यसैया 35:8 - Sunuwar Bible

⁸ मेकेर ठेयब लां का दुम्‍ब। मेको लां कली “परमप्रभु यावे आ लां बाक्‍ब” दे नें वोइक्‍नीम। ग्रांग्रा दिशो मुर मेको लां लचा मताइनीम। परमप्रभु आ मुर ला मेको लां लचा ताइनीम। सु सु मेको लां लाइनीमी, मेकोपुकी मूर्ख बाक्‍तेक्‍म हना यो, मजाम्‍नीम। यसैया ५६:३-८; येरमीया ३१:८

यसैया 35:8 ပူးပေါင်းရင်းမြစ်များ

भजन संग्रह 118:20

एको परमप्रभु यावे आ लाप्‍चो बाक्‍ब। ठीक पाइबपुकी एको लाप्‍चो रे ओव़नीम। यसैया २६:२

भजन संग्रह 119:130

इन लोव़ नेंशोनु, रुप्‍तीक थुं गेब। मतुइक्‍ब आन कली तुइक्‍ब सेल्‍ब।

भजन संग्रह 19:7

परमप्रभु यावे आ अरेशो लोव़ नेल्‍ल आन कली गारब। मेकोमी लेंशा ब्रोंइपाइक्‍ब। परमप्रभु यावे आ देंतीके थमा लोव़ बाक्‍ब। मेकोमी मतुइक्‍ब आन कली तुइक्‍ब सेल्‍ब।

भजन संग्रह 23:4

मिनु गो बेक्‍चा ङा बेंसीम गाक्‍ती हना यो, महिंनुङ। मारदे हना गे गो नु बाक्‍नीनी। इन कोक्‍के तशा आं थुं नाइश्‍शा ग्‍येरनुङ। भजन संग्रह ४६:३

हितोपदेस 16:17

रिम्‍शो थुं पाइश्‍शो मुर मरिम्‍शो लां रे ङोन बाक्‍ब। मिनु मरिम्‍शो मपथु, होस पा बाक्‍ब ब्रोंइचा ताइनीम।

हितोपदेस 4:18

तन्‍न ठीक पाइब आन लां सुनी ङा छेङछेङ खोदेंशो बाक्‍ब। मेको नाक्‍ती उइक्‍थ दुम सम्‍म बारना बारन शुश छेङछेङ दुम्‍ब। हितोपदेस २४:२०

हितोपदेस 8:20

गो ठीक पतीक लां गाक्‍नुङ। ठीक निसाफ पाइनुङ।

हितोपदेस 9:4

“मारेइ मजोक्‍ब नेल्‍ल एक जाक्‍कीन” देंत। निप्‍स मपाइश्‍शो आन कली

यसैया 11:16

अस्‍सुर ङा लीशो आ मुर इस्राएली आन कली जाक्‍चा कली ठेयब लां का दुम्‍ब। मेको लां इस्राएली इजीप्‍त रे ग्रूशा गाक्‍शो लां खोदेंशो दुम्‍ब। प्रस्‍थान १४:२९

यसैया 19:23

मिनु मेको नाक्‍ती इजीप्‍त रे अस्‍सुर सम्‍म ठेयब लां का दुम्‍ब। मिनु अस्‍सुर रागी ङा मुरपुकी इजीप्‍त जाक्‍नीम। इजीप्‍त ङा मुरपुकी अस्‍सुर लाइ‍नीम। मिनु इजीप्‍त नु अस्‍सुर ङा मुर गारशा परमप्रभु यावे कली ठेयब सेल्‍नीम।

यसैया 30:21

मिनु गेपुकीमी “ग्‍युरा लां लङ कों, पेरा लां लङ” देंनीनु, इन नोले लोव़ कामी “लां मेकोन बाक्‍ब, मेको लां गाक्‍कीन” देंशो नेंनीनी। ब्‍यवस्‍था ५:३२

यसैया 33:8

ठेयब लां श्‍येत्‍थ दुम्‍शो बाक्‍नीम। मुर मेको लांम मगाक्‍नीम। गारपाइक्‍तीक लोव़ क्‍याम्‍सीशो बाक्‍ब। सांकछीपुकी महिक्‍सीब दुम्‍शो बाक्‍नीम। आन कसम जशो जाम्‍त। आन पचा माल्‍शो गेय मपाइनीम।

यसैया 4:3

मिनु सु सु सियोन नु यरूसलेमम लीशो बाक्‍मा, मेकोपुकी “परमप्रभु के बाक्‍नीम” दे माइक्‍नीम। मेको आन नें यरूसलेमम ब्रोंइचा कली ब्रेक्‍सीशो बाक्‍नीम। यसैया ६:१३; प्रस्‍थान ३२:३२; भजन संग्रह ६९:२९; मलाकी ३:१६

यसैया 42:16

मिनु मिक्‍च मताइब आन कली आन मतुइश्‍शो लांमी खुल्‍नुङमी। आन मतुइश्‍शो गाक्‍तीक लांमी गाक्‍पाइक्‍नुङमी। मेको आन ङोंइती बाक्‍शो छिङछिङ कली छेङछेङ सेल्‍नुङ। मिनु फुल्‍लु बाक्‍तीक कली दिंम सेल्‍नुङ। एको मप्रोंइथु पाइनुङ। यसैया ४०:४

यसैया 43:19

गो नक गेय का पचा चिक्‍शो बाक्‍नुङ। मुल मेको दुम्‍चशो बाक्‍ब। गे मेको मतुइक्‍नीनी? गो मुर मबाक्‍तीकेम लां का सेल्‍‍नुङ। यसैया ४१:१८

यसैया 51:10

समुन्‍द्र सोव़पाइक्‍ब, गे मननी ङा? गे समुन्‍द्र कली चेश्‍शा आ पुंम लां मसेल्‍नी ङा? इन पाप रे प्रोंइशो, इन मुर आन कली शोक्‍पाइक्‍चा कली मोदेंशो पाइतीनी। प्रस्‍थान १४:२१-२२

यसैया 52:1

मिनु परमप्रभुमी “बोक्‍को। सियोन बोक्‍को। सक्ति पाइश्‍शो दुमो। इ दारशो वा फेक्‍सो। यरूसलेम, गे परमप्रभु यावे आ सहर बाक्‍नेवे। मुल रे ख्रोइक्‍तीक चिनु मख्रोइश्‍शो नु ग्रांग्रा दिचा ङा मुर मेकेर ओव़ने मचाप्‍नीम।

यसैया 52:11

ग्रूङीन, ग्रूङीन, मेकेर रे ग्रूङीन। ग्रांग्रा दिशो थोव़क मथिने। मेको आन दाते रे ग्रूङीन। परमप्रभु यावे आ खिं ङा मार मार कुरबपुकी परमप्रभु आ ङोंइती जाक्‍शा, इन कली ठीक सेलीन।

यसैया 57:14

मिनु परमप्रभुमी “सेलीन, सेलीन। रिम्‍शो लां सेलीने। आं मुर आन गाक्‍तीक लां ङा दाइल पाइब फुल्‍लु याक्‍तीन” देंत। यसैया ४०:३; यसैया ६२:१०

यसैया 60:21

इ रागी ङा मुर नेल्‍ल ठीक पाइब दुम्‍नीम। मेको आन बाक्‍तीके रागी गेना हना यो आन के दुम्‍ब। मेकोपुकी आं ख्रुम्‍शो बाक्‍नीम। मेकोपुकी आं सेल्‍शो मुर दुम्‍शा, आं कली ठेयब सेल्‍नीम।

यसैया 62:10

ओव़ङीन, ठेयब लाप्‍चो रे ओव़ङीन। मिनु मुर आन गाक्‍तीके लां थेल्‍शा, सेलीन। ठेयब लां रे फुल्‍लु याक्‍तीन। जात जात ङा मुर आन कली चिन्‍ड वोतीन। यसैया ५७:१४

यसैया 62:12

मिनु मेको आन कली ‘परमप्रभु यावे आ मुर नम। परमप्रभु यावे आ पाप रे प्रोंइशो मुर नम’ दे ब्रेत्‍नीम। मिनु इ कली ‘माल्‍शा, थिश्‍शो नु गेनायो मप्रोंइसीब सहर’ माइक्‍चा पुंइसीनेवे” दे कसम जशा, लोव़ पशो बाक्‍ब। यसैया ३५:१०

येरमीया 31:21

लां तुइक्‍तीक चिन्‍ड वोतो। लां कोंइतीक थाम ख्रुक्‍को। गे तेको ठेयब लां रे लाइनेवे, मेको लां रिम्‍शो पा मिम्‍तो। गे कन्‍ने मीश आल इस्राएल, लेतो। इ सहरम ले‍तो।

इजीकीएल 43:12

परमप्रभु यावे आ खिं आ पर्बम आ अरेशो लोव़ मार बाक्‍त देंशा हना, मेको डांडा आ एर ओंथ नेल्‍ल आं के बाक्‍तीक बाक्‍ब। मेको परमप्रभु यावे आ खिं आ पर्बम आ अरेशो लोव़ बाक्‍ब” देंत।

इजीकीएल 44:9

मिनु परमप्रभु, परमप्रभु यावेमी “इस्राएली आन दातेम बाक्‍शो अर्को रागी ङा आन थुं नु रांम ख्रोइक्‍तीक चिनु मख्रोइश्‍शो मुर आं बाक्‍तीकेम ओव़चा मताइनीम।

योएल 3:17

“गो, परमप्रभु यावे, इन परमप्रभु आं डांडा सियोनम बाक्‍नुङ, दे गे तुइक्‍नीनी। मिनु यरूसलेम आं के दुम्‍ब। मिनु रागी रागी ङा मुर मेको सहर ङा लां रे पा मलाक्‍नीम। इजीकीएल ३४:३०

लेवी 26:6

मिनु गो रागी ङा मुर आन कली थुं नाइश्‍शा बाक्‍चा गेनुङ। मिनु गेपुकी गोल्‍शा निन्‍द्रा पाइनीनी। सुइमी इन कली हिंच मकोंइब। गो इन रागी रे हिंचा ङा जन्‍तु आन कली खेरनुङमी। इन रागीमी लडाइ मदुम्‍ब। इजीकीएल ३४:२५

मत्ती 1:23

“नेनीने, कन्‍ने मीश आलमी कोव़ज कुरशा, तौ का थीब। मेको आल आ नें इम्‍मानुएल वोइक्‍नीम। इम्‍मानुएल देंशो ‘परमप्रभु यावे गोपुकी नु बाक्‍शो बाक्‍ब’ दे रुम्‍सीब” दे ब्रेक्‍शो बाक्‍ब। यसैया ७:१४

यूहन्‍ना 14:6

मिनु येसुमी “गो थमा नु ब्रोंइचा गेब लां नङ। सुइ आन पतीक गेना हना यो आं आफ नु बाक्‍चा मताइनीम। तन्‍न आं पतीके रे ला गेना हना यो परमप्रभु यावे नु बाक्‍चा ताइनीम। यूहन्‍ना १०:९; मत्ती ११:२७; रोमी ५:१-२; हिब्रू १०:२०

यूहन्‍ना 7:17

सु मुरुमी परमप्रभु यावे आ दाक्‍शो पाइबा, मेकोमी आं शेंतीके लोव़ परमप्रभु यावे के बाक्‍बा कों, आंम के बाक्‍बा, दे तुइक्‍ब।

एफिसी 2:10

गोपुकी परमप्रभु यावे रे ख्रीस्‍त येसु आ पतीकेमी सेल्‍शो बाक्‍नय। परमप्रभु यावेमी इं कली रिम्‍शो गेय वोइश्‍शो बाक्‍त। मेको पचा माल्‍नय। तीतस २:१४

१ थिस्‍सलोनिकी 4:7

परमप्रभु यावेमी इं कली ग्रांग्रा दिचा ङा गेय पचा कली मयोव़ङ। पाप रे ङोन बाक्‍चा कली योव़तु।

२ तिमोथी 1:9

परमप्रभु यावेमी सैतान रे प्रोंइशा “आं मुर नम” दे ब्रेत्‍ताक्‍व। इं रिम्‍शो पतीके कोव़शा ममाइ, आ माल्‍शो नु शुश ङोंइती रे ख्रीस्‍त येसुमी इं कली गेशो दाक्‍तीके आ पर्बम ब्रेत्‍ताक्‍व। तीतस ३:५

हिब्रू 12:14

मुर नेल्‍ल नु दुशा गारशा बाक्‍कीने। पाप रे ङोन बाक्‍शा, रिम्‍शो थुं पशा गेय पा कोंइदीने। मो पाइतीनी हना, प्रभु नु काथा बाक्‍चा ताइनीनी। रोमी १२:१८; २तिमोथी २:२२

१ पत्रुस 1:16

परमप्रभु यावे आ ब्रेक्‍पाइश्‍शो लोव़मी “गेपुकी आं कली ला ठेयब सेलीन। मारदे हना गो का ला इन परमप्रभु नङ” दे ब्रेक्‍शो बाक्‍ब। लेवी १९:२

२ पत्रुस 3:13

तन्‍न आ ङोंइती देंशो “नक सरीङ नु नक रागी सेल्‍नुङ। मेकेर नेल्‍ल रिम्‍शो नु ठीक ला पाइनीम” देंशो लोव़ रिम्‍नय। यसैया ६५:१७; प्रकाश २१:१; प्रकाश २१:२७

१ यूहन्‍ना 2:20

येसु ख्रीस्‍तमी इन कली परमप्रभु यावे आ सोक्‍त गेप्‍तु। मोपतीके नेल्‍ल तुइक्‍नीनी।

१ यूहन्‍ना 2:27

येसु ख्रीस्‍तमी इन कली परमप्रभु यावे आ सोक्‍त गेप्‍तु। मिनु मेको गेपुकी नु बाक्‍ब। मेको परमप्रभु यावे आ सोक्‍त गेपुकी नु बाक्‍मेनु, अर्को शेंब ममाल्‍नीनी। परमप्रभु यावे आ सोक्‍तीमी इन कली नेल्‍ल शेंना शेंन बाक्‍ब। मेको आ शेंशो थमा बाक्‍तीके जोल मदुम्‍ब। मेकोमी ङोंइती इन कली शेंशो टिशा, मेको नु थुं का ङा दुम्‍शा, बाक्‍कीन। यूहन्‍ना १६:१३; २कोरिन्‍थी १:२१-२२; येरमीया ३१:३४

प्रकाश 21:27

मिनु जाम्‍शा लाइबपुकी, ग्रांग्रा दिचा ङा गेय पाइबपुकी नु जोल पाइबपुकी चहिं मेको सहरमी ओव़चा मताइनीम। पाठा आ ब्रोंइतीक किताबमी नें ब्रेक्‍शोपुकी ला ओव़चा ताइनीम।