यसैया 36:18 - Sunuwar Bible

¹⁸ हिज्‍कीयाहमी इन कली “परमप्रभु यावेमी इं कली श्‍येत रे प्रोंइब” देंशा, हेंथे लां कोंइ‍चा मगेने। मार, रागी रागी ङा देवी देवता काम यो आन रागी अस्‍सुर ङा पिप आ गुइ प्रोंइने चाप्‍मे ङा? यसैया ३७:१२

यसैया 36:18 ပူးပေါင်းရင်းမြစ်များ

भजन संग्रह 12:4

मोदेंशो ठेयब लेश्‍शो लोव़ पाइबपुकीमी “आंइ लोव़मीन ग्रानीकी। गो जोक्‍ब तुइक्‍ब बाक्‍नीकी। आंइ प्रभु सु बाक्‍बा ङा?” देंनीम। भजन संग्रह ७३:८-९; अय्‍युब २१:१४-१५

यसैया 10:11

मिनु गो सामरीया नु आ मूर्ति आन कली दोदेंशो पङा, मोदेंशो यरूसलेम नु आ मूर्ति आन कली मपाइनुङा ङा?” देंत।

यसैया 10:7

तन्‍न अस्‍सुरम मेको आ थुंम मवोइक्‍थु, मोदेंशो ममिम्‍त। आ थुंमी खतम पोक्‍चा नु रागी रागी क्‍याम्‍चा ला बाक्‍त।

यसैया 36:10

मार, गो एको रागी खतम सेल्‍चा कली परमप्रभु यावे कली हिल्‍लो मपथु, जाक्‍ङा ङा? परमप्रभु यावेम आं कली ‘लावो, मेको रागी कली खतम सेलो’ दे माइक्‍ती” देंत।

यसैया 36:15

हिज्‍कीयाहमी इन कली “परमप्रभु यावेम इन कली रिम्‍शो पाइब। परमप्रभु यावेमी इन कली थमा पा श्‍येत रे प्रोंइब। एको सहर अस्‍सुर ङा पिप आ गुइमी मदुम्‍ब” देंशो लोव़ थमा मसुतीन।

यसैया 36:17

मिनु नोले गो इन कली आंम रागी खोदेंशो अर्को रागी काम लाइक्‍नन्‍नी। मेको रागीम शुश अन्‍न नु अङगुर शांबु बाक्‍ब। मेको शोब्‍ले नु अङगुर रूम ब्रीशो रागी बाक्‍ब” देंत।

यसैया 36:7

तन्‍न गे, आं कली ‘गोपुकी परमप्रभु यावे, आंइ परमप्रभु कली थमा सुइक्‍नीकी’ देंतीनी हना, हिज्‍कीयाहमी मेको आ थान नु आ चढ़ेतीकेपुकी मप्रेंदा ङा? मिनु यहूदा नु यरूसलेमम बाक्‍ब आन कली ‘गे एको चढ़ेतीके आ ङोंइती चढ़ेचा माल्‍नीनी’ मदेंमे? २राजा १८:४

यसैया 37:10

मार लोव़ सोइक्‍ताक्‍व देंशा हना, यहूदा ङा पिप हिज्‍कीयाह कली “इन थमा सुइश्‍शो परमप्रभुमी इन कली दूली लां मखोइक्‍पांइसीन। ‘यरूसलेम अस्‍सुर ङा पिप आ गुइमी मदुम्‍ब’ देंनीनी।

यसैया 37:11

गे अस्‍सुर ङा पिपपुकीमी रागी नेल्‍ल आन कली क्‍याम्‍शो, लोव़ नेंशो बाक्‍नीनी। मार गे चहिं ब्रोंइनीनी ङा?

यसैया 37:4

इन परमप्रभु यावे, इन परमप्रभुमी राब्‍शाके आ लोव़ नेंना माइ। अस्‍सुर ङा पिपमी मेको कली गेना हना यो ब्रोंइशा बाक्‍ब परमप्रभु कली शुक्‍शी पथ सोइक्‍ताक्‍व। मेको आ लोव़ नेंशा, परमप्रभु यावे, इन परमप्रभुमी मेको कली सजाइ गेबा कों? मोपतीके लीशो मुर आन पर्बम पुनीन’ देंत” दे मेकोपुकीमी देंतेक्‍म।

इजीकीएल 31:5

मोपा मेको दिंम ङा रवा नेल्‍ल आन क्‍येङा लाइश्‍शो दुम्‍त। शुश ब्‍वाक्‍कु बाक्‍तीके मेको आ राशी शुश दुम्‍तेक्‍म। मिनु शुश ब्‍वाक्‍कु रे मेको कोल्‍त।

दानीएल 3:15

गेपुकीमी मुल ग्रोव़, मुराली, ठेयब नु आइक्‍च तार पाइश्‍शो नु मार मार ताप्‍तीक ताप्‍शो नेंनीनु, आं सेल्‍शो मूर्ति आ ङोंइती खुम्‍की पा बाप्‍शा, सेउ पाइतीनी हना, मेको इन कली रिम्‍शो दुम्‍ब। तन्‍न खुम्‍की पा बाप्‍शा, सेउ मपाइतीनी हना, इन कली ठेयब मी ब्रतीकेमी बो हुम्‍चा पुंइसीनीनी। मिनु इन कली आं गुइ रे तेको परमप्रभुम प्रोंइबाक्‍म?” दे माइक्‍तीमी। प्रस्‍थान ५:२; २राजा १८:३५