यसैया 34:2 - Sunuwar Bible

² मारदे हना परमप्रभु यावे रागी रागी नेल्‍ल आन पर्बम गाइक्‍ब। मेको आन लडाइ पाइब आन पर्बम चुरब। मेको आन कली क्‍याम्‍चा कली साइक्‍ब कली गेशो बाक्‍ब।

यसैया 34:2 ပူးပေါင်းရင်းမြစ်များ

भजन संग्रह 2:5

मिनु नोले मेको गाइश्‍शा, लोव़ पाइब। मोपा चुरशा, मेको आन कली हिंच कोंइब। यसैया ३४:२; प्रकाश ६:१५-१७

प्रस्‍थान 8:14

मुरुमी बेक्‍शो क्रुक्‍क्रु नेल्‍ल खुप्‍ताक्‍म। मिनु रागी नेल्‍ल थाम्‍पा रिना पाइक्‍तु।

यसैया 10:5

आबी, अस्‍सुर रागी, गे आं गाइक्‍तीक ङा कोर्रा, आं गाइक्‍तीके कोक्‍के कुरब दुम्‍ते। यसैया १०:१५

यसैया 13:5

मेकोपुकी ङोन रागी रे जाक्‍नीम। रागी ङा सुर रे पा जाक्‍नीम। मिनु परमप्रभु यावेमी गाइश्‍शा, या शेशा रागी नेल्‍ल खतम सेल्‍पाइक्‍ब। योएल १:१५

यसैया 13:6

ठेयब सेंदा पा ङाक्‍कीन। मारदे हना परमप्रभु यावे आ नाक्‍त जाक्‍चशो बाक्‍ब। नेल्‍ल क्‍येङा ठेयब सक्ति पाइश्‍शो परमप्रभु मेको नाक्‍ती खतम पोक्‍थ जाक्‍ब।

यसैया 26:20

आं मुरपुकी जाक्‍शा, इन खिं ओव़ङीन। मिनु इन नोले लाप्‍चो चोक्‍कीन। गाइक्‍चा मनुम्म सम्‍म इच्‍का नाक्‍ती ख्रुंइ‍सीन। मत्ती ६:६

यसैया 30:25

आइक्‍च नु ठेयब डांडा नेल्‍ल रे ब्‍वाक्‍कु बुक्‍शा, खोल्‍सा नु खोला यिशा, ठेयब लडाइ दुम नाक्‍ती गारो ङा लाइश्‍शो खिं यो ब्रेत्‍नीम।

यसैया 61:2

मिनु आं कली परमप्रभु यावे आ शिशी पाइब बर्स नु आंइ परमप्रभु आ क्‍येक्‍क लेत्‍तीक नाक्‍त नु रोंका पाइब आन थुं बारपाइक्‍तीक नाक्‍त बाक्‍ब, दे तुइक्‍पाइक्‍चा कली यो सोइक्‍ताक्‍यी। लेवी २५:१०,१३; यसैया ६३:४

यसैया 63:6

मिनु गो गाइश्‍शा जात जात ङा मुर आन कली दिम्‍ताक्‍ङमी। गो चुरशा मेको आन कली खतम सेल्‍तामी। गो मेको आन हुश खपीम जारताक्‍ङ” देंत। यसैया ५१:१७

यसैया 65:12

गो इन कली तरवारम साइक्‍पाइक्‍चा कली जिम्‍मा गेनन्‍नी। गे क्‍योरपांइसीचा कली गुर ब्‍वेनीनी। मारदे हना गो इन कली ब्रेत्‍तुनु, गे आं लोव़ मलेत्‍तीनी। गो लोव़ पङानु, गे मनेंनी। गो आं ङोंइती मरिम्‍शो नु आं मदाक्‍शो गेय ला योव़शा, पाइतीनी” देंत। यसैया ६६:४; येरमीया ७:१३

यसैया 66:14

गेपुकी मेको कली तशा, शुश ग्‍येरशा, इन थुं बारपाइक्‍नीनी। गे घांस बारशो खोदेंशो पा बारनीनी” देंत। परमप्रभु यावेमी आ गेय पाइब आन कली वारच पाइब, दे मुर नेल्‍लेमी तुइक्‍नीम। मेको आ जोरी सत्रु आन पर्बम गाइक्‍ब।

यसैया 66:16

मारदे हना परमप्रभु यावेमी मीमी निसाफ पाइब। मुर नेल्‍ल आन कली आ तरवारम निसाफ पाइब। मिनु परमप्रभु यावेमी मोपा साइश्‍शो शुश दुम्‍‍नीम।

येरमीया 25:31

मेको रेयके पा, थोप्‍ला दाइश्‍शो, रागी ङा सुर सम्‍म नेंसीब। मारदे हना परमप्रभु यावेम रागी रागी आन कली दोस गेब। मिनु मेकोमी मुर नेल्‍ल आन कली निसाफ पाइब। मिनु दोस ताइब तरवारम क्‍योरचा पुंइसीनीम’ दे माइक्‍मी” देंत।

येरमीया 25:32

मुर नेल्‍ल आन परमप्रभु यावेमी “कोव़ङीन शुश श्‍येत दुम्‍तीक रागी का रे अर्को रागी सम्‍म ब्रना ब्रन लाइब। रागी आ सुर रे हिंचा ङा फश गिवार जाक्‍ना जाक्‍न बाक्‍ब” देंत।

येरमीया 25:33

मेको नाक्‍ती परमप्रभु यावे आ साइश्‍शोपुकी रागी आ सुर का रे अर्को सुर सम्‍म बाक्‍नीम। मेको आन पर्बम सुइ रोंका मपाइनीम। मेको बेक्‍शो मुर आन कली सुइमी खुप्‍शा मथिम्‍नीम। मेको आन कली सुइम मथिम्‍नीम। मेकोपुकी खपीम मोव़ल खोदेंशो दुम्‍नीम। येरमीया ९:२१

इजीकीएल 36:5

मोपतीके परमप्रभु, परमप्रभु यावे आं लोव़ नेनीन। गो थाम्‍पा रुश पा, अर्को रागी नु एदोम रागी नेल्‍ल आन कली लोव़ पाइनुङ। मारदे हना मेकोपुकीम आन थुं नेल्‍लेम ग्‍येरसीशा आं रागी आन के सेल्‍तेक्‍म। मारदे हना रिम्‍शो योव़तीक जोतीक बाक्‍शा, मेको आंम कली रोंइसाक्‍म’ देंत। इजीकीएल ३५:१५

सेफन्‍याह 3:8

परमप्रभु यावेमी “मोपतीके लोव़ पचा कली गो मजाक्‍ङा सम्‍म आं कली रिम्‍शा बाक्‍कीन। गो रागी रागी ङा मुर आन कली खुप्‍‍नुङ। गो राज्‍य राज्‍य ङा मुर आन कली ग्रुम्‍पाइ‍क्‍नुङ। मेको आन तारी आं गाइश्‍शो मोइक्‍नुङ। मारदे हना आं मी खोदेंशो पा गाइश्‍शोमी रागी रागी नेल्‍ल ग्रोइश्‍शा खतम दुम्‍नीम। योएल ४:२; भजन संग्रह ७९:६

जकरिया 14:3

मिनु नोले परमप्रभु यावेमी मेको रागी रागी ङा मुर नु लडाइ पाइब। मुरुमी लडाइ पशो खोदेंशो पा लडाइ पाइब। जकरिया १२:३; यसैया ४२:१३; प्रकाश १९:१९

रोमी 1:18

मुरपुकीमी “थमा माइश्‍शो सु बाक्‍मे?” दे तुइक्‍चा मदाक्‍थु, मरिम्‍शो थुं पाइश्‍शो दुम्‍शा, मरिम्‍शो गेय पाम्‍तेक्‍म। मुर आन कली मोदेंशो पशो तशा, परमप्रभु यावेम आ गाइश्‍शो कोंइताक्‍व।

यहोसु 11:20

मारदे हना नेल्‍ल आन कली खतम सेल्‍चा, दे परमप्रभु यावेमी मेको नेल्‍ल आन थुं खकटा सेल्‍शा, नेल्‍ल खतम दुम्‍चा कली इस्राएलीपुकी नु लडाइ पतीक थुं गेप्‍तु। मिनु शिशी मपथु, नेल्‍ल आन कली खतम सेल्‍पाइक्‍तु। परमप्रभु यावेमी मोसा कली अरेशो खोदेंशो दुम्‍त। प्रस्‍थान ४:२१; ब्‍यवस्‍था ७:२

प्रकाश 20:15

सु सु आन नें ब्रोंइतीक किताबमी मब्रेक्‍शो बाक्‍मे, मेको हुरुर पा ब्रशो मीमी हुम्‍चा पुंइसाक्‍म।

प्रकाश 20:9

मिनु सैतान आ फौजपुकी रागी नेल्‍ल साप्‍शा, लडाइ पथ जाक्‍तेक्‍म। मेकोपुकीमी येसु ख्रीस्‍त कली थमा सुइक्‍ब, परमप्रभु यावे आ योव़शो आन बाक्‍तीके नु परमप्रभु यावे आ दाक्‍शो सहर कली पुम्‍ताक्‍म। तन्‍न स्‍वर्ग रे मी दोक्‍शा, मेको पुम्‍ब नेल्‍ल आन कली नेक्‍तीमी।