यसैया 38:1 - Sunuwar Bible

¹ मेना हिज्‍कीयाह रोइ पा बेक्‍चा चिक्‍ता बाक्‍त। मिनु परमप्रभु यावे आ लोव़ पाइब आमोज आ तौ, यसैया जाक्‍शा, पिप कली “परमप्रभु यावेमी इन कली ‘गे बेक्‍नेवे, मब्रोंइनेवे। इ खिं नेल्‍ल ठीक सेलो’ देंत” दे माइक्‍तु।

यसैया 38:1 ပူးပေါင်းရင်းမြစ်များ

२ सामुएल 12:22

मिनु दाऊदमी “आल सेस बाक्‍म सम्‍म गो मारेइ मजथु ङाक्‍शा बाक्‍ती। परमप्रभु यावेमी आं कली शिशी पा, आल ब्रोंइबा, कों? दे मिम्‍ताक्‍ङ।

२ सामुएल 17:23

मिनु अहीथोफेलमी आ अर्ती ङा लोव़ मबिश्‍शो तुइश्‍शा, आ गधा ठीक पा आ सहर ङा खिं लमाक्‍त। मिनु आ खिं ङा मुर आन कली देंचा माल्‍शो लोव़ देंशा, आं चहिं ग्‍युक्‍शा बेक्‍माक्‍त। मेको मोपा बेक्‍शा आ आफ आ तुरसुम थिम्‍चा पुंइसे बाक्‍त। १सामुएल ३१:४; १राजा १६:१८; मत्ती २७:५

२ इतिहास 32:24

मिनु नोले हिज्‍कीयाह शुश रोइ पा बेक्‍चा चिक्‍ता बाक्‍त। मिनु मेकोमी परमप्रभु यावे कली पुना बाक्‍त। मिनु परमप्रभु यावेमी मेको कली लोव़ लेश्‍शा, चिन्‍ड का गेवा बाक्‍त।

उपदेसक 9:10

इ ङोंइती मार गेय बाक्‍मे, मेको इ सक्ति नेल्‍लेमी पावो। मारदे हना बेक्‍शो मुर आन बाक्‍तीकेम मारेइ मिम्‍तीके, जोक्‍तीके नु तुइक्‍तीके मबाक्‍ब।

यसैया 1:1

परमप्रभुमी आमोज आ तौ यसैया कली कोंइशो लोव़ एको बाक्‍ब। मार लोव़ कोंइशो बाक्‍त देंशा हना, यहूदा नु यरूसलेम आस पर्बम तशो कोंइताक्‍व। मेना पिप उज्‍जीयाह, योथाम, आहाज नु हिज्‍कीयाहमी सासन पशो बाक्‍तेक्‍म। २इतिहास २६:२२

यसैया 37:2

मिनु मेकोमी आ दरवार कोव़ब एल्‍याकीम, ब्रेक्‍ब शेब्‍ना नु चढ़ेब आन दाते ङा खूशो आन कली अरन्‍डी फेक्‍पाइश्‍शा, आमोज आ तौ यसैया आ बाक्‍तीक सोइक्‍ताक्‍व।

यसैया 37:21

नोले आमोज आ तौ यसैयामी हिज्‍कीयाह कली “परमप्रभु यावे, इस्राएली आन परमप्रभुमी ‘अस्‍सुर ङा पिप सन्‍हेरीब आ पर्बम इ पशो लोव़ गो नेंता’ देंत।

योना 3:10

मिनु परमप्रभुमी मेको मुर आन पशो नु आन मरिम्‍शो लां रे लेश्‍शो तशा “आं ङोंइती पाइनुङ देंशो, मुल मपाइनुङ” दे मिम्‍ता बाक्‍त। मिनु परमप्रभुमी आ ङोंइती मिम्‍शो मपवा बाक्‍त। येरमीया १८:७-८

योना 3:4

मिनु योनामी निनवे सहर ओव़शा, नाक्‍त का गाक्‍शा, मुर आन कली “४० नाक्‍त नोले एको सहर खतम दुम्‍ब” दे ठेयब सेंदामी शेंदा बाक्‍त।

प्रेरित 9:37

मेको तबीता रोइ पा बेक्‍माक्‍त। मिनु आ मुरपुकीमी आ बेक्‍शो रां चिक्‍शा, खिं ङा तला तार ङा कोठा लाइश्‍शा वोदमे बाक्‍त।