यसैया 34:4 - Sunuwar Bible

⁴ सरीङ ङा मारेइ मारेइ जाम्‍नीम। सरीङ कागज खोदेंशो पा ओल्‍सीब। सोरुल अङगुर बोट आ सोव़शो सफा नु फोव़शी रवा आ सोव़शो गेडा खोदेंशो दुम्‍नीम। प्रकाश ६:१३-१४

यसैया 34:4 ပူးပေါင်းရင်းမြစ်များ

यसैया 13:10

सरीङ ङा सोरुलपुकीम आन छेङछेङ साम्‍नीम। नां दाप्‍ना दाप्‍न छिङछिङ दुम्‍ब। तास्‍लाम छेङछेङ मगेब।

यसैया 13:13

मिनु आं गाइक्‍तीक नाक्‍ती गो सरीङ कली हिम्‍पाइक्‍नुङ। रागी यो आं गाइश्‍शोमी आ बाक्‍तीक रे प्रेक्‍शा ग्रूब” दे मुर नेल्‍ल आन परमप्रभु यावेमी देंत।

यसैया 14:12

गे सुनी आ तौ, सुकुर सोरुल, दोपा सरीङ रे दोक्‍ङे? रागी रागी ङा मुर आन कली ग्राब, दोपा क्‍योरचा पुंइसीशा दोक्‍ङे?” देंनीम।

यसैया 51:6

मिनु सरीङ गे कोव़ङीन। खप गे कोव़ङीन। मारदे हना सरीङ कुन खोदेंशो पा जाम्‍ब। रागी वा खोदेंशो पा जेक्‍ब। रागीम बाक्‍ब मुर नेल्‍ल भुस्‍ना खोदेंशो पा बेक्‍नीम। आं पाप रे प्रोंइतीके चहिं गेना हना यो लीशा बाक्‍ब। आं ग्रातीके गेनायो मनुप्‍‍ब। भजन संग्रह १०२:२६-२७; मत्ती २४:३५

योएल 2:10

मिनु मेको आन ङोंइती रागीम ख्रिनु कुइब। सरीङ हिम्‍सीब। नां नु तास्‍ला छिङछिङ दुम्‍नीस। मिनु सोरुलमी आन हाम्‍सो मकोंइनीम। योएल ३:४; यसैया १३:१०

योएल 3:15

नां नु तास्‍ला छिङछिङ दुम्‍नीस। मिनु सोरुलपुकीमी आन छेङछेङ मकोंइनीम” देंत। योएल २:१०; योएल ३:४

मत्ती 24:29

रागीम मोदेंशो श्‍येत दुम्‍ने नुम चोटी, सरीङमी चिन्‍ड तांइसीनीम। नां आ छेङछेङ जाम्‍शा, जिक रिक्‍शो तांइसीब। तास्‍ला आ हाम्‍सो यो जाम्‍ब, सोरुल खपीम दोक्‍नीम। सरीङ ङा सक्ति हिम्‍सीनीम। यसैया १३:१०; प्रेरित ६:१२-१३; २पत्रुस ३:१०

मत्ती 24:35

सरीङ नु रागी नेल्‍ल जाम्‍शा लाइनीम, आं लोव़ चहिं गेना हना यो लीब। मत्ती ५:१८; यसैया ५१:६

हिब्रू 12:27

“मुल यो लेंशा काले हिम्‍नुङ” देंशो लोव़ रे मार रुम्‍सीब देंशा हना, हिम्‍सीबपुकी सेल्‍चा पुंइसीशो बाक्‍नीम। मिनु फाइक्‍चा पुंइसीनीम। महिम्‍सीबपुकी चहिं लीनीम, दे रुम्‍सीब।

प्रकाश 20:11

मिनु नोले गो ठेयब बुश नित्‍तीके का नु मेकेर निप्‍ब कली ताता। रागी नु स्‍वर्ग मेको कली तशा प्रोक्‍ताक्‍स। मिनु मेको आस कली बाक्‍तीके मबा। मत्ती २५:३१-४६; २पत्रुस ३:७,१०,१२

प्रकाश 6:12

मिनु पाठामी मेको लीशो छाप निक्‍शी रे का प्राक्‍गानु, ठेयब ख्रिनु कुत। मिनु नां कुंखी खोदेंशो क्‍येर दुम्‍त। तास्‍ला चहिं हुश खोदेंशो लल दुम्‍त। यसैया २४:२१-२३; योएल ३:३-४; मत्ती २४:२९

प्रकाश 8:12

मिनु लीशो ४ जना परमप्रभु यावे आ स्‍वर्ग ङा गेय पाइब ङा कामी तुराही ताप्‍तु। मिनु नां तास्‍ला नु सोरुल आन भाग सां ङा भाग का खतम दुम्‍तेक्‍म। मोपा छेङछेङ ङा भाग सां ङा भाग का छिङछिङ दुम्‍त। नाक्‍त ङा भाग सां ङा भाग का यो छिङछिङ दुम्‍त। मिनु नाक्‍दो ङा भाग सां ङा भाग का यो छिङछिङ दुम्‍त। प्रकाश ६:१२; प्रस्‍थान १०:२१