यसैया 37:37 - Sunuwar Bible

³⁷ मो दुम्‍मेनु अस्‍सुर ङा पिप सन्‍हेरीब लेश्‍शा लशा निनवे सहरम बाक्‍त।

यसैया 37:37 ပူးပေါင်းရင်းမြစ်များ

२ राजा 19:1

मिनु पिप हिज्‍कीयाहम मेको लोव़ नेंशा, आ वा खाक्‍गा बाक्‍त। मिनु अरन्‍डी फेक्‍शा, परमप्रभु यावे आ खिं लमाक्‍त।

२ इतिहास 32:1

मिनु हिज्‍कीयाहम मेको रिम्‍शो गेय नेल्‍ले पने थुमा नोले, अस्‍सुर ङा पिप सन्‍हेरीब यहूदा ओव़शा “यहूदा ङा बोल्‍यो सहरपुकी आंम के सेल्‍नुङ” दे मिम्‍शा, मेको सहरपुकी आ नेक्‍था ताम्‍बु कीङा बाक्‍त।

यसैया 31:8

मेना अस्‍सुर तरवारम साइक्‍चा पुंइसीब। तन्‍न मेको तरवार बेक्‍शा लाइब मुर के ममाइ। मेकोमी नेल्‍ल आन कली खतम सेल्‍ब। मेको तरवार तशा मुर नेल्‍ल प्रोक्‍नीम। मिनु आन ठिटापुकी वाइल दुम्‍नीम। यसैया ३७:३६

यसैया 31:9

अस्‍सुर ङा पिप, सेरथे फुल्‍लु खोदेंशो बोल्‍यो बाक्‍त हना यो, हिंशा प्रोक्‍ब। आ कप्‍तान आन छेदर प्रोंइशा प्रोक्‍नीम। परमप्रभु यावेमी आं चुप्‍लु सियोनम नु आं मी यरूसलेमम बाक्‍ब” देंत। ब्‍यवस्‍था ३२:३१

यसैया 33:19

गेपुकीम मेको मटीब मुर आन कली मुल रे मताइनीनी। मरुप्‍चा ङा लोव़ पाइब मुर आन कली लेंशा मताइनीनी। यसैया २८:११; ब्‍यवस्‍था २८:४९-५०

यसैया 37:29

मारदे हना गे आं पर्बम गाइक्‍तीनु, इ ठेयब लेश्‍शो नेंता। मोपतीके गो इ नेंम बोल्‍सी का ब्‍वेक्‍नुङ। मिनु इ शोव़मी लगम पाइश्‍शा इ जाक्‍शो लां लेप्‍पाइश्‍शा सोइक्‍नन’ देंत, दे मतीन” दे मुर सोइताक्‍मी।

यसैया 37:7

गो मेको कली हिंब थुं का गेनुङ। मिनु हिंचा ङा लोव़ नेंशा, मेको आ रागी लेश्‍शा लाइब। मिनु गो मेको कली आ रागीम क्‍योरशा साइक्‍पाइक्‍नुङ देंत’ दे मतीन” दे माइक्‍तीमी।

योना 1:2

“गे छुल बोक्‍शा, निनवे माइश्‍शो ठेयब सहरम लावो। मिनु मेकेर ङा मुर आन मरिम्‍शो पशो आ पर्बम शेंदीमी। मारदे हना गो मेको आन मरिम्‍शो पशो नेल्‍ल ताता” दे मदा बाक्‍त।

योना 3:3

मिनु परमप्रभु यावे आ लोव़ टिशा, योना निनवे गे लचा गोवा बाक्‍त। निनवे थम ठेयब सहर बाक्‍माक्‍त। मेको निनवे सहर सुर का रे अर्को सुर जाक्‍दीत्‍चा कली नाक्‍त सां माल्‍बाक्‍माक्‍त। योना ४:११

योना 4:11

मिनु गो मेको ठेयब सहर निनवे आ पर्बम शिशी मपाइनुङा ङा? मेकेर आन ग्‍युरा पेरा गुइ मतुइक्‍ब लाख का २० हजार क्‍येङा शुश मुर नु बी ब्‍यफ, क्‍यारश भेडा यो बाक्‍नीमी। गो मेको आन कली शिशी पाइनुङ” देंमाक्‍त।

मीका 5:6

मेकोपुकीमी अस्‍सुर रागी कली तरवारम हुकुम पाइनीम। निम्रोद रागी कली शोइश्‍शो तरवारमी हुकुम पाइनीम। मिनु मेकोपुकीमी इं कली “अस्‍सुरी इं रागी ओव़तेक्‍म हना यो, इं कली प्रोंइनीम। इ रागी ङा सांदम जाक्‍तेक्‍म हना यो, इं कली प्रोंइनीम” देंनीम। भजन संग्रह ११०:३

नहुम 1:1

एको निनवे सहर आ पर्बम परमप्रभु यावे आ पशो लोव़ बाक्‍ब। एको एल्‍कोश ङा नहुममी तशा ब्रेक्‍शो लोव़ बाक्‍ब। मेकोमी मार ब्रेक्‍शो बाक्‍ब देंशा हना,

सेफन्‍याह 2:13

मेकोमी उत्तर गे आ गुइ दिंशा अस्‍सुर कली खतम पोक्‍ब। निनवे कली कोक्‍त नु गोरशो रागी खोदेंशो सेल्‍ब। नहुम १:१

मत्ती 12:41

निसाफ पची नाक्‍तीम निनवे सहर ङा मुरपुकी बोक्‍शा, एको पाला ङा आन कली दोसी सुइक्‍नीम। मारदे हना मेकोपुकीमी योना आ लोव़ नेंशा, आन थुं परमप्रभु यावे गे लेत्‍ताक्‍म। नेनीने, एकेर का योना क्‍येङा ठेयब बाक्‍ब। जोना ३:५