यसैया 36:7 - Sunuwar Bible

⁷ तन्‍न गे, आं कली ‘गोपुकी परमप्रभु यावे, आंइ परमप्रभु कली थमा सुइक्‍नीकी’ देंतीनी हना, हिज्‍कीयाहमी मेको आ थान नु आ चढ़ेतीकेपुकी मप्रेंदा ङा? मिनु यहूदा नु यरूसलेमम बाक्‍ब आन कली ‘गे एको चढ़ेतीके आ ङोंइती चढ़ेचा माल्‍नीनी’ मदेंमे? २राजा १८:४

यसैया 36:7 ပူးပေါင်းရင်းမြစ်များ

२ राजा 18:22

तन्‍न गे आं कली ‘गो परमप्रभु यावे, आंइ परमप्रभु आ मुर नकी। मेकोम आंइ कली वारच पाइब’ देंतीनी हना, मार, हिज्‍कीयाहम मेको डांडा ङा थान नु चढ़ेतीक प्रेश्‍शा यहूदा नु यरूसलेम सहर ङा मुर आन कली ‘गेपुकीम यरूसलेमम बाक्‍शो चढ़ेतीकेम ला चढ़ेचा माल्‍नीनी’ मदेंम ङा? ब्‍यवस्‍था १२:१४

१ इतिहास 5:20

मेकोपुकीमी लडाइम परमप्रभु कली “वारच पाइक्‍की” दे पुंइतीके, मेको आन जोरी सत्रु हाग्री नु अरु सु बाक्‍तेक्‍म हना यो, आन गुइमी गेवा बाक्‍त। मारदे हना मेकोपुकीमी थमा सुदमे बाक्‍त।

२ इतिहास 30:14

मिनु मेकोपुकीम यरूसलेम आ एर ओंथ बाक्‍शो चढ़ेतीकपुकी नु धूप चोतीक प्रेश्‍शा, किद्रोन खोल्‍साम लाइश्‍शा ताइक्‍तमे बाक्‍त।

२ इतिहास 31:1

मिनु मेको नेल्‍ल नुप्‍शा नोले यरूसलेम जाक्‍शो इस्राएली नेल्‍ल यहूदा ङा सहरपुकीम लशा, पूजा पतीक ख्रुक्‍शो फुल्‍लु प्रेत्‍मे बाक्‍त। मूर्ति पाइश्‍शो थाम खोल्‍मे बाक्‍त। यहूदा, बेन्‍यामीन, एफ्राइम नु मनस्‍से रागी नेल्‍ल ङा डांडा ङा थान बुल बाल उइश्‍शा ताइक्‍तमे बाक्‍त। मिनु नोले इस्राएली आन आन सहर नु आन आन बाक्‍तीकेम लेम्‍मा बाक्‍त। २इतिहास २९:-; ब्‍यवस्‍था ७:५; २राजा १८:४

२ इतिहास 32:12

मार, मेको हिज्‍कीयाहमी डांडा ङा थान नु आ चढ़ेतीक बुल बाल एश्‍शा खतम मपोक्‍पदा? मिनु यहूदा नु यरूसलेम ङा मुर नेल्‍ल आन कली, चढ़ेतीक काम पूजा पा नु मेकेर ला चढ़ेचा’ मदेंम ङा?

भजन संग्रह 42:5

आं थुं, गे मारदे लुक्‍च लाइनेवे? मारदे ग्‍येत्‍थ लुक्‍च दुम्‍नेवे? परमप्रभुमी मार पाइबा, मेको रिम्‍दो। मिनु नोले मेकोमी आं कली श्‍येत रे प्रोंइशो तशा, गो परमप्रभु कली ठेयब सेल्‍नुङ। मारदे हना मेको आं कली श्‍येत रे प्रोंइब नु आं परमप्रभु बाक्‍ब।

यसैया 36:8

गे आं होव़प, अस्‍सुर ङा पिप नु बाजी पावो। मिनु इ के शारा ङोइक्‍ब मुर बाक्‍तेक्‍म हना, गो इ कली हजार निक्‍शी शारा गेनन।

१ कोरिन्‍थी 2:15

परमप्रभु यावे आ सोक्‍त पाइश्‍शो मुरपुकीमी मारेइ मारेइ नाक्‍ने नु रुप्‍‍ने चाप्‍नीम। तन्‍न मेको आन कली नाक्‍ब सुइ मबाक्‍नीम।