यसैया 36:12 - Sunuwar Bible

¹² तन्‍न राब्‍शाकेमी “मार, आं होव़पमी इन होव़प नु इन कली ला लोव़ पथ सोइक्‍ती ङा? गारोम बाक्‍ब मुरपुकीम यो रुप्‍चा माल्‍नीमी। मारदे हना मेकोपुकीम यो इन खोदेंशो पा आन ख्री जचा नु आन चारना‍क तूचा माल्‍नीम” देंत।

यसैया 36:12 ပူးပေါင်းရင်းမြစ်များ

२ राजा 18:27

तन्‍न राब्‍शाकेम मेको आन कली “मार, आं होव़पमी एको लोव़ इन कली नु इन होव़प कली ला नेंपाइक्‍चा कली सोइश्‍शो बाक्‍बा ङा? मार, गारोम बाक्‍ब मुर नेल्‍ल आन कली यो ममाइ ङा? गेपुकीम खोदेंशो पा, मेकोपुकीम यो आन ख्री चारनाक जचा तूचा माल्‍नीम” देंमाक्‍त।

यसैया 36:11

मिनु एल्‍याकीम, शेब्‍ना नु योआहमी मेको राब्‍शाके कली “इन गेय पाइबपुकी नु अरामी लोव़ ब्‍वाक्‍कीन। गो मेको लोव़ रुप्‍नीकी। गारोम बाक्‍ब मुर नेल्‍ल आन नेंचा ङा पा यहूदी लोव़ पा मब्‍वाक्‍कीन” देंतेक्‍म।

यसैया 36:13

नोले मेको राब्‍शाकेमी मुर आन नेक्‍था राप्‍शा यहूदी आन लोव़मी ठेयब सेंदा पा “अस्‍सुर ङा ठेयब पिप आ लोव़ नेनीन।

यसैया 9:20

मेकोपुकीमी ग्‍युरा गे ङा रोइक्‍ताक्‍म। तन्‍न शोव़लु बेक्‍तेक्‍म। आन पेरा गे ङा ब्‍वाम्‍तेक्‍म। तन्‍न मरूम। मिनु आंम आन खिं ङा मुर आन श्‍ये ब्‍वाम्‍तेक्‍म।

येरमीया 19:9

मेको आन कली आन तमी तौ आन श्‍ये ब्‍वपाइक्‍नुङमी। सहर पुम्‍तीके मुर नेल्‍ल आन नेक्‍था ङा मुर आन श्‍ये ब्‍‍वाइनीम। आन जोरी सत्रु नु मेको आन कली साइक्‍चा माल्‍ब आन गेशो श्‍येतम मोदेंशो पाइनीम। लेवी २६:२९; ब्‍यवस्‍था २८:५३

इजीकीएल 4:12

गे क्‍योव़ज के बटुक खोदेंशो सेल्‍शा जावो। गे मुर आन ङोंइती मुर आन ख्री चोशा, मेको चोचा माल्‍नेवे” देंत।

इजीकीएल 4:16

मिनु मेकोमी आं कली “ए मुर, गो यरूसलेम रे अन्‍न तेक्‍नुङ। मेकोपुकीम हिंशा शोब्‍ले नाक्‍ना नाक्‍न जाइनीम। मिनु पुक्‍ना पुक्‍न सुर्ता पन पन ब्‍वाक्‍कु तूनीम। इजीकीएल ५:१६; लेवी २६:२६

लेवी 26:29

गेपुकीमी इन तमी तौ आन श्‍ये ब्‍वचा माल्‍नीनी।