यसैया 36:14 - Sunuwar Bible

¹⁴ मेकोमी मार देंत हना ‘हिज्‍कीयाह आ जोल लोव़ थमा मसुतीन। मेकोम इन कली प्रोंइने मचाप्‍ब।

यसैया 36:14 ပူးပေါင်းရင်းမြစ်များ

२ राजा 19:22

गे सु कली शाक्‍शा शुक्‍शी पवी? गे सुका आ पर्बम ठेयब लेश्‍शा लोव़ पवी? मेको इस्राएली आन का ला बाक्‍शो परमप्रभु यावे आ पर्बम बाक्‍ब।

२ इतिहास 32:11

पिप हिज्‍कीयाहमी ‘परमप्रभु यावे, इं परमप्रभु कली अस्‍सुर ङा पिप आ गुइ रे प्रोंइब, दे जोल मपवा? तन्‍न मेकोमी इन बाक्‍तीकेमीन अन्‍काल नु ब्‍वाक्‍कु तूतू दाक्‍पाइश्‍शा, इन कली बेक्‍पाइक्‍चा कली मोदेंशो लोव़ पशो बाक्‍ब।

यसैया 36:15

हिज्‍कीयाहमी इन कली “परमप्रभु यावेम इन कली रिम्‍शो पाइब। परमप्रभु यावेमी इन कली थमा पा श्‍येत रे प्रोंइब। एको सहर अस्‍सुर ङा पिप आ गुइमी मदुम्‍ब” देंशो लोव़ थमा मसुतीन।

दानीएल 6:20

मिनु गुप्‍स आन बाक्‍तीके आ नेक्‍था जाक्‍दीश्‍शा, शुश हिंशा दानीएल कली “दानीएल, ब्रोंइशा बाक्‍ब परमप्रभु आ गेय पाइब, इ गेना हना यो ठेयब सेल्‍ना सेल्‍न बाक्‍शो परमप्रभुमी इ कली गुप्‍स रे प्रोना?” दे हिल्‍लो पा ब्रेत्‍ताक्‍व। दानीएल ३:१७

दानीएल 7:25

मिनु मेकोमी नेल्‍ल क्‍येङा ठेयब आ पर्बम मरिम्‍शो लोव़ पा, नेल्‍ल क्‍येङा ठेयब आ मुर आन कली यो खतम सेल्‍ब। मिनु मेकोमी परमप्रभु आ देंशो चाड नु आ अरेशो लोव़ कली फाइक्‍चा दाक्‍ब। मिनु परमप्रभु आ मुर आन पाला का, पाला निक्‍शी नु आधा पाला मेको आ अधिकारमी गेचा पुंइसीनीमी। प्रकाश १३:५-६; दानीएल १२:७

२ थिस्‍सलोनिकी 2:4

मेकोमी “मानेचा ङा मारेइ मबा” देंब। परमप्रभु यावे नु मानेचा ङा थोव़क आन क्‍येङा आंम कली ठेयब सेल्‍शा, परमप्रभु यावे आ खिंमी निश्‍शा “गो का ला परमप्रभु यावे नङ” देंब। दानीएल ११:३६; मत्ती २४:१५