यसैया 34:6 - Sunuwar Bible

⁶ परमप्रभु यावे आ तरवार हुशेम ग्रुम्‍शो बाक्‍ब। बोंसो लुम्‍सीशो बाक्‍ब। मेको क्‍यारश भेडा आन हुश नु बोका आन चिच ङा बोंसो लुम्‍सीशो बाक्‍ब। मारदे हना बोज्रामी परमप्रभु यावेमी ठेयब चढ़ेतीक गेय पाइब। एदोम रागीमी शुश मुर आन कली साइक्‍ब। यसैया ६३:१

यसैया 34:6 ပူးပေါင်းရင်းမြစ်များ

२ सामुएल 1:22

योनाथन आ लिब्रा साइक्‍चा पुंइसीशो जोरी सत्रु आन हुश नु बोल्‍यो मुर आन बोंसो मलुम्‍सीथु, गेनायो मले। सावल आ तरवार यो मोशा मले।

१ इतिहास 1:44

मिनु बेला बेक्‍म नोले बोज्रा सहर ङा जेराह आ तौ योबाब पिप दुम्‍माक्‍त।

भजन संग्रह 137:7

परमप्रभु यावे, यरूसलेम खतम दुम नाक्‍ती एदोम ङा मुर मार पामे, मेको मिम्‍तीन। मेकोपुकीमी “एको कली प्रेतीन। जग रेन खतम पोक्‍कीन” दे वाइ ब्रेत्‍तेक्‍म। भजन संग्रह ७९:१२; ओबदिया १०:१५

यसैया 29:2

मो हना यो, गो मेको कली श्‍येत गेनुङ। मेकेर ङाक्‍शा, रोंका पाइनीम। यरूसलेम आं कली अरीएल का बाक्‍ब।

यसैया 34:5

परमप्रभुमी “आं तरवारम सरीङमी गेय थुम्‍शा नोले, गो एदोम तारी लाइनुङ। गो मेकेर ङा मुर आन कली निसाफ पाइनुङ” देंत। ब्‍यवस्‍था ३२:४१-४२; येरमीया ४९:७-२२

यसैया 63:1

एदोम रे सु जाक्‍ना जाक्‍न बाक्‍बा? लल जिशो वा फेक्‍शा, बोज्रा रे जाक्‍ब सु बाक्‍मे? मेको दारशो वा फेक्‍‍शा, ठेयब सक्तिमी गाक्‍ब सु बाक्‍म। “गो ठीक पतीके लोव़ पाइनुङ। गो पाप रे प्रोंइतीक सक्ति पाइश्‍शो नङ” देंत। यसैया ३४:६

यसैया 63:3

मिनु मेकोमी “गो आं कान अङगुर ख्राक्‍ता। गो नु जात जात ङा मुर सुइ मबाक्‍म। मिनु गो गाइश्‍शा, मेको आन कली ख्राक्‍ता। चुरशा मेको आन कली दिम्‍ताक्‍ङमी। मेको आन रस आं वाम ब्रुंइसाक्‍व। मिनु आं वा नेल्‍ल लल दुम्‍त। योएल ४:१३; प्रकाश १४:२०

यसैया 65:12

गो इन कली तरवारम साइक्‍पाइक्‍चा कली जिम्‍मा गेनन्‍नी। गे क्‍योरपांइसीचा कली गुर ब्‍वेनीनी। मारदे हना गो इन कली ब्रेत्‍तुनु, गे आं लोव़ मलेत्‍तीनी। गो लोव़ पङानु, गे मनेंनी। गो आं ङोंइती मरिम्‍शो नु आं मदाक्‍शो गेय ला योव़शा, पाइतीनी” देंत। यसैया ६६:४; येरमीया ७:१३

येरमीया 12:12

गोरशो रागी ङा डांडा मेर नेल्‍ल श्‍येत्‍थ पोक्‍बपुकी क्राक्‍थ्री चोक्‍थ्री पा जाक्‍शो बाक्‍नीम। मारदे हना परमप्रभु यावे आ तरवारम रागी आ सुर का रे अर्को सुर सम्‍म क्‍योरब। मिनु सुइ मब्रोंइनीम।

येरमीया 25:34

गे गोठलापुकी रोंका पने। मिनु वाइ ब्रेश्‍शा ङाक्‍कीन। गे मेको बगाल ङा लां कोंइबपुकी पुलुम दिङ दाङ गोलीन। मारदे हना इन कली क्‍योरशा साइक्‍तीक नाक्‍त जाक्‍शो बाक्‍ब। गेपुकी गोल्‍नीनी। मिनु शुश क्‍येट लाइब ग्‍योंब खोदेंशो पा प्रोल्‍चा पुंइसीनीनी। येरमीया २३:१

येरमीया 46:10

मेको नाक्‍ती परमप्रभु, मुर नेल्‍ल आन परमप्रभु यावे आ नाक्‍त बाक्‍ब। मेको क्‍येक्‍क लेत्‍तीक नाक्‍ती बाक्‍ब। आंम जोरी सत्रु आन कली क्‍येक्‍क लेत्‍तीक नाक्‍ती बाक्‍ब। मुरुम तरवारम साइक्‍नीम। तरवार हुश तूशा, आ तूतू दाक्‍शो रू‍ब। मारदे हना मुर नेल्‍ल आन परमप्रभु यावेमी उत्तर गे ङा रागीमी, युफ्रेटीस खोला आ नेक्‍था क्‍योरशा चढ़ेब। यसैया २:१२; ब्‍यवस्‍था ३२:४१-४२

येरमीया 49:13

मारदे हना बोज्रा ब्रेश्‍शा हिंचा ङा, शुक्‍शी पाइक्‍चा पुंइसीब, श्‍येत्‍थ नु सराप पाइक्‍तीके दुम्‍ब, दे आं नेंम कसम जाता। मिनु आ सहर नेल्‍ले गेना हना यो कली ब्रेश्‍शा लीनीम” देंत।

येरमीया 49:7

मुर नेल्‍ल आन परमप्रभु यावेमी एदोम आ पर्बम “मुल तेमान सहरम तुइक्‍तीक मबाक्‍बा ङा? मार, रुप्‍ब मुर आन अर्ती जाम्‍शा लमे? मार, मेको आन रुप्‍तीक योल्‍मे?

येरमीया 50:27

मेको आ सांढे ब्‍यफ नेल्‍ल सतीन। मेको आन कली क्‍योरचा कली लतीन। आबी, आबी, मेको आन नाक्‍ती जाक्‍त। मेको आन कली सजाइ गेतीक नाक्‍ती जाक्‍त।

येरमीया 51:40

मिनु परमप्रभु यावेमी “गो मेको आन कली क्‍योरचा कली कीशा लाइश्‍शो पाठा, सांड नु क्‍यारश खोदेंशो पा चाक्‍नुङमी।

इजीकीएल 21:10

मेको मुर साइक्‍चा कली शेप्‍शो बाक्‍ब। चिला दाप्‍शो खोदेंशो पा टल्‍केपपाइक्‍चा कली शेप्‍शो बाक्‍ब। दोपा ग्‍येरसीने चाप्‍नीनी? आं मुरपुकीम आं सजाइ गेतीके ममिम्‍तेक्‍म।

इजीकीएल 35:15

मारदे हना गे इस्राएल मुर मबाक्‍तीके दुम्‍मेनु, आं के दुम्‍त, दे ग्‍येरसीशो बाक्‍ते। मोपतीके, गो यो इ कली मोदेंशोन पाइनुङ। गे सेइर पहाड नु एदोम नेल्‍ल मुर मबाक्‍तीके दुम्‍नीनी। मिनु गोन परमप्रभु यावे नङ, दे तुइक्‍नीनी” देंत।

इजीकीएल 35:8

गो इ पहाड नेल्‍ल साइश्‍शो मुरपुकीम प्रिंनुङ। तरवारम साइश्‍शोपुकी इ डांडा मेर, इ बेंसी मेर नु इ खोल्‍सा मेर गोल्‍‍नीम।

आमोस 1:11

मिनु परमप्रभु यावेम “गो एदोम आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोमी शिशी मपथु, आ लोक्‍ब आन कली तरवार शेशा, खेदा पाप्‍तु। मेको आ गाइश्‍शो गेना हना यो लीशा, ईख कुरशा बाक्‍त। ओबदिया १०:-; ब्‍यवस्‍था २३:८; येरमीया ४९:७

सेफन्‍याह 1:7

परमप्रभु, परमप्रभु यावे आ ङोंइती सिक्‍सी पने। मारदे हना परमप्रभु यावे आ नाक्‍त जाक्‍चा चिक्‍शो बाक्‍ब। परमप्रभु यावेमी चढ़ेतीक चाड का ठीक पाप्‍तु। परमप्रभु यावेमीआ ब्रेश्‍शो मुर आन कली ठीक सेल्तीमी। हबकुक २:२०

ब्‍यवस्‍था 32:14

मिनु बी आन दूध के दहि, भेडा आन दूध नु पाठा नु सांड आन बोंसो ब्‍वचा गेप्‍तु। बाशान ङा ब्‍यफ नु क्‍यारश आन श्‍ये ब्‍वचा गेप्‍तु। नेल्‍ल क्‍येङा रिम्‍शो चेरब फस जशा, अङगुर शांबु तूशा बाक्‍ते।

ब्‍यवस्‍था 32:41

गो आं टल्‍केशो या शेप्‍ता हना, आं गुइमी निसाफ पचा कली ग्‍याइक्‍ताक्‍ङ हना, आं जोरी सत्रु आन कली क्‍येक्‍क लेत्‍नुङ। आं कली काइ मदाक्‍ब आन कली क्‍येक्‍क लेत्‍नुङ। येरमीया ४६:१०