

२ सामुएल 6:23

मोपतीके मेको सावल आ तमी मिकाल के आ बेक्‍ची नाक्‍त सम्‍म तमी तौ मदुम्‍मा बाक्‍त।

यसैया 10:20

मिनु मेको नाक्‍ती इस्राएल ङा लीशो मुरपुकी नु याकूब आ खिं ङा प्रोक्‍शा ब्रोंइशो मुरपुकी लेंशा, आंम कली तुप्‍ब गे मलाइनीम। तन्‍न मेकोपुकी थमा पा परमप्रभु यावे, इस्राएली आन का ला बाक्‍शो परमप्रभु आ नोले खोइक्‍नीम। यसैया ६:१३; यसैया ७:३

यसैया 13:12

गो मुर आन कली क्‍येख सुन क्‍येङा यो रिम्‍शो सेल्‍नुङमी। मेको आन कली ओफीर ङा सुन क्‍येङा रिम्‍शो सेल्‍नुङमी।

यसैया 17:7

मेको नाक्‍ती मुरपुकीमी आंम कली सेल्‍ब कली मिम्‍नीम। मिनु इस्राएली आन का ला बाक्‍शो परमप्रभु यावे गे कोव़नीम।

यसैया 2:11

मुर नेल्‍ल आन ठेयब लेश्‍शो आइक्‍च सेल्‍चा पुंइसीनीम। बोरशो मुर नेल्‍ल ब्रेम्‍शो सेल्‍चा पुंइसीनीम। मेको नाक्‍ती परमप्रभु यावे ला ठेयब दुम्‍ब। यसैया २:११

यसैया 2:17

नु मुर नेल्‍ल आन ठेयब लेश्‍शो आइक्‍च सेल्‍चा पुंइसीनीम। बोरशो मुर नेल्‍ल ब्रेम्‍शो सेल्‍चा पुंइसीनीम। मेको नाक्‍ती परमप्रभु यावे ला ठेयब दुम्‍ब। यसैया २:१

यसैया 3:6

मिनु मुर कामी आ खिं ङा मुर का कली ग्‍याइश्‍शा “इ के फेक्‍तीक वा बाक्‍ब। मोपतीके आंइ हुकुम पाइब दुमो। मिनु मेको ब्रेश्‍शो खिं नेल्‍ल इ अधिकारम बाक्‍नीम” देंब।

यसैया 54:4

गे महिनो। मारदे हना गे मुने मदोक्‍नेवे। इ थुं लुक्‍च लचा मगेवो। गे शिशी ताइनेवे। गे इ ठिटी बाक्‍ङे ना ङा मुने प्रेंनेवे। इ वोंइश बेक्‍शो ना ङा श्‍येत लेंशा ममिम्‍नेवे। भजन संग्रह २५:७; येरमीया ५१:५

येरमीया 15:8

मेको आन वोंइश बेक्‍शो मीश मुरपुकी समुन्‍द्र ङा बाल्‍वा क्‍येङा शुश दुम्‍तेक्‍म। नाक्‍ती उइक्‍थ दुम्‍मेनु, तौ नु आन ममा आन पर्बम साइक्‍ब का चाक्‍नुङ। गो कालेम मेको आन तार सुर्ता पतीक नु ग्रीचोक पा हिंतीके चाक्‍नुङ।

लूका 1:25

मिनु “मुरपुकीमी आं कली आल मथीब, दे महिक्‍गेम। मुल परमप्रभुमी आं कली हिक्‍पाइक्‍चा कली शिशी पतीकेमी आल थीब दुम्‍पाइक्‍‍ती” देंमाक्‍त। उत्‍पत्ती ३०:२३

लूका 21:22

परमप्रभु यावे आ लोव़मी एको ओदेंशो दुम्‍ब, दे ब्रेक्‍शो बाक्‍ब। एको ब्रेक्‍शो नेल्‍ल थमा दुम्‍शा, सहर खतम दुम्‍ब। ब्‍‍यवस्‍था ३२:३५

२ थिस्‍सलोनिकी 3:12

गोपुकीमी मोदेंशो मुर आन कली प्रभु येसु ख्रीस्‍त आ नेंमी “रिम्‍शो गेय पने। आंम आंम जचा थोव़क जशा बाक्‍कीन” दे अरेनीकी। १थिस्‍सलोनिकी ४:११

१ सामुएल 1:6

हान्‍नाह के आल मबाक्‍तीके आ सौतामी मेको कली आ थुं शुश खाइक्‍पाइश्‍शा, तोक्‍शा लोव़ पाइक्‍बाक्‍माक्‍त। मारदे हना परमप्रभु यावेमी हान्‍नाह कली आल मथीब सेल्‍शो बाक्‍माक्‍त।