यसैया 34:12 - Sunuwar Bible

¹² मेको रागी कली राज्‍य मदेंनीम। मेकेर हुकुम पाइब सुइ मलीम।

यसैया 34:12 ပူးပေါင်းရင်းမြစ်များ

यसैया 40:23

मेकोमी सासन पाइब आन कली शोर गाक्‍शो सेल्‍ब। हुकुम पाइब जाम्‍शा लाइनीम।

यसैया 41:24

गे मारेइ मननी। इन पशो नेल्‍ल फश बाक्‍ब। सु सुमी इन कली योव़नीमी मेकोपुकी ग्रांग्रा दिशो बाक्‍नीम।

येरमीया 27:20

मेको बेबीलोन ङा पिप नेबुकदनेसरमी यहूदा ङा पिप येहो-याकीम आ तौ येकोन्‍याह माइश्‍शो येकोन्‍याह नु यहूदा नु यरूसलेम ङा ठेयब मुर नेल्‍ल आन कली यरूसलेम रे ग्‍याइश्‍शा लदमेनु, मेको बोस मलद। येहो-याकीम आ नें २राजा २४:६ योयाकीन बाक्‍ब। तन्‍न येरमीया किताबम २२:२४ आ नें कोन्‍याह बाक्‍ब। मिनु येरमीया २४:१ येकोन्‍याह यो देंनीम।

येरमीया 39:6

मेको रिब्‍लामी बेबीलोन ङा पिपम सिदकीयाह आ तौ आन कली आ ङोंइतीन साइक्‍तीमी। मिनु यहूदा ङा ठेयब मुर आन कली यो साइक्‍तीमी।

१ कोरिन्‍थी 13:2

गो नु परमप्रभु यावे आ लोव़ पतीक सक्ति, ख्रुइश्‍शो लोव़ नेल्‍ल रुप्‍‍तीक सक्ति, नेल्‍ल जोक्‍तीक तुइक्‍तीक सक्ति नु डांडा याक्‍पाइक्‍तीक थमा सुइक्‍तीके बाक्‍त हना, तन्‍न गो नु दाक्‍तीक मबाक्‍त हना, गो मारेइ मनङ। मत्ती ७:२२; मत्ती १७:२०

१ कोरिन्‍थी 8:4

मूर्ति कली चढ़ेशो श्‍ये ब्‍वचा आ पर्बम मार देंनुङ देंशा हना, मूर्तिपुकी सोक्‍त पाइश्‍शो मनम। मेकोपुकी नु मारेइ मबाक्‍ब। परमप्रभु यावे ङा लाक्‍शा सुइ मबाक्‍ब दे तुइक्‍ताक्‍य। ब्‍यवस्‍था ६:४

२ कोरिन्‍थी 12:11

गो निप्‍स ग्राइश्‍शो लोव़ पाइब खोदेंशो दुम्‍ती, दे तुइक्‍ताक्‍ङ। गेपुकीमी मोदेंशो पाइब सेल्‍तीनी। मारदे हना गेपुकीमी आं कली ठेयब सेल्‍चा माल्‍शो, दे तुइक्‍चा माल्‍शो ननी। गो मेको शुश जोक्‍ब तुइक्‍ब देखु पशो सोइश्‍शो आन क्‍येङा आइक्‍च मनङ। मो हना यो गो आइक्‍च दुम्‍ती। २कोरिन्‍थी ११:५