यसैया 39:8 - Sunuwar Bible

⁸ मिनु हिज्‍कीयाहमी यसैया कली “इ देंशो परमप्रभु यावे आ लोव़ रिम्‍शो बाक्‍ब” देंत। मारदे हना मेकोम “गो ब्रोंइङा सम्‍म लडाइ मदुम्‍ब रिम्‍शो दुम्‍ब” दे मिम्‍शो बाक्‍माक्‍त।

यसैया 39:8 ပူးပေါင်းရင်းမြစ်များ

२ सामुएल 15:26

तन्‍न परमप्रभु यावेमी ‘गो इ कली शिशी मपाइनुङ’ देंत हना, गो एक उइ बाक्‍नुङ। मेकोम आं कली आ दाक्‍शो पवल।

२ इतिहास 32:26

मिनु हिज्‍कीयाह नु यरूसलेम ङा मुर नेल्‍लेम ब्रेम्‍शो सेल्‍सीमे बाक्‍त। मोपतीके परमप्रभु यावे हिज्‍कीयाह आ पालाम मेकोपुकी नु मगाइक्‍ता बाक्‍त।

२ इतिहास 34:28

मोपतीके गे एको खतम दुम्‍तीके मताइनेवे। गे थुं नाइश्‍शा बेक्‍नेवे। मिनु इ किकी पिपी आन कली थिम्‍तीकेम थिम्‍चा पुंइसीनेवे’ दे मतीने” देंमाक्‍त। मिनु सोइश्‍शोपुकीमी हुल्‍दा आ देंशो पिप कली मदमे बाक्‍त।

अय्‍युब 1:21

“गो आं ममा आ कोव़ज रे शिश्रा यिती। शिश्रा लेश्‍शा लाइनुङ। गो ते रे श्‍येत्‍थी जाक्‍ङा, मेकेन श्‍येत्‍थी लेश्‍शा, लाइनुङ। मेको नेल्‍ल परमप्रभु यावेमी गेती। मिनु मेकोमी नेल्‍ल लेश्‍शा लाइक्‍तु। परमप्रभु यावे आ नें ठेयब बाक्‍ल” देंमाक्‍त। उपदेसक ५:१४; १तिमोथी ६:७; याकूब ५:११

भजन संग्रह 39:9

गो सिक्‍सी पा बाक्‍शा मब्‍वाक्‍ङ। मारदे हना गे मो पपाइक्‍तीनी।

बिलाप 3:22

परमप्रभु यावे आ गेना हना यो दाक्‍तीक गेनायो मनुप्‍ब। आ शिशी गेनायो मनुप्‍ब। नेहेम्‍याह ९:३१

बिलाप 3:39

मारदे मुरुमी आंम पाप आन पर्बम सजाइ तामेनु, गन गन पाइनीमी?

लेवी 10:3

मिनु मोसामी हारून कली “परमप्रभु यावेमी देंशो ‘आं नेक्‍था बाक्‍ब आन कली गो नेल्‍ल क्‍येङा ठेयब बाक्‍नुङ’ दे कोंइनुङ। मिनु नेल्‍ल मुर आन ङोंइती गो ठेयब सेल्‍चा पुंइसीनुङ” देंत। मिनु हारून सिक्‍सी पा बाक्‍त।

जकरिया 8:16

गेपुकीमी मार पचा माल्‍नीनी देंशा हना, गे इन दातेमी थमा लोव़ ला पमुने। इन ठेयब लाप्‍चोमी जिचा मबोक्‍चा ङा पा थमा नु ठीक निसाफ पने। एफिसी ४:२५

जकरिया 8:19

मिनु मेकोमी मार देंत देंशा हना “४ महिना ङा माइजा बाक्‍तीक, ५, ७ नु १० महिना ङा माइजा बाक्‍तीके, मुल रे यहूदा ङा मुर ग्येरशा सोम्शा पतीक नाक्‍त दुम्‍चा माल्‍नीम। मेको ग्‍येरशा बाक्‍तीक चाड दुम्‍चा माल्‍नीम। मोपतीके गे थमा लोव़ पचा नु थुं नाइक्‍चा दाक्‍तीन” दे मुर नेल्‍ल आन परमप्रभु यावेमी देंत। जकरिया ७:३,५

१ पत्रुस 5:6

मोपतीके गेपुकीमी “नेल्‍ल सक्ति परमप्रभु यावे केन बाक्‍ब” दे आ देंशो लोव़ ब्रेम्‍शो थुंमी ठीक पा टिने। मो पाइतीनी हना, परमप्रभु यावेमी आ मिम्‍ची ना इन कली ठेयब सेल्‍ब। याकूब ४:६

१ सामुएल 3:18

मिनु सामुएलम परमप्रभु यावे आ देंशो लोव़ नेल्‍ल शेंदा बाक्‍त। तेकोइ लोव़ मख्रुइक्‍ता बाक्‍त। मिनु एलीमी “मेको परमप्रभु यावे बाक्‍ब। मेकोम आ दाक्‍शो पवल” देंमाक्‍त। २सामुएल १५:२६