यसैया 34:1 - Sunuwar Bible

¹ गे रागी रागी ङा मुर, आं नेक्‍था जाक्‍कीने। जात जात ङा मुर नोफा दाइश्‍शा नेनीन। रागी नु रागीम बाक्‍शो मारेइ मारेइम नेन्‍मेक्‍ल।

यसैया 34:1 ပူးပေါင်းရင်းမြစ်များ

उत्पत्ती 6:13

मिनु परमप्रभुमी नोआह कली “गो मुर नेल्‍ल आन कली क्‍याम्‍नुङमी। मारदे हना मेको आन पर्बम रागी हुश ख्राक्‍श पोक्‍तीकेमी ब्री‍त। मुर नु रागी नेल्‍ल आन कली क्‍याम्‍नुङ। आमोस ८:२

भजन संग्रह 24:1

रागी नेल्‍ल, मेकेर ङा मारेइ मारेइ नु मेकेर ङा ब्रोंइशा बाक्‍ब नेल्‍ल परमप्रभु यावे केन बाक्‍नीम। यूहन्‍ना १:११; १कोरिन्‍थी १०:२६

भजन संग्रह 50:1

ठेयब सक्ति पाइश्‍शो, परमप्रभु, परमप्रभु यावेमी लोव़ पाप्‍तु। नां दाप्‍तीक रे नां पेरतीक सम्‍म ङा रागी कली लोव़ पाप्‍तु। १इतिहास २५:१

भजन संग्रह 96:10

गे रागी रागी ङा मुर आन दातेमी “परमप्रभु यावे पिप बाक्‍ब” दे शेंदीन। रागी महिम्‍सीचा ङा पा सेल्‍शो बाक्‍ब। मेको मयाक्‍‍सीब। मेकोमी जात जात ङा मुर आन कली कुल मकोव़थु निसाफ पाइब। भजन संग्रह ९३:१

यसैया 1:2

सरीङ नु रागीम बाक्‍बपुकी नोफा दाइश्‍शा नेनीन। मारदे हना परमप्रभु यावेमी “गो आं आल आन कली थुल्‍शा, कोल्‍पाइक्‍तामी। मेकोपुकीम चहिं आं कली मटीयीमी। ब्‍यवस्‍था ३२:१; ब्‍यवस्‍था ३२:५-६

यसैया 18:3

गे रागी रागीम बाक्‍ब मुरपुकी, रागी नेल्‍लेम ब्रोंइबपुकी डांडाम छेदर ख्रुक्‍शो ताइतीनी हना, कोव़ङीन। तुराही ताप्‍शो बाक्‍त हना, नेनीन।

यसैया 33:13

गे ङोन रागी ङा मुरपुकी, गो मार पशो बाक्‍नुङा, मेको नेनीन। गे आं नेक्‍था बाक्‍बपुकी आं सक्ति तुइक्‍तीन।

यसैया 41:1

परमप्रभु यावेमी “समुन्‍द्र आ नेक्‍था बाक्‍ब मुरपुकी सिक्‍सी पा आं लोव़ नेनीन। जात जात ङा मुरपुकीम आन सक्ति लेंशा तामेक्‍ल। मिनु मेकोपुकी आं नेक्‍था जाक्‍शा, लोव़ पामेक्‍ल। गो काथा निसाफ पतीकेम बुक्‍य।

यसैया 43:9

रागी रागी ङा मुर नेल्‍ल खुम्‍समल। जात जात ङा मुर नेल्‍ल बुक्‍‍मल। मेको आन दातेमी सुमी एको लोव़ पवा? मुल मार दुम्‍मे? सुम ङोंइती मेको नोले दुम्‍ब लोव़ पवा? आ सांकछी ब्रेश्‍शा, चाक्गल। मिनु मुरुमी मेको नेंशा ‘थमा बाक्‍ब’ देंमल” देंत। यसैया ४१:२२,२६

यसैया 48:16

आं नेक्‍था जाक्‍शा, एको लोव़ नेनीन। गो ङोंइती रे ख्रुइश्‍शो लोव़ काइ मपङ। एको गोशो रे गो बाक्‍शो नङ। मुल परमप्रभु, परमप्रभु यावेमी आ सोक्‍त गेशा, आं कली सोइक्‍ताक्‍यी” देंत। यसैया ४५:१९

यसैया 49:1

गे समुन्‍द्र आ नेक्‍था बाक्‍बपुकी, होस पने। गे ङोन रागी ङा मुरपुकी, होस पने। परमप्रभु यावेमी आं कली आ जरमेचा क्‍येङा ङोंइती रेन ब्रेश्‍शो बाक्‍त। गो आं ममा आ कोव़जीम बाक्‍ङानु, मेकोमी आं कली नें गेती।

यसैया 63:1

एदोम रे सु जाक्‍ना जाक्‍न बाक्‍बा? लल जिशो वा फेक्‍शा, बोज्रा रे जाक्‍ब सु बाक्‍मे? मेको दारशो वा फेक्‍‍शा, ठेयब सक्तिमी गाक्‍ब सु बाक्‍म। “गो ठीक पतीके लोव़ पाइनुङ। गो पाप रे प्रोंइतीक सक्ति पाइश्‍शो नङ” देंत। यसैया ३४:६

येरमीया 22:29

ए रागी, रागी ङा मुर नेल्‍ल, परमप्रभु यावे आ लोव़ नेनीन।

येरमीया 49:7

मुर नेल्‍ल आन परमप्रभु यावेमी एदोम आ पर्बम “मुल तेमान सहरम तुइक्‍तीक मबाक्‍बा ङा? मार, रुप्‍ब मुर आन अर्ती जाम्‍शा लमे? मार, मेको आन रुप्‍तीक योल्‍मे?

इजीकीएल 38:17

मिनु परमप्रभु, परमप्रभु यावेमी “साइ आं गेय पाइब, इस्राएल ङा आं लोव़ पाइबम इ पर्बम लोव़ मपामे ङा? मेना मेकोपुकीम शुश बर्स सम्‍म ‘गो इ कली इस्राएली नु लडाइ पथ सोइक्‍नुङ’ दे आं लोव़ पाम्‍तेक्‍म” देंत। सेफन्‍याह ३:८

ओबदिया 1:1

परमप्रभु यावेमी ओबदिया कली कोंइशो लोव़ मार बाक्‍त देंशा हना, परमप्रभु, परमप्रभु यावेमी एदोम आ पर्बम लोव़ पाप्‍तु। गोपुकीमी परमप्रभु यावे रे लोव़ का नेंतक। मेकोम रागी रागीम लोव़ कुरब मुर का सोइक्‍ताक्‍व। मेकोमी “बोक्‍कीन। गो मेको नु लडाइ पथ लय।

१ कोरिन्‍थी 10:26

रागी नु रागीमी मार मार बाक्‍मा, मेको नेल्‍ल प्रभु के बाक्‍ब दे रुपीने। भजन संग्रह २४:१

ब्‍यवस्‍था 32:1

“सरीङ, गो मार देंनुङा, नोफा दाइश्‍शा नेनो। रागीम, आं लोव़ नेनल। यसैया १:२

ब्‍यवस्‍था 4:26

गो मुलाक्‍ती सरीङ नु रागी कली इन दूली पशो आ पर्बम सांकछी वोइक्‍नुङ। गे यर्दन आइक्‍ची हांबु ङा इन के सेल्‍चा चिक्‍शो रागीम रीब पा खतम दुम्‍नीनी। गे शुश नाक्‍त मेकेर बाक्‍चा मताइनीनी। गे क्‍याम्‍चा पुंइसीनीनी। ब्‍यवस्‍था ३०:१९; ब्‍यवस्‍था ३१:२८; ब्‍यवस्‍था ३२:१;

प्रकाश 2:7

परमप्रभु यावे आ सोक्‍तीमी थमा सुइक्‍ब मुर आन कली शेंशो लोव़ सु सुमी नेंने चाप्‍नीमी, मेकोमी नेन्‍मेक्‍ल। सु सुमी सैतान कली ग्रानीमी, मेको आन कली परमप्रभु यावे आ रूमी बाक्‍ब ब्रोंइतीक रवा आ फल ब्‍वचा गेनुङ” दे ब्रेक्‍पाइक्‍ती। प्रकाश २२:२; उत्‍पत्ती २:९

न्‍यायाधीस 5:3

पिपपुकी, नेनीन। सासन पाइबपुकी, इन नोफा दाइक्‍तीन। नेनीन। गो परमप्रभु यावे कली कुम्‍सो पाइनुङ। गो परमप्रभु यावे, इस्राएली आन परमप्रभु कली ताप्‍तीक का ताप्‍शा, कुम्‍सो का पाइनुङ।

न्‍यायाधीस 5:31

मिनु परमप्रभु यावे, इन जोरी सत्रु नेल्‍ल मोपान खतम दुम्‍मल। इन कली दाक्‍बपुकी चहिं सुनी दाप्‍शो नां खोदेंशो पा ब्रशा सक्ति पाइश्‍शो दुम्‍शा, बाक्‍मल” दे कुम्‍सो पाम्‍से बाक्‍त। मिनु ४० बर्स सम्‍म मेको रागीमी लडाइ मदुम्‍माक्‍त। ब्‍यवस्‍था ६:५