यसैया 36:4 - Sunuwar Bible

⁴ मिनु राब्‍शाकेमी मेको आन कली “गे हिज्‍कीयाह कली अस्‍सुर ङा ठेयब पिपमी इन कली मार देंत देंशा हना, ‘गे मार कली आस पा थमा सुइक्‍नीनी?

यसैया 36:4 ပူးပေါင်းရင်းမြစ်များ

२ राजा 18:17

मिनु अस्‍सुर ङा पिपम लडाइ पाइब आन नेल्‍ल क्‍येङा ठेयब मुर तारतान, दरवार ङा ठेयब मुर राब्‍सारीस, पिप आ ठेयब गेय पाइब राब्‍शाके नु ठेयब हुल का लडाइ पाइब आन कली लाकीश रे पिप हिज्‍कीयाह आ बाक्‍तीक यरूसलेम सहरम सोइक्‍तीमी बाक्‍त। मिनु मेकोपुकी यरूसलेम जाक्‍मा बाक्‍त। मिनु आइक्‍था दोम्‍ली ङा ब्‍वाक्‍कु शाइक्‍तीक वा मुरब आन लांमी जाक्‍शा राम्‍मा बाक्‍त। यसैया ७:३

२ राजा 18:5

हिज्‍कीयाहम परमप्रभु यावे, इस्राएली आन परमप्रभु कली थमा सुदा बाक्‍त। मेको आ क्‍येङा ङोंइती ङा नु आ क्‍येङा नोले ङा यहूदा ङा पिप नेल्‍ले मेको खोदेंशो मदुम्‍मा बाक्‍त। २राजा २३:२५

२ राजा 19:10

यहूदा ङा पिप हिज्‍कीयाह कली “यरूसलेम अस्‍सुर ङा पिप आ गुइम मदुम्‍ब, दे थोक्‍शा लोव़ पाइब इ थमा सुइश्‍शो परमप्रभुमी इ कली जोल मपवल।

भजन संग्रह 42:10

आं कली दिप्‍बपुकीमी आं रुश जिक्‍शो खोदेंशो पा शुक्‍शी पाइनीम। मिनु मेकोपुकीमी गेना हना यो “इ परमप्रभु ते बाक्‍मे” दे शुक्‍शी पा, हिल्‍लो पस ङा पस बाक्‍नीम।

भजन संग्रह 42:3

आं प्रेक्‍कु नाक्‍दो नाक्‍ती आं जचा थोव़क दुम्‍शो बाक्‍ब। मारदे हना मुरपुकीमी नाक्‍त किंत किंत “इ परमप्रभु ते बाक्‍मे?” दे शुक्‍शी पा हिल्‍लो पस ङा पस बाक्‍नीम। भजन संग्रह ७९:१०

हितोपदेस 16:18

मुर खतम दुम्‍चा क्‍येङा ङोंइती ठेयब लेत्‍नीम। नुप्‍चा क्‍येङा ङोंइती मुर बोरनीम। हितोपदेस १८:१२

येरमीया 48:14

गेपुकीम ‘गोपुकी बोल्‍यो नु सक्ति पाइश्‍शो लडाइ पाइब बाक्‍नीकी’ दे दोपा देंने चाप्‍नीनी?

दानीएल 4:30

मेकोमी “मार, एको बेबीलोन थम रिम्‍शो मबाक्‍बा ङा? गो एको आं ठेयब सक्तिमी आं शुश शोंप वोइश्‍शा, बाक्‍चा कली सेल्‍ता” देंत। हितोपदेस १६:१८

यहूदा 1:16

मेकोपुकी गन गन पाइब बाक्‍नीम। मेकोपुकीमी “गो श्‍येत जना जन बाक्‍नुङ” दे गेनायो मग्‍येरथु, आन दला दाक्‍स पना पन बाक्‍नीम। ठेयब लोव़ पा, ठेयब लेश्‍शो मुर बाक्‍नीम। मेकोपुकीमी आंम कली ठेयब सेल्‍सीचा कली मुर आन कुल कोव़नीम।