यसैया 37:3 - Sunuwar Bible

³ मिनु मेकोपुकीमी यसैया कली “हिज्‍कीयाहमी ‘मुलाक्‍ती श्‍येत जतीके, तुप्‍पांइसीतीके नु शुक्‍शी पाइक्‍चा पुंइसीतीके नाक्‍त बाक्‍ब। आल थिचशो मीश मुरुमी आल थिचावानु, थिचा कली बोल मबाक्‍शो खोदेंशो दुम्‍त।

यसैया 37:3 ပူးပေါင်းရင်းမြစ်များ

२ राजा 19:3

मिनु मेकोपुकीमी यसैया कली “हिज्‍कीयाहमी ‘मुलाक्‍ती श्‍येत जतीक, हुइक्‍चा पुंइसीतीक नु मुने दोक्‍तीक नाक्‍त बाक्‍ब। दोपा आल थिचा चिक्‍शो मीश मुर कली आल थिचा कली बोल मबाक्‍बा, मोदेंशो दुम्‍शो बाक्‍ब।

२ इतिहास 15:4

तन्‍न मेकोपुकीम श्‍येत जामेनु, परमप्रभु यावे, इस्राएली आन परमप्रभु गे लेश्‍शा, माल्‍शा, मेको कली थित्‍तेक्‍म। मिनु मेको आन कली वारच पाप्‍तु। येरमीया २९:१३-१४

भजन संग्रह 50:15

मिनु श्‍येत जनी नाक्‍त आं कली पुनीन। मिनु गो इन कली श्‍येत रे प्रोंइनन्‍नी। मिनु आं कली ‘गे ठेयब बाक्‍नीनी’ देंनीनी” देंत। भजन संग्रह ९१:१५

भजन संग्रह 91:15

मेकोमी आं कली थोइब। मिनु गो आ लोव़ लेत्‍नुङ। मेको श्‍येत जवानु, गो मेको नु बाक्‍नुङ। मेको कली श्‍येत रे प्रोंइशा, मान ताइब सेल्‍नुङ। भजन संग्रह ५०:१५

भजन संग्रह 95:8

गेपुकी मेरीबाम पशो खोदेंशो पा इन थुं खकटा मसेलीन। गेपुकी गोरशो रागी मास्‍साह माइश्‍शोमी बाक्‍ची ना पशो खोदेंशो मपने। हिब्रू ३:७-८; हिब्रू ४:७

यसैया 22:5

मिनु नाक्‍त काम परमप्रभु, मुर नेल्‍ल आन परमप्रभु यावेमी कोंइतीक बेंसीम दिम्‍शा ताइश्‍शा नु ग्रांग्‍ये माग्‍ये पपाइक्‍ब। गारो प्रेश्‍शो डांडा सम्‍म “वारच पने” दे वाइ ब्रेश्‍शो सेंदा नेंसीब।

यसैया 25:8

मेना परमप्रभु, परमप्रभु यावेमी मुर नेल्‍ल आन प्रेक्‍कु फिक्‍ब। आ मुर आन कली मदाक्‍तीके रागी नेल्‍ल रे ग्रुंइब। मारदे हना परमप्रभु यावेमी मेको लोव़ पाप्‍तु। १कोरिन्‍थी १५:५५; प्रकाश ७:१७

यसैया 26:16

परमप्रभु यावे, मेको मुरपुकीमी श्‍येत जशा, इन कली माल्‍तेक्‍म। इन गेशो सजाइ तशा, आइक्‍च सेंदाम इन कली पुंइतेक्‍म। होसे ५:१५

यसैया 29:2

मो हना यो, गो मेको कली श्‍येत गेनुङ। मेकेर ङाक्‍शा, रोंका पाइनीम। यरूसलेम आं कली अरीएल का बाक्‍ब।

यसैया 33:2

परमप्रभु यावे, आंइ कली शिशी पाइक्‍की। गो इन कली रिम्‍ना रिम्‍न बाक्‍नीकी। गे सुनी कुस कुस आंइ सक्ति दुमीन। श्‍येत जची ना आंइ कली प्रोंइब दुमीन।

यसैया 66:7

मिनु परमप्रभु यावेमी “सियोनमी सुत्‍केरी रोइ पचा क्‍येङा ङोंइती आल थिप्‍तु। सुत्‍केरी रोइ पचा क्‍येङा ङोंइती तौ का थिप्‍तु।

यसैया 66:9

गो आल थिचा चिक्‍पाइश्‍शा ङा मीन, थिचा मगेनुङा ङा? गो आल थिचा गेबमी, तेक्‍नुङा ङा?” दे इन परमप्रभुमी देंत। यसैया ३७:३

येरमीया 30:7

आबी, मेको नाक्‍त दोदेंशो हिंचा ङा नाक्‍त दुम्‍बा। मेको नाक्‍ती खोदेंशो अर्को तेकोइ नाक्‍ती मदुम्‍नीम। मेको नाक्‍ती याकूब कली शुश हिंचा ङा श्‍येत जतीक नाक्‍ती दुम्‍ब। तन्‍न मेको श्‍येत रे प्रोंइचा पुंइसीब” देंत। योएल २:११; सेफन्‍याह १:१४-१५

होसे 13:13

मीश मुर आल थितीक रोइ पशो खोदेंशो पा मेको कली श्‍येत दुम्‍ब। तन्‍न मेको मारेइ यो मतुइक्‍ब आल खोदेंशो बाक्‍ब। मेको दूली पा जरमेशो बाक्‍ब।

होसे 5:15

मिनु गो आं बाक्‍तीकेमी लेश्‍शा बाक्‍नुङ। मेकोपुकीमी आन मरिम्‍शो पशो तुइश्‍शा, आं कली ममाल्‍मे सम्‍म बाक्‍नुङ। मिनु मेकोपुकीमी शुश श्‍येत जशा, आं कली माल्‍नीम” दे परमप्रभुमी देंत। यसैया २६:१६

होसे 5:9

सजाइ ङा नाक्‍ती एफ्राइम गोरशो रागी खोदेंशो दुम्‍ब। मुल मार मार दुम्‍बा, मेको इस्राएली आन कली देंने थुम्‍ता।

प्रकाश 3:19

गो आं दाक्‍शो मुर आन कली आन मरिम्‍शो पतीके कोंइनुङ। नोले गो मेको आन कली श्‍येत गेशा, आल खोदेंशो पा शेंनुङ। इन थुं गो आं गे लेत्‍तीन। इन थमा सुइक्‍तीके बारपतीन। हितोपदेस ३:१२; १कोरिन्‍थी ११:३२; हिब्रू १२:६