यसैया 35:10 - Sunuwar Bible

¹⁰ परमप्रभु यावेमी श्‍येत रे प्रोंइशो मुर ला लेश्‍शा जाक्‍नीम। मिनु सियोनमी कुम्‍सो पना पन ओव़नीम। मेकोपुकी गेना हना यो ग्‍येरसीशा बाक्‍नीम। ग्‍येरसीना सीन बाक्‍नीम। आन श्‍येत जशा, हुक‍यी पतीके लेश्‍शा मजाक्‍ब। यसैया ५१:११; प्रकाश २१:४

यसैया 35:10 ပူးပေါင်းရင်းမြစ်များ

भजन संग्रह 107:2

परमप्रभु यावेमी श्‍येत रे प्रोंइचा पुंइसीशोपुकीमी मोपा कुम्‍सो पचा माल्‍नीम।

भजन संग्रह 126:2

मिनु गोपुकी शुश ग्‍येरसीशा रिस्‍साक्‍क। थाम्‍पा ग्‍येरशा ग्रीतक। मिनु रागी रागी ङा मुरपुकीमी “परमप्रभु यावेमी मेको आन कली वारच पा, ठेयब गेय पाप्‍तु” देंमुम्‍तेक्‍म।

भजन संग्रह 126:5

मिनु ङाक्‍ना ङाक्‍न शोक्‍बपुकीमी ग्‍येरसीशा खुप्‍नीम। मत्ती ५:४

भजन संग्रह 14:7

सियोन रे इस्राएली आन ब्रोंइतीके तामेक्‍ल। परमप्रभु यावेमी आ मुर आन कली प्रोनानु, याकूब आ चच युइ, इस्राएली नेल्‍ल ग्‍येरसीमल। भजन संग्रह १२६:१

भजन संग्रह 51:8

आं कली ग्‍येरतीके नु थुं नाइक्‍तीके लोव़ नेंपाइय्‍यीनी। मिनु इन फस पोक्‍शो आं रुश लेंशा ग्‍येरसमल। भजन संग्रह ३२:३-४

भजन संग्रह 84:7

मेकोपुकी शुश बोल्‍यो दुम्‍नीम। मेकोपुकी परमप्रभु आ ङोंइती सियोनम जाक्‍नीम।

यसैया 1:27

मिनु सियोन ठीक निसाफ पतीकेमी पाप रे प्रोंइचा पुंइसीब। सहरम बाक्‍ब ठीक पतीकेमी पाप रे प्रोंइचा पुंइसीनीम। यसैया ४६:३३

यसैया 25:8

मेना परमप्रभु, परमप्रभु यावेमी मुर नेल्‍ल आन प्रेक्‍कु फिक्‍ब। आ मुर आन कली मदाक्‍तीके रागी नेल्‍ल रे ग्रुंइब। मारदे हना परमप्रभु यावेमी मेको लोव़ पाप्‍तु। १कोरिन्‍थी १५:५५; प्रकाश ७:१७

यसैया 30:19

यरूसलेमम बाक्‍ब सियोन ङा मुरपुकी, गे लेंशा मङाक्‍नीनी। मेकोमी इन ब्रेश्‍शो नेंशा, इन कली थमा पा शिशी पाइब। इन लोव़ नेंशा, लोव़ लेप्‍ब। यसैया ६५:२४

यसैया 35:2

मिनु मेको थाम्‍पा बोइश्‍शा, ग्‍येरसीशा कुम्‍सो पना पन बाक्नीम। लेबानोन, आ दारस मेकोम ताइब। कारमेल नु शारोन आन मान ततीक मेको कली गेशो बाक्‍ब। मेकोपुकीमी परमप्रभु यावे आ मान ततीके नु आंइ परमप्रभु आ छेङछेङ ताइनीम।

यसैया 41:14

गे महिक्‍सीशो याकूब महिनो। इच्‍कका ला लीशो इस्राएलीपुकी महिनीन। गो इ कली वारच पाइ‍नुङ, दे परमप्रभु यावेमी देंत। इ कली पाप रे प्रोंइब इस्राएली आन का ला बाक्‍शो परमप्रभु, गो नङ। यसैया ४३:३

यसैया 41:16

गे मेको आन कली हारशा, फशेम योल्‍पाइक्‍नेवे। मिनु फश गिवारम मेको आन कली एर ओंथ फ्रशा योल्‍ब। मेना गे परमप्रभु यावे कली तुइश्‍शा, ग्‍येरनेवे। इस्राएली आन का ला बाक्‍शो परमप्रभु आ मुर दुम्‍‍शा, ग्‍येरसीनेवे” देंत।

यसैया 60:20

मिनु मेना रे इ नां गेनायो मलाक्‍ब। मिनु इ तास्‍ला यो मलाक्‍ब। मारदे हना परमप्रभु यावे गेना हना यो इ छेङछेङ बाक्‍ब। इ रोंका पतीक नाक्‍ती नुप्‍त। यूहन्‍ना ८:१२; याकूब १:१७

यसैया 61:7

मारदे हना गे अरु क्‍येङा निक्‍शी खेयप मुने दोक्‍तीनी। मिनु इन कली ग्रांग्रा दित्‍ताक्‍म। मोपतीके गे इन रागीमी निक्‍शी खेयप रू ताइनीनी। मिनु गेना हना यो ग्‍येरसीतीके गे नु बाक्‍ब।

यसैया 65:18

गेपुकी आं सेल्‍शोमी शुश ग्‍येरसीने। मारदे हना गो यरूसलेम कली कुम्‍सो पपाइश्‍शा, आ मुर नेल्‍ल आन कली ग्‍येरपाइक्‍नुङमी। यसैया ६६:२२; यसैया ३५:१०; यसैया २५:८; प्रकाश २१:४

यसैया 65:19

गो यरूसलेम तशा ग्‍येरसीनुङ, आं मुर आन कली तशा, आं थुं ग्‍येरशा प्रेक्‍ब। मेना मेकेर ङाक्‍शो नु श्‍येत जशा ङाक्‍शो मनेंसीब।

यसैया 9:3

परमप्रभु, गे रागी रागी ङा मुर आन कली सोशा बोशा दुम्‍पाइक्‍तीनी। मेको आन कली थाम्‍पान ग्‍येरपाइक्‍तीनी। मेको आन कली इन ङोंइती बाली नाली ओंइची ना खोदेंशो पा ग्‍येरपाइक्‍तीनी। लडाइ ग्राशा, आन रोइश्‍शो मार मार योक्‍सीची ना खोदेंशो पा ग्‍येरपाइक्‍तीनी।

येरमीया 30:19

मेकेर ‘गे रिम्‍शो पाइब बाक्‍नीनी’ दे कुम्‍सो पशो नु थुं नाइश्‍शा बाक्‍शो ग्‍येरशो सेंदा नेंसीब। गो मेको आन कली शुश सेल्‍नुङमी। मिनु मेकोपुकी इच्‍का का ला मदुम्‍नीम। गो मेको आन कली मान ताइब सेल्‍नुङमी। मिनु मेको आन कली सुइम शुक्‍शी मपाइनीम।

येरमीया 33:11

थुं नाइश्‍शा बाक्‍तीक, ग्‍येरशो सेंदा, ग्‍युम्‍ली ग्‍युम्‍ले आन सेंदा, कुम्‍सो पशो सेंदा नु परमप्रभु यावे आ खिंम, गे रिम्‍शो पाइब बाक्‍नीनी’ देंशा सेंदा लेंशा नेंसीब। मुर नेल्‍ल आन परमप्रभु यावे कली ‘परमप्रभु यावे, गे शिशी पाइब बाक्‍नीनी’ देनीन। मारदे हना मेको रिम्‍शो पाइब बाक्‍ब। मेको आ दाक्‍तीक गेना हना यो बाक्‍ब। गो रागी ङा मुर आन कली ङोंइती ङा खोदेंशो पा थुं नाइक्‍चा गेनुङ” दे परमप्रभु यावेम देंत। येरमीया ७:३४; एज्रा ३:११; बजन संग्रह १०६:१

मत्ती 20:28

रागीम जरमेशो मान पपांइसीचा कली जाक्‍शो ममाइ। तन्‍न गेय पथ नु शुश मुर आन कली प्रोंइचा कली आ गिंम सोइक्‍थ जाक्‍शो बाक्‍ब” दे माइक्‍तीमी। फिलिप्‍पी २:७; १पत्रुस १:१८-१९

यूहन्‍ना 16:22

मिनु मेको खोदेंशो पा गेपुकी मुल थुं खाइश्‍शो बाक्‍नीनी। तन्‍न गो इन कली लेंशा तङानु, गेपुकी थमा पा ग्‍येरसीनीनी। मिनु इन ग्‍येरसीशो सुइमी क्‍याम्‍ने मचाप्‍नीम।

१ तिमोथी 2:6

मेकोमी मुर नेल्‍ल आन कली पाप रे प्रोंइचा, दे आंम कली जिम्‍मा गेप्‍तु। एको लोव़ मेना रे शेंचा गोम्‍तेक्‍म। गलाती १:४; गलाती २:२०; तीतस २:१४

यहूदा 1:21

परमप्रभु यावेम इन कली दाक्‍ब, दे मिम्‍ना मिम्‍न बाक्‍कीन। इं प्रभु येसु ख्रीस्‍तमी इन कली दाक्‍शा, शिशी पशा, इन कली गेना हना यो परमप्रभु यावे नु बाक्‍चा गेब, दे रिम्‍शा बाक्‍कीन।

प्रकाश 18:20

मिनु स्‍वर्गमी बाक्‍ब नेल्‍ले ग्‍येरसीने। परमप्रभु यावे आ योव़शोपुकी, ख्रीस्‍त आ सोइश्‍शोपुकी नु परमप्रभु यावे आ लोव़ पाइबपुकी ग्‍येरसीने। मारदे हना, परमप्रभु यावेमी इन कली गेशो श्‍येत आ पर्बम मेको कली सजाइ गेप्‍तु” देंशो नेंता। येरमीया ५१:४८

प्रकाश 21:4

परमप्रभु यावेमी मेको मुर आन कली लेम्‍शा, आन प्रेक्‍कु फिक्‍ब। मुल रे मुरपुकी मबेक्‍नीम। मोपतीके रोंका मपाइनीमी, मङाक्‍नीमी, श्‍येत यो मजाइनीम। मारदे हना ङोंइती मार मार बाक्‍मा, मेको नेल्‍ल नुप्‍तेक्‍म” दे ठेयब सेंदामी देंशो नेंता। प्रकाश ७:१७; यसैया २५:८; यसैया ३५:१०; यसैया ६५:३९