यसैया 37:6 - Sunuwar Bible

⁶ यसैयामी मेको आन कली “गेपुकीमी पिप कली ‘परमप्रभु यावेम इन कली मार देंशो बाक्‍ब देंशा हना, इन नेंशो अस्‍सुर ङा पिप आ मुरुमी आं कली शुक्‍शी पशो लोव़ आ पर्बम महिनीन।

यसैया 37:6 ပူးပေါင်းရင်းမြစ်များ

प्रस्‍थान 14:13

मिनु मोसामी मुर आन कली “महिनीन। मुलाक्‍ती परमप्रभु यावेमी दोपा इन कली इजीप्‍त ङा मुर रे प्रोंइबा, कोव़शा बाक्‍कीन। मुलाक्‍ती तशो इजीप्‍त ङा मुर आन कली गे लेंशा गेनायो मताइनीनी।

यसैया 35:4

हिंब थुं पाइश्‍शो मुर आन कली “इन थुं फ्रेंदीन। महिनीन” दे मतीन। इन परमप्रभु एक बाक्‍ब। मेको क्‍येक्‍क लेत्‍चा कली जाक्‍ब। परमप्रभुमी हिंचा ङा सजाइ गेब। मेको जाक्‍शा इन कली प्रोंइब।

यसैया 37:5

मोपा हिज्‍कीयाह आ मुरपुकी यसैया आ बाक्‍तीक जाक्‍मानु,

यसैया 51:7

गे ठीक पतीके तुइक्‍बपुकी आं लोव़ नेनीन। आं शेंशो थुंमी वोइक्‍ब मुर आं लोव़ नेनीन। मुर आन शुक्‍शी पशो नेंशा महिनीन। मेको आन तोक्‍शा पशो लोव़ नेंशा सुर्ता मपने। यसैया मत्ती ५:११

यसैया 7:4

मिनु गे मेको कली ‘होस पा, सिक्‍सी पा बाक्‍कीन। महिनीन। इन थुं ग्‍येत्‍थ लुक्‍च मपपतीन। मेको कुन पाइब बुल्‍सी रेसीन, अराम नु रेमाल्‍याह आ तौ पेकाह, आन गाइश्‍शो तशा, महिनीन। इन थुं ग्‍येत्‍थ लुक्‍च मपपतीन। यसैया ३०:१५;

लेवी 26:8

इन मुर ५ जनामी सहे का मुर आन कली नु सहे का मुरुमी १० हजार मुर आन कली खेदा पाइनीम। इन जोरी सत्रु इन तरवारम शोल्‍मो पा बेक्‍नीम। ब्‍यवस्‍था ३२:३०; यहोसु २३:१०

मर्कूस 4:40

मिनु शेंसीब आन कली “मारदे हिंनी? आं कली थमा मसुइक्‍नीनी?” देंमाक्‍त।

मर्कूस 5:36

येसुमी मेको आन देंशो मनेंखु पा, याइरस कली “महिनो। थमा सुइक्‍ना सुइक्‍न बाक्‍को” देंमाक्‍त।

यहोसु 11:6

मिनु परमप्रभु यावेमी यहोसु कली “मेको आन कली तशा महिनीन। मारदे हना दीसा गो मेको आन कली साइश्‍शा, गे इस्राएली इन गुइमी गेनुङ। गे मेको आन शारा आन ठेयब नारी ख्रोइश्‍शा, आन बग्‍गी आन कली मीम क्रोतो” देंत।