यसैया 33:22 - Sunuwar Bible

²² मारदे हना परमप्रभु यावे आंइ कली निसाफ पाइब बाक्‍ब। परमप्रभु यावे आंइ कली सासन पाइब बाक्‍ब। परमप्रभु यावे आंइ पिप बाक्‍ब। मेकोमी आंइ कली श्‍येत रे प्रोंइब।

यसैया 33:22 ပူးပေါင်းရင်းမြစ်များ

उत्पत्ती 18:25

ममाइ, गे मोदेंशो पा मक्‍याम्‍नीनी। गे ठीक पाइब नु मरिम्‍शो पाइब आन कली खाल का ङा पा मसाइक्‍नीनी। थमान, ठीक पाइब नु मरिम्‍शो मुर आन कली खाल का ङा मपाइनीनी। गे रागी रागी ङा निसाफ पाइब बाक्‍शा, ठीक निसाफ पाइनीनी” देंमाक्‍त। भजन संग्रह ८२:१; भजन संग्रह ९४:२

नेहेम्‍याह 10:14

ठेयब मुरपुकी पारोश, पहाथ-मोआब, एलाम, जत्‍तु, बानी,

भजन संग्रह 44:4

गे आं पिप नु आं परमप्रभु बाक्‍नीनी। याकूब कली ग्रापतीन।

भजन संग्रह 44:5

इन पतीकेमी आंइ जोरी सत्रु आन कली ग्रानीकी। इन नेंमी आंइ जोरी सत्रु आन कली दिम्‍शा साइक्‍नीकी।

भजन संग्रह 50:6

मिनु स्‍वर्गम बाक्‍बपुकीमी “एको ठीक पाइब बाक्‍ब। मारदे हना परमप्रभुमी एको मुर आन कली निसाफ पाइब” देंनीम। ठेयब सेंदा पा।

भजन संग्रह 74:12

परमप्रभु, गे साइ नेसी रे ङा आं पिप बाक्‍नीनी। गे रागी रागी आन कली प्रोंइनीनी।

भजन संग्रह 75:7

तन्‍न परमप्रभुमी मुर आन कली निसाफ पाइब। मेकोमी का निक्‍शी आन कली दिप्‍ब, का निक्‍शी आन कली क्‍युक्‍ब। १सामुएल २:७

भजन संग्रह 89:18

आंइ तेक्‍तीके, आंइ पिप इस्राएल ङा परमप्रभु यावे केन बाक्‍ब।

भजन संग्रह 98:9

मारदे हना परमप्रभु यावे रागी कली निसाफ पथ जाक्‍ब। मेकोमी ठीक पा जात जात ङा मुर आन कुल मकोव़थु निसाफ पाइब।

यसैया 1:10

सोदोम ङा सासन पाइबपुकी, परमप्रभु यावे आ लोव़ नेनीन। गोमोररा ङा मुरपुकी आंइ परमप्रभु आ शेंशो लोव़ नेनीन।

यसैया 11:4

ठीक पतीकेमी प्रुङग आन कली निसाफ पाइब। रागी ङा आइक्‍च नु ठेयब मुर नेल्‍ल आन कली उइक्‍थ पा निसाफ पाइब। मिनु रागी ङा मुर आन कली आ लोव़मी तुप्‍ब। परमप्रभु यावे आ अरेशो लोव़ मटीब आन कली मुइश्‍शा साइक्‍ब। २थिस्‍सलोनिकी २:८

यसैया 12:2

थमा पा, परमप्रभु आं कली पाप रे प्रोंइब बाक्‍ब। गो मेको कली थमा सुइश्‍शा महिंनुङ। मारदे हना परमप्रभु यावे आं कली सक्ति नु बोल गेब बाक्‍ब। मेको आं कली श्‍येत रे प्रोंइब बाक्‍ब” दे कुम्‍सो पाइनीनी। प्रस्‍थान १५:२

यसैया 16:5

गेना हना यो दाक्‍ब आ नित्‍तीक वोंइसीब। मेको दाऊद आ ताम्‍बुम बाक्‍ब। मिनु मेको नित्‍तीकेमी थमा सुइक्‍चा पुंइसीब ठीक निसाफ पा हुकुम पाइब का निस्‍सीब। मेकोमी रीब पा कुल मकोव़थु, निसाफ पाइब।

यसैया 2:4

मिनु मेकोमी रागी रागी ङा नु जात जात ङा मुर आन कली निसाफ पाइब। मिनु मेकेर ङा मुर आन कली अरेब। मेकोपुकीमी आन तरवार चेम्‍शा, फाली सेल्‍नीम। आन तूतीक चहिं गुये सेल्‍नीम। रागी का ङा मुर अर्को रागी ङा मुर नु लडाइ मपाइनीम। लडाइ पचा मशेंसीनीम। यसैया ९:४

यसैया 24:23

मेना तास्‍ला लल जीब, नां आ छेङछेङ जाम्‍ब। मारदे हना मुर नेल्‍ल आन परमप्रभु यावेमी सियोन डांडा नु यरूसलेमम सासन पाइब। खाल्‍पा आन ङोंइती आ छेङछेङ कोंइब।

यसैया 25:9

मिनु मेको नाक्‍ती मुरपुकीमी “कोव़ङीन, मेको आंइ परमप्रभु बाक्‍ब। गो मेको आ लां कोव़तक। मिनु मेकोम आंइ कली श्‍येत रे प्रोंइतु। मेको आंइ रिम्‍शा बाक्‍शो परमप्रभु यावे बाक्‍ब। गोपुकी आ प्रोंइशो तशा ग्‍येरसाक्‍क। भजन संग्रह ४८:१५

यसैया 33:17

गेपुकीमी पिप कली आ दारसम ग्‍योम्‍सीशा ताइनीनी। मिनु मेकोपुकीमी ठेयब रागी कली ताइनीम।

यसैया 35:4

हिंब थुं पाइश्‍शो मुर आन कली “इन थुं फ्रेंदीन। महिनीन” दे मतीन। इन परमप्रभु एक बाक्‍ब। मेको क्‍येक्‍क लेत्‍चा कली जाक्‍ब। परमप्रभुमी हिंचा ङा सजाइ गेब। मेको जाक्‍शा इन कली प्रोंइब।

यसैया 37:20

परमप्रभु यावे, आंइ परमप्रभु, मुल आंइ कली सन्‍हेरीब आ गुइ रे प्रोनीन। रागी नेल्‍ल ङा मुरपुकीम गे ला परमप्रभु यावे बाक्‍नीनी, दे तुइक्‍तमेक्‍ल” दे पुंइशा, लोव़ पाप्‍‍तु। यसैया ४०:५; दानीएल ६:२७

यसैया 41:21

परमप्रभु यावेमी “इन लोव़ मार बाक्‍बा, देनीन। थमा बाक्‍ब, दे कोंइदीन, दे गो, याकूब आ पिपमी देंनुङ।

यसैया 44:6

मिनु परमप्रभु यावे, इस्राएली आन पिप नु मेको आन कली पाप रे प्रोंइब, मुर नेल्‍ल आन परमप्रभु यावेमी “गो नेल्‍ल क्‍येङा ङोंइती नु नेल्‍ल क्‍येङा नोले ङा नङ। गो आं ङा लाक्‍शा, अरु परमप्रभु मबाक्‍नीम। यसैया ४१:४; यसैया ४३:११; प्रकाश १:१७

यसैया 49:25

तन्‍न परमप्रभु यावेमी “बोल्‍यो मुर आन ग्‍याइश्‍शो मुरपुकी यो लाइक्‍‍चा पुंइसीनीम। हिंचा ङा पिपम चोक्‍शोपुकी प्रोंइचा पुंइसीनी। गे नु लडाइ पाइबपुकी नु गो लडाइ पाइनुङ। इ आल आन कली गो कोव़शा प्रोंइनुङ। मत्ती १२:२९

यसैया 49:26

इ कली श्‍येत गेब आन कली आंम आन श्‍ये ब्‍वपाइक्‍नुङ। मेकोपुकी अङगुर शांबुम दुक्‍शो खोदेंशो पा आंम आन हुशेम दुक्‍नीम। मिनु मुर नेल्‍लेमी ‘गो इ कली श्‍येत रे प्रोंइब, इ परमप्रभु यावे नङ। गो इ कली पाप रे प्रोंइब, याकूब आ सक्ति पाइश्‍शो परमप्रभु नङ’ दे तुइक्‍नीम” देंत।

यसैया 51:4

मिनु परमप्रभुमी “आं मुरपुकी, आं लोव़ नेनीन। आं रागी ङा मुरपुकी इन नोफा दाइक्‍तीन। मारदे हना गो आं लोव़ शेंनुङ। आं ठीक निसाफ जात जात ङा मुर आन कली तुइक्‍पाइक्‍नुङ। मेको आन कली छेङछेङ दुम्‍ब।

यसैया 51:5

गो आं ठीक पतीके रीब पा चाक्‍नुङ। गो ग्राचा चिक्‍शो बाक्‍नुङ। मिनु गो जात जात ङा मुर आन कली निसाफ पाइनुङ। समुन्‍द्र आ नेक्‍था बाक्‍ब मुरपुकीम आं लां कोव़नीम। आं वारच पतीके रिम्‍नीम। यसैया ४२:४

यसैया 51:7

गे ठीक पतीके तुइक्‍बपुकी आं लोव़ नेनीन। आं शेंशो थुंमी वोइक्‍ब मुर आं लोव़ नेनीन। मुर आन शुक्‍शी पशो नेंशा महिनीन। मेको आन तोक्‍शा पशो लोव़ नेंशा सुर्ता मपने। यसैया मत्ती ५:११

यसैया 60:16

गे रागी रागी ङा दूध तूनेवे। मिनु गे पिप आन दूध तूनेवे। मिनु गो इ कली श्‍येत रे प्रोंइब बाक्‍नुङ। याकूब आ सक्ति पाइश्‍शो परमप्रभु इ कली पाप रे प्रोंइब बाक्‍नुङ, दे तुइक्‍नेवे। यसैया ४९:२०

जकरिया 9:9

सियोन आ तमी, साप्‍पा ग्‍येरसो। यरूसलेम आ तमी ग्‍येरशा ठेयब सेंदा पा ग्रीङो। मारदे हना इ पिप इ बाक्‍तीकेमी जाक्‍ना जाक्‍न बाक्‍ब। मेको ग्राशा ग्‍येरसीशा जाक्‍ब। मेको ब्रेम्‍शो बाक्‍ब। मेको गधा तार ङोइश्‍शा जाक्‍ब। गधा आ चाइक्‍ब तार ङोइश्‍शा जाक्‍ब। सेफन्‍याह ३:१४; मत्ती २१:५

मत्ती 21:5

“सियोन ङा तमी कली ओदें तुइक्‍पतीन। कोव़ङीन, इन पिप ब्रेम्‍शो दुम्‍शा, गधा गधैनी आ चाइक्‍ब ङोइश्‍शा, इन बाक्‍तीके गे पिन पिन बाक्‍ब” दे ब्रेक्‍शो बाक्‍ब। जकरिया ९:९

मत्ती 25:34

मिनु पिपमी आ ग्‍युरा गे राप्‍शो आन कली ‘आं आफ आ आसीक तशोपुकी, आं नेक्‍थान जाक्‍कीने। रागी सेल्‍चा ङोंइती एको राज्‍य इन कली सेल्‍शा वोइश्‍शो बाक्‍त। मुल बाक्‍कीने।

लूका 2:11

एको ग्‍येरपाइक्‍ब लोव़ दोदेंशो बाक्‍ब देंशा हना, मुलाक्‍दो पिप दाऊद आ सहरम आल का जरमेसाक्‍व। मेको नक जरमेशो आल पाप रे प्रोंइब, प्रभु येसु ख्रीस्‍त बाक्‍ब।

प्रेरित 5:31

परमप्रभु यावेमी इस्राएली आन थुं आ गे लेप्‍पाइक्‍ब, लां कोंइब कली नु पाप रे प्रोंइब सेल्‍शा, आ ग्‍युरा गे निप्‍पाइक्‍तु। प्रेरित २:३३

२ कोरिन्‍थी 5:10

मारदे हना गो नेल्‍ल ख्रीस्‍त आ ङोंइती निसाफ पची ना जाक्‍चा माल्‍नीकी। रांम बाक्‍यानु, इं रांम पशो रिम्‍शो नु मरिम्‍शो नेल्‍ल ताइनीकी। प्रेरित १७:३१; रोमी २:१६; रोमी १४:१०; यूहन्‍ना ५:२९; एफिसी ६:८

ब्‍यवस्‍था 33:2

“परमप्रभु यावे सीनै रे जाक्‍शो बाक्‍ब। मेको सेइर रे पा आंइ ङोंइती ग्रूत। मेको पारान डांडा रे पा टल्‍केसाक्‍व। मेको नु लाख लाख आ मुर बाक्‍तेक्‍म। आ ग्‍युरा गे आंम मुर ङा ठेयब हुल बाक्‍तेक्‍म। न्‍यायाधीस ५:४

हिब्रू 5:9

मेको पाको दुम नोले आ कली टीब आन कली गेना हना यो श्‍येत रे प्रोंइशा बाक्‍चा गेब दुम्‍माक्‍त।

याकूब 4:12

परमप्रभु यावे अरेशो लोव़ गेब नु निसाफ पाइब बाक्‍ब। परमप्रभु यावेमी ला पाप रे प्रोंइने नु नरकम सोइक्‍ने चाप्‍ब। इन नेक्‍था बाक्‍ब आन कली मोपा नाक्‍ब, सु ननी ङा? मत्ती ७:१; रोमी १४:४

प्रकाश 19:16

मिनु मेको ङोंइती ङा शारा ङोइक्‍ब आ वा नु आ फिलामी नें का ब्रेक्‍शो बाक्‍त। मार नें ब्रेक्‍शो बाक्‍त देंशा हना, पिप आन पिप नु प्रभु आन प्रभु, दे ब्रेक्‍शो बाक्‍त। प्रकाश १:५; १तिमोथी ६:१५

१ सामुएल 12:12

तन्‍न गे अम्‍मोनी आन पिप नाहाश कली लडाइ पथ पिशो ताइतीनी। मिनु गेपुकीमी ‘परमप्रभु यावे, इन परमप्रभु इन पिप बाक्‍त हना यो, आंइ कली सासन पपाइक्‍चा कली पिप का गेने’ देंतीनी। १सामुएल ११:१-२; १सामुएल ८:१९