यसैया 33:8 - Sunuwar Bible

⁸ ठेयब लां श्‍येत्‍थ दुम्‍शो बाक्‍नीम। मुर मेको लांम मगाक्‍नीम। गारपाइक्‍तीक लोव़ क्‍याम्‍सीशो बाक्‍ब। सांकछीपुकी महिक्‍सीब दुम्‍शो बाक्‍नीम। आन कसम जशो जाम्‍त। आन पचा माल्‍शो गेय मपाइनीम।

यसैया 33:8 ပူးပေါင်းရင်းမြစ်များ

भजन संग्रह 10:5

मोपा यो मारेइ मारेइम गाप्‍शा श्‍येत मजाइनीम। मारदे मेकोपुकीमी इन निसाफ पशो मताइनीमी? मेकोपुकीमी आन जोरी सत्रु आन क्‍येङा महिंथु मेको आन कली ग्रानीम। आमोस ६:३

यसैया 24:5

रागीम बाक्‍ब मुरपुकीमी रागी कली खतम सेल्‍नीम। मारदे हना मेकोपुकीमी परमप्रभु यावे आ अरेशो मटीम। परमप्रभु आ फुल्‍लुम मुशा ब्रेक्‍शो लोव़ कली ममिम्‍तेम। आ गेना हना यो लीब कबल पशो मखबेम।

यसैया 35:8

मेकेर ठेयब लां का दुम्‍ब। मेको लां कली “परमप्रभु यावे आ लां बाक्‍ब” दे नें वोइक्‍नीम। ग्रांग्रा दिशो मुर मेको लां लचा मताइनीम। परमप्रभु आ मुर ला मेको लां लचा ताइनीम। सु सु मेको लां लाइनीमी, मेकोपुकी मूर्ख बाक्‍तेक्‍म हना यो, मजाम्‍नीम। यसैया ५६:३-८; येरमीया ३१:८

यसैया 36:1

पिप हिज्‍कीयाहम सासनम पवा आ १४ बर्सम, अस्‍सुर ङा पिप सन्‍हेरीबम यहूदा ङा गारो हिरशो सहर आन कली लडाइ पा ग्रा‍त।

बिलाप 1:4

सियोन लतीक लां रोंका पाइनीम। मारदे हना सुइमी चाड मानेचा कली मेकेर रे मगाक्‍नीम। सहर ङा ठेयब लाप्‍चो नेल्‍ल श्‍येत्‍थ बाक्‍नीम। आ चढ़ेबपुकी हुकयी पाइनीम। आ मीश आल सुर्ता पाइनीम। मिनु सहरम श्‍येत जशो बाक्‍ब।

लेवी 26:22

गो इन दातेमी ब्‍वाकी ङा जन्‍तुपुकी सोइक्‍नुङमी। मेकोमी इन आल आन कली ब्‍वाइनीम। मिनु इन बस्‍तु भाव साइक्‍नीम। मिनु गे का निक्‍शी ला दुम्‍तीके इन लां नेल्‍ल श्‍येत्‍थ दुम्‍नीम। इजीकीएल ५:१७

न्‍यायाधीस 19:17

मिनु मेको खाल्‍पामी इर कोव़शा सहर ङा चोकमी बाक्‍शो लां गाक्‍ब मुर आन कली तवा बाक्‍त। मिनु लशा मेको आन कली “ते रे पिनी? ते लाइनीनी?” दे हिल्‍लो पवा बाक्‍त।

न्‍यायाधीस 5:6

अनाथ आ तौ शाम्‍गार आ पालामी, याएल बाक्‍म सम्‍म ग्‍याप्‍ब लेयब आन हुल ठेयब लां मगाक्‍ब दुम्‍तेक्‍म। मुरपुकी ख्रुइश्‍शो लांमी गाक्‍चा गोम्‍तेक्‍म। न्‍यायाधीस ३:३१

१ सामुएल 17:10

मिनु लेंशा “गो मुलाक्‍ती इस्राएल ङा लडाइ पाइ‍ब आन कली आइक्‍च मिम्‍नुङ। मुर का सोइक्‍तीन। मिनु गो लडाइ पाइक्‍नस्‍कु” देंमाक्‍त। २राजा १९:१६; भजन संग्रह ७४:१८; सेफन्‍याह २:८

१ सामुएल 17:26

मिनु दाऊदमी आ नेक्‍था बाक्‍ब आन कली “मेरे पलिस्‍ती कली साइक्‍ब नु इस्राएली आन कली मुने दोक्‍तीक रे प्रोंइबमी मार ताइबा? गेना हना यो ब्रोंइशा बाक्‍ब परमप्रभु आ लडाइ पाइब आन कली शुक्‍शी पाइब मेरे ख्रोइक्‍तीक चिनु मख्रोइश्‍शो पलिस्‍तीम मार मिम्‍बा?” देंमाक्‍त।